******** ابحكي لكــــــــــــم قصتي كاملة **********

تم دمج الأجزاء

السلام عليكم يابنات

نويت اكتب قصتي مع ابن الاصول والقبايل

وصدقوني هذي فعلا قصة حقيقية ونا اعاني منها

ابن الاصول اللي كنت احلم به وكنت اقول مابي غير ولد قبايل ورجال ومتربي عالرجولة

كنت احلم بولد ناس ورجال متربي مسؤول من صغره وقادر عالمسؤولية الانبهالزمن اللي قل فيه الرجال وانعدمت فيه المسؤولية . الى ان وفقني الله بهالرجل

متزوج وعنده عيال ، جامعي ومثقف، موظف في وظيفة ميسورة ، مقبول الشكل بالنسبة لي ومن قبائل السعودية المعروفة ( ما اقصد المال )
طبعا هلي ما وافقو عليه لانه متزوج وكانو خايفين علي منه لا يصير ظلم وتعدي علي وخصوصا ان الاولى قريبته

ونا عن نفسي كنت اقول الله يختار لي الخيرة وكنت احاول اقنع اللي رافضين ان هذا امر الله ان راد لي معه نصيب

وانه شرع الله وبيجي اليوم اللي يصير موضوع التعدد شي عادي بهالزمن ، ونا افضل الحلال لبنات الناس بدل ما تكثر

الرذيلة وينتشر الفساد ( يعني كانت نيتي ولله الحمد طيبة والله الشاهد )

وسالنا عنه شهر ومدحوه لنا وعانيت لين تم الموضوع ، لين تم ولله الحمد والمنة وارتاحو له اهلي بعد الزواج

طبعا عشت في الملكة ايام راااائعه الى ذاك اليوم اللي صارت لي فيها مشكلة معه وتعامل معي بطريقة فاجاتني

تفاجات كثير من المساومة اللي عرضها علي والشروط التعجيزية والاستغلال وخيرني بين الطلاق او قبول الشروط

ففضلت الطلاق ، ثم راجع حاله وقال لي اني كنت اختبرك واعتذر وانتهى الموضوع ولكن قلبي كان يغزني وكنت

خايفة من هالسهم اللي جاني منه ودعيت الله واستخرت ورحت الحرم وتعلقت بالكعبة وبديت ادعي ونا منهااارة

من كثر البكا والله يابنات انعقد لساني و صرت اقول بس ياااارب ياااارب

وكملت عمرتي الا وهو يتصل علي سبحان الله ويحاول يلطف معي الجو بعد هالموقف

ابد سلمكم الله
كنت اقول وش اللي قاعد يصير ؟؟؟
عين حسد مدري
المهم راحت الايام وجت الايام وتزوجنا وصار لي عرس بسيط ومبارك ولله الحمد في بيتنا لاني ماحبيت اعسر عليه ابد
وقبلت اسكن بنفس العمارة حتى اسهل له الامور واعفه واعف حالي
وقال لي ترا الوضع بيكون بسيط جدا وقبلتوعشنا اسبوع من احلى ايام عمري

كنا ناويين نسافر بس قال لي ان عيالي وزوجتي بروحهم واخوها سافر من عندها بعد اسبوع زواج بالضبط ( حركة ) حنيت عليه وقبلت نرد الديرة
وردينا ديرته وسكنا بفندق لين تترتب امور الشقة الباقية وكان يروح ويرد على عياله حتى يتطمن عليهم ( كنا قريبين منهم )
ورحت الشقة اشوفها وتفاجأت بالوضع الشقة تقريبا فاضية وكنت صابرة لاني استحيت من معاملته الطيبة لي لين جا اليوم اللي سكنت فيه البيت وكان يطلع من عندي براي ويرد البيت براي ثاني
ما اخذني بهدوء ومسايس وخصوصا اني ببلد غريبة ولوحدي وتركت كل شي عشانه وعشان حياتي معه
و وضع البيت ومعاملته اللي تغيرت فجاة و و و
صعقت ......... كانت الضربات اقوا مني

