cute moon @cute_moon_1

محررة ذهبية

ابذل أقصى ماتملك .. وستذهل نفسك حقا

السلام عليكم بنآت ..

اليوم حبيت انزل موضوعي وان شاء الله توصل فكرته لكل وحده تبي تعمل رجيم ..

هذي الجمله الي بالعنوان قرأتها بكتاب من كتب تطوير الذات الي اقرأها لأطور ذاتي وأرقى بها ..

(أبذل أقصى ماتملك .. وستذهل نفسك حقا ..)

دي الجملة يبنات رهيبه جدا .. عملت بمقتضاها وربي اني اذهلت نفسي جدا ..

معنى المثل هو : إذا عندك هدف وتسعى لتحقيقه .. وعملتي اقصى جهدك فيه .. فالنتيجة انو حتحققيه وفوق ماتوقعتي ..

انا طبقتها بس مو بالرجيم .. بل بدراستي الجامعيه ..

كان عندي مادتين وحده منهم باقي لي درجه .. والماده التانية (مره صعبه) باقي لها 4 درجات وأصير اجيب فيهم جيد جدا ..
وكنت مره حزينه لأانو حيأثر بمعدلي ..

وكنت قانطه اني اجيب فيها امتياز .. لانو باقي الاختبار النهائي ! وكانو قايلين لنا انو مابيكون سهل !

ووقتها قرأت هذا المثل ..
اثرت الجملة بقلبي يبنات بشكل ماتتصوره .. قلت خليني اعمل بيه ..

صرت أذاكر المادتين دي من قلبي.. وكل مااتعب اسأل نفسي.: هل بذلك اقصى ما أملك ؟؟ فأجاوب : لا .. فأجلس اكمل وادرس .. وتجي الساعه 9 الليل واطفش : فأسأل نفسي : هل بذلت اقصى ما أملك ؟ فاقول : الصراحه لا في مثل يقول : من طلب العلا سهر الليالي وفي طلاب يسهرو الليلالي .فيعني انا لسه مابذلت اقصى جهدي .. فاكمل ادرس وادرس .. لحتى بعد ما أخلص المنهج واكون صامته صم .. واسأل نفسي: هل بذلت اقصى ما أملك ؟ فأقول : والله عملت كل الي اقدر عليه ..

ووقتها دخلت اختبار المادتين .. وجبت امتياز فيهم ! !

وقتها ذهلت ... في اختبار منهم مره كان صعب وبس نقصت فيه درجه .. والتاني نقصت فيه الأربعه وجب امتياز على الحافه !

فالنتيجة انو جد أذهلت نفسي وحصلت على نتيجة ماكنت متوقعتها ..

عشقت ده المثل وحبيته ودائم اردده بالساني ..

ووالله والله يبنات ..
الحين واحنا بالترم الثاني .. صرت أطبقه وكل شوي اثناء ما أدرس للاختبار اسأل نفسي لما أتعب .. هل بذلتي كل ماتملكين ؟ فأقول : والله بذلت بس مو مره ولسه احس نفسي اقدر ابذل المزيد .. فأجلس اكمل دراسه للاختبار ..

لأنو أبغآ أذهل نفسي ..
فالمثل يقول : إبذل اقصى ماتملك .. وستذهل نفسك حقا ..

والله يبنات .. الحين كل الاختبارات الي اختبرتها .. اجيب فيها الفل مارك ماشاء الله.. والله ماكنت متصورة نفسي اجيب فل مارك .. و مع انو موادي اصعب من مواد الترم الأول ..

لكن هذا هو السر ...

أتوقع فهمو الي اقصده ياحوائيات :27:

طبقو هذا المثل برحلتكم للرشاقه..

ايش هدفك ؟؟
الرشاقه

هل بذلتي اقصى ماتملكين ؟
جاوبي انتي

...
وأضمن لكم مع دي المثل تنحفو كيلوات اكتر من الي متوقعينه ..
والي ماينفع معاها تجيني وتقولي انتي كذابه .. انا شديت أقصى مااملك ولا نقصت!
وربي ماأكتب لكم هذا المثل الكنز إلا لاني طبقته بدراستي الصعبه وشفت نتائجه وصرت اعشقه ..

