من زمان وانا بحب العجة جدا ومكنتش بعرف اظبتها خالص ولا اعرف ازاي بتتعمل
واكلتها مرة عند حماتي - ام زوجي - وطييييرت بيها من الفرحة وكل ما اروح عندها اطلبها منها ,,,, وعلمتنى الطريقة وصورتها لكم
الله يعافيها ويشفيها ويبارك بجميع امهات المسلمين
نبدا بسم الله طريقة عمل العجة المصرية بالصور ,,, فاعلية ابداع امي ,,,
ملاحظة :: للحصول على افضل نتيجة الافضل تطهى في طاسة ضد اللزق زي التيفال
اولا نحتاج الي ..
5 بيضات
بصلتين وسط
طمتمتين
حزمة بقدونس
ملح وفلفل
دقيق
زيت للقلي
قطعي البصل ناعم , وحي الزيت على النار حتى يسخن ,,, حطي البصل حتى يشقر لونه ,, اشقر وليس بني لانه لو بني بياثر على لون البيض في الاخر ويكون غامق
قطعي الطماطم حتت صغيرة جدا وحطيها على البصل بعد ما يشقر
قلبي وحطي ملح وفلفل وسيبيهم شوية لحد ما تنزل الطماطم ميتها وتشربها تانى وتتسبك شوية ..
قطعي البقدونس حتت صغيرة وساعدتها بمقص الخضار عشان نخلص بسرعه
انتبهى لا تحطي البقدونس كتير على النار حتى لا يغمق لونه ولا تطهه كتير على النار ,,, بس ديقيتين بالعدد وطفي النار ...
ليه تطفي النار عشان يبرد شوية الخليط قبل ما نحط البيض لانه لو حطيتي البيض والخليط سخن بيستوى البيض وتبقي مش مظبوطة فلازم يبرد شوية
هاتى البيض اضربيه مع بعضه وحطي ملح وفلفل
واقسمي الطاسة بالنص عشان تخطي البيض في النص البارد وتبداي التقلبيب بالتدريج
شوية شوية حتى يتمازج الخليط مع البيض ويبقي كدا
يتبعـــــــــ
23112010005
نيجي للمهم وهو الطهى او التسوية
هاتى طاسة حطي شوية زيت .. ولازم يقدح كويس جدا , حطي شوية من البيض - لانك حتعملي عده اقراص -
23112010006
23112010007
الاول لازم النار عاليه دقيقة مثلا ... وحاولي تساوي الحروف حتى ما يتلسع البيض من الجوانب ويبقي طعمه محروق ... وبعد دقيقة هدي النار خالص وخليه تقريبا 5 دقايق للوجة اللي تحت ....
23112010008
نيجي للوجه التانى ... لازم تحطي زيت ولازم يكون معاك صينيه عشان تقلي فيها الوجة اللي خلص وتحطي زيت وبعدين ترجعي تحطي القرص تانى على الوجة الاخر .. النار هادية وكمان 5 دقايق او حتى يستوى الوجة الاخر ....
23112010009
ويطلع لونه ذهبي ومشهي ... الطبق دا صحي جدا جدا جدا ومفيد للاطفال .. ولو اولادك مش بيحبوا البيض .. اعملي لهم العجة بالطريقة دي وقطعتيها زي البيتزا في الاخر مثلثات او مربعات صغيرة ... وياكولها بالشوكة حتعجبهم جدا ان شاء الله
وعذار ما لحقت اصور الشكل النهائي لانها خلصت قبل ما الحق الصورها ... ياتري مين اكلها ...!!! هع هع هع
لا تنسوا تدعوا لامي ولام زوجي وجميع امهات المسلمين بالصحة والعافية والبركة .. حفظكم الله من كل شر