وما اخفيكم يا بنات كنت قليلة خبرة وما احتواني عدل كنت متوقعه انه بيكون عون لي بحسن تعامله لي مثل البداية وبكون عون له من حيائي من معاملته لي واحتوائه لي لكن الحمد لله على كل حال
ساعات يجيني بشغف واحس من عيونه انه يحبني وساعات احسه ينضغط بس ما كنت افهم شفيه؟!
اااااااااه حبيبي .. فقدتك وفقدت طيبك يارب والله احبه وانت شاهد بس اكره تصرفاته
فقدت طيبه يابنات فقدت قلبه فقدت حنيته و كل زين به وتغير بسبب هالضغوط اللي عليه
طبعا عانيت كثير من التعديات علي وعلى ايامي منه ومن زوجته ومن اخوانها الي كانوا ما يحترمون ايامي و وقتي معه ويطلعون وما يجيني الا بوقت متاخر
وبيومها نادر اذا جاني وقعد معي ساعه بكاملها ، كنت اموووووت من القهر من هالتصرفات وقلت : معقول مافي احد فيهم يخاف الله وينصحه معقول ماتت في قلوب الناس مراقبة الله والخوف من عقابه
وما بتصدقون ان قلت لكم انهم من حفظة القران وناس متعلمين وفاهمين ( والله هذا البلا )
صارت بيننا مشاكل في البداية و كنت اقول في بدايه الحياة لابد تكون كذا و وصلت المواضيع لهلي وجو عندي وحاولو يهدون المواضيع وفعلا الحمد لله هدت بس قعدت بقلبه
راحت لايام وجت الايام ونا ملاحظة انه من يوم يدخل البيت يتغير ويوم نطلع من البيت والله يابنات يهدا وتتغير نفسيته

وكنت اتصبر بفضل من الله وكان الله يسخر لي ناس ينصحوني ومتابعين حالتي اول باول
ما تتخيلون يابنات ماكنت اقدر اكل الا ا ن جا واكل معي كنت اقوله خلني اتعرف عالجيران كان يرفض كنت اقوله خلنا نستشير في امورنا هذي مستشار اسري بعد كان يرفض
كنت ارسله حتى ارقام شيوخ يقرون . ياااارب تدبر الامر من عندك
فقدت ريحته وفقدت انفاسه وهو جنبي .... فقدت ضحكته والفرحة بعيونه ... فقدت حتى مزحه
والله اكتب ودموعي مغرقتني (( ادعو لي يابنات ))
شفيك حبيبي شصاير لك ؟!!!!! ليش كذا
المهم لين جت امه عندنا وزارتنا ( فديتها ) وغاب عني مابات بالبيت عندي من دون مايقول لي السبب وتعذرت له وقلت يمكن عشان امه موجودة ويبي يكون معها وفعلا بعد 3 ايام سافرت امه وظل عند زوجته ما جا البيت واستغربت هالحال وقلت له ابي اروح مشوار وعينكم ماتشوف الا النور قام يهاوش بالسيارة ويقلب مواضيع قديمة وجديدة ولام سكوتي وصبري ان هذا الهدوء اللي قبل العاصفة وحسيت انه يبي شي يوصله
وفعلا كانت اجازة المدارس بتبدا قريب ويبي يسفر اهله ويستانس ومو عارف وين يوديني وقلت له ودني لهلي
و وداني عند هلي يابنات وتركني شهرين تفريبا لا حس ولا خبر ونا ماغير ارسل له واهديه وماسكة سجادتي ويدي للسما ادعي ربي
الى ا ن جا ويوم دخل البيت عيوننا غورقت وكان وده يشيلني من الارض من شوقه لي وعشت يومين من احلى الايام

و تسهلت الامور مع هلي بفضل من الله ورجعت بيتي وهدات الامور بيننا وفجاة غاب اسبوعين عن البيت ما يبات فيه وتوقعت نفس الشي انه يبي يمهد لاجازة ابنه المدرسية الصيف
بس هالمرة صعدها اكثر واكثر ونا ماغير ادعي وادعي واطلع اللي في خاطري بالكتابة في دفتر حتى محد يدري عني وكنت اقول يمكن لو تاثث البيت يهدا ، يمكن لو رجعت عملي وانشغلت عنه تتغير امور كثيرة
وبدات اخطط لتاثيث البيت وبداية عملي وتفاجات بوالدتي متصله علي تقول ابيك تنزلين ضروري ابدخل المستشفى لعملية!!!!!!!!
استغربت وقلبي نغزني
اكمله لكم بكرة باذن واحد احد

استغرب من شي
وهذا انا طلبت منه اني اتعرف على زوجته وما ضريتها ابد ولا هدمت بيتها واحب عياله كثير
وش منتظرة هي من الله الحين بهالسوايا
ماتخاف تنصاب ببنت حرام فعلا تخرب بيتها!!!
ماتخاف تنلى ببنت قوية فعلا تاخذه منها!!
ما يخافون على عيالهم من دعوة مظلوم !!
مايخافون على نفسهم من عقاب الله بالدنيا والاخرة
والله يابنات صرت ادعي عليهم بدعاوي بالحرم عند باب الكعبة ونا متمسكة بستار الكعبة ومنهارة من البكا من الظلم اللي صاير فيني وصدقوني ماراح انسى ابد هالظلم ولا راح ينسى ابوي وامي اللي ماغير ماسكين سجادتهم يدعون باخر الليل
وين الخوف من عقاب الله بهالدنيا قبل الاخرة / مايخافون ينحرمون من عيالهم بلحظة مثل ما حرقوا قلب ابوي وامي علي
مايخافون ان الله يقطع نسلهم بهالدنيا مثل ماحرموني الذرية لكن وين بيروحون من الله ونا دعوتي بتلقهم دنيا واخرة انا وابوي وامي عاللي سووه فيني