انا امس وانا ابي أنام .. جلست أفكر فيه وقلت اشبي ما طبقت مثلي الحبيب في الرجيم .

لكني من اليوم حابدأ اطبقه .. وبدأت ..

صحيت .. واختي معاها جالكسي الي احبه ..
كنت دائم اقول :أ كل قطعه وحده بس لحتى ما أحرم نفسي ..
لكن وقتها سألت نفسي: هل بذلت كل ما أملك ؟؟ قلت : لا ، فأنا اقدر اتحمل اني ما أكل القطعه وفعلا ما أكلتها ..

وربي جربوها ..
وقت الحلا والبوفيه والمغريات قدامك .. وتحسي بضعف . فأسألي نفسك: هل بذلت كل ما أملكه لحتى أذهل نفسي حقا بالرشاقه ؟

فأكيد بتقولي لا: انا مابذلت أقصى ما أملك (لأنو معنى تبذلي اقصى ماتملكي يعني اقصى ماتتحملي وشوفي نفسك هل لك قدره على التحمل وانتي تعرفي نفسك)..

فصدقوني الي أستشعرو هدفهم والمثل هذا بتشوفوهم يصبرو على مشقة التمارين وعلى مغريآت الطعآم ..

...............

وانتي بتمشي ع السير وتتعبي .. فأسألي نفسك : هل بذلت أقصى ما املك ؟
حتجاوبي : لا.. فصحيح انا متعبه بس لسه ماوصلت لدرجه اني بأموت من التعب ! فوقتها حتكملي مشي ..

اتخيلو معايا انو بكل رياضه تتعبو فيها ..او بكل طعام مدمر تواجهوه وسألتو نفسهم هذا السؤال .. وبعدين ضغطو على نفسكم شوي ..

تتوقعو حيكون نزولكم بطيئ ؟؟ تتوقعو انو ماحتنزلو ؟

انتو عارفين الاجابه وهذا الي ابغا اوصله لكن ..

انا كان نفسي اكتب لكم السر بعد ما انحف عليه .. لكن الاجازه الصيفيه بعد شهرين تقريبآ .. وكلها زواجات ومناسبات وعزايم .. فأبيكم تكونو جميلات ورشيقآت.. والوقت ضيق .. والإجازه بالطريق .. فإما تكوني حلوه وتذهلي نفسك وقريباتك .. او تتحسري على تخنتك وتقصيرك .. ..

عندك الحين الحين خيارين والقرار قرارك

يلزم عليك تسجيل الدخول أولًا لكتابة تعليق.

تسجيل دخول

ياسمينة طارق • 12 سنة

ما شاء الله عليك ....كلام في الصميم كلام رائع لا يفهمه ويطبقه الا ذوي الهمه العاليه
مشكووووووووووووووووووره

الفراشه الحلوه 99 • 12 سنة

منجد مشكووورة على الكلالام الروعة وفعلالالا احنااا ماانبذل مجهود ولالانوصل حتى للنصص ونقول خلالاص ستوب

أم وسيم** • 12 سنة

الفراشه الحلوه 99 :

منجد مشكووورة على الكلالام الروعة وفعلالالا احنااا ماانبذل مجهود ولالانوصل حتى للنصص ونقول خلالاص ستوب

منجد مشكووورة على الكلالام الروعة وفعلالالا احنااا ماانبذل مجهود ولالانوصل حتى للنصص ونقول خلالاص...

كلاااااااااام قمة الروعه الله يوفقك وييسر امورك :26:

سماء2010 • 12 سنة

مؤثر جدا المثل هذا
وكلامك مريح ومن القلب
من جد كنت محتاجه اقرا موضوع زي كذا
مشكورة حبيبتي
الله ينولك اللي في بالك
وينحفنا من غير شر

ام الأولأد الحلوين • 12 سنة

انت رائعة...الف شكر على النصيحة..

ان شاء الله أكتب المثل واعلقه على المراية وأطبقة...يارب حقق مناي.