ابحث عن موضوع الكيك اللي يصلح باله التوست لاحد الاخوات

السلام عليكم ورحمة الله وبركاته .. أختي العزيزه اتمنى أن يكون هذا مطلبك ..
وهو للاخت زهرة البساتين
المقادير :
نصف كأس ماء .
نصف كأس زيت .
1 كأس سكر .
3بيضات .
ذره فانيلا .
1 ونصف ملعقه كبيره باكنج باودر .
1 ونصف كأس دقيق .

الطريقه :
تخلط جميع المقادير مع بعضها البعض بالخلاط الكهربائي حتى تتجانس ويعطيك قوام الكيك العادي .
بعدها صبيها في زبديه وخذي بملعقة الطعام مقدار ملعقتين وصبيها في آلة التوست أكيد تعرفونها اللي عندي فيها أربع أحواض مثلثه اعبيهم كلهم واسكر الآلة ( أول دفعه تكون الآلة مو حاره يبلها وقت وبعدها لا يستوي أسرع ) ( أحيانا اضيف قطع صغيره جدا من مربى الكرز أو الكشمش الأزرق أوأضيف شوكلاتة هرشي حبيبات على الخليط بعد ما اصبه في الأحواض يعني في كل حوض حبتين تقريبا ..... حسب الرغبه )
بعد ماتخلصين بيكون عندك كيك مثلث الشكل آآآآآآآآآخر نعومه وروقاااان سواء في الطراوه أو الطعم أو الشكل المرتب خاصه إذا صفيتيه في صينيه بشكل متدرررررج مثل ( الضومنه )>>>>> وحده قديمه . راح تلاقين الأنظار تتجه للكيكه لظرافة شكلها وترتيبها .

ملاحظة :الأفضل تشغلين الآلة قبل بـ10دقائق على الأقل حتى تسخن

تحياتي ..