المهم ابوي زارنا بذيك الايام قبل تكلمني الوالدة واستانسنا انا وابوي وزوجي وقلت له اذا في خاطرك شي بلغ به ابوي . وعدت زيارة ابوي بسلام وقلت يمكن الله هداه ....وفعلا والله يابنات امي حبيبتي كانت كاتمة بصدرها وساكته فديتها .... اثره زوجي الله يصلحه كلمها وقال لها خالتي انا مقدر اكمل معها وابطلقها ( وكلام كثير ) وهلي انصدموا وكشف لي الموضوع هو وقال لي ترا امك مو مريضة ونا مقدر استمر بهاللعبه ((( تخيلو ))) . وقمت ولميت ملابسي بعد طلب منه واغراضي كلها
يالله يابنات ماتتخيلون الاحساس اللي جاني ونا الم اغراضي من بيتي واودعه بكيت وبكيت وبكيت ونا المهم من غرفتي وحمامي الله يكرمكم ومطبخي
واودع زوايا هالبيت اللي عشت فيه مع زوجي اللي حبيته وماعرفته ولا عرفت اتصرف معاه
اودع هالبيت اللي عشت فيه ايام الله وحده المحيط بها ونا ماغير ادعي واودع بيتي بصلاة ركعتين فيه وغرست فيه اخر فسائل من ماء مقري عليها ( قريت فيها بنفسي ) لعل الله يهديه
وجات موعد الرحلة وموعد خروجي من هالبيت ( هل الى عودة ام لا عودة ) الله اعلم وقلبي بدا يخفق واحس انه بيغمى علي من الصدمة ونا ماغير احوس بهالبيت وادعي الله
يارب يارب يارب الفرج
اعترف بغلطات وهفوات لي بس مو لدرجة الطلاق بعد اقل من سنة زواج اللي انحرمت منه وانظلمت فيه اكبر واكبر

المهم حبيباتي / كان دااااائما يقول انه مضغوط وفي مرة قال انه زوجته الاولى تبيه يطلقني

الله اعلم بنيته

المهم ماتتخيلون شصار معي خرجنا من البيت للمطار وبدا يتغير صحيح بالبداية عصب بس بدا يحن بعدها ويهدا ونا ملاحظة وصرت اقوله اقرا على نفسك جب احد يقرا على البيت

ويوم وصلنا بيتنا حن لي اكثر واكثر بس محد من هلي رضي يقابله لعد اللي سواه وخصوصا ا الوالد انقهر من حركته بعد ما سافر من عندنا وقام زوجي ارسل لامي وقال ذاك الكلام

المهم هلي ما اذوه وسافر بعد ما وصلني بساعتين ومن فترة لفترة الان يرسل رسايل ويطمن واوقات يكلمني وهو مشتاق لي
الى ان كلمته مرة وحاولت اهديه وابصره
وجرحني بكلامه واسلوبه هالمرة ماقدرت اسامحه عليها حسيت انه بااااااااااااااالغ في جرحي وظلمي كثير حتى ماعاد صار يقلبي مكان حتى اسامحه لا هو ولا م عاونه على خراب حياتنا وبيتنا وساعده على الطلاق

والان انا منتظرة تدبير الله في امري لانه منتظر موعد المحكمة الاسبوع الجاي للطلاق

انا مستعدة لاي سؤال يبنات

الله يعلم بنيتي اني ضحيت باشيا كثيرة ابي ستر وعفاف وحلال ربي وذرية وبيت واسره صالحة مصلحة في هذا المجتمع ولو ابي الاذية ماكان انظلمت هالظلم وسكت
اوقات مايهون علي ينضر ابد واوقات من كبر جرحه لي واهاناته قلبي يقسى

لكن حسيبهم الله اللي حرضوه علي وعوانوه بالسر او العلن بالهمز اللمز بالقول او الفعل على سواياه فيني

اللي احب اوصله بعد من قصتي

اني ابي الكل يتساعد على مخافة الله من قريب او بعيد

رجل او امراة

الدنيا سلف ودين

اليوم انتي عالارض بكرة بروحك في ظلمة تحتها ( وعيشي هالظلمة وجربيها

في غرفة مظلمة ومكان ضيق 5 دقايق ! بتستحملين ؟ مابالك سنين

لا ونيس ولا هوا ولا اكل ولا شرب

وفوق كل هذا تحاسبين على كل صغيرة وكبيرة )

و لابد اننا نعظم من دعوة المظلوم ونخاف منها ماتدرين بتدعي عليك في

شنو

ولا تامنين مكر الله ( ويمكرون ويمكر الله والله خير الماكرين )