ابرة البرص!!!
يارب لك الحمد والشكر على العافيه
الحمدلله يارب

اعوذ بالله والله وحرااام تفكرين كذا لهدرجه البياض ماخذ عقلك
الصحه نعمه من ربي واستغفري ربك لايسخط عليك وتحتاجين الابره من جد ..

ام فدك الكرتزون كل شي بالجسم يشيله اثار الحبوب ويبيض ويصفي البشره بس له اضرار خطيييره ممكن انه يجيب عقم او يسبب سرطانات اوبرص وغيره الله يكفينا وياكم الشر ويدخل في تركيبة بعض الادويه وغالبا ماتلقينه في علاجات الربو او الجلديه يعني لازم الوحده اذا راحت دكتور وكتبلها على علاج على كريم او غيره تسئله هل فيه كرتزون ...صح انه يشفي بسرعه بس بعد فتره يرجع تضاعف الشي او يصير مرض (طبعا الشفا بيدالله)

هلا
أبرة البرص
مثل ماضربت الكم الأخت السنيوره*سارا* مايكل جاكسون شلون كان أسمر وكيف صار أبيض بس كان مصاب بمرض البرص أو البهاق وطغى على كل جسمه فأستخدمها وضرب عصفورين بحجر واحد ساوى لون جسمه وبيض نفسه لكن فيه سوء هذي الأبرة تعرفوا البرص والبهاق وش يعلموا بالجسم او بالأحرى صبغة الجسم ؟
عادة هذي الأمراض تزيل لون الجلد الطبيعي وذلك بتعطيل مادة الميلانين فما يصير فيه اي انتاج الى اللون يعني لون الجسم يصير أبيض وبياض تحسوه مش طبيعي وهذا الي سواها مايكل جاكسون وعملوه بعض الناس الي يعانوا من نفس مشكلته مع تحذير الأطباء طبعا بس لان نفستيهم تعبت من الأمراض فوافقوا على أخذ الأبرة مع الحذر كل الحذر من الشمس تدرون ليييه ؟
مافيه ميلانين بالجسم يعني مافيه حماية من أشعة الشمس يعني سهولة الأصابة بالسرطان وانتوا تعرفوا كل مافتح لون الجلد وزاد البياض قل الملانين وزادت خطورة الاصابة بسرطان الجلد والعياذ بالله فكيف الحال الي ماعندهم أصلا
أنا قلت الكم كل الي أعرفه والي تبي تاخذها وتنعم بالبايض تاخذها بس لاتنسى المخاطر والصحة أهم صح ولا؟
وأعذروني على فلسفتي الزايدة بس حبيت أحطك في الجو

لاحول ولاقوة الا بالله..
فعلا قليل من يقنعون بما أعطاهم الله..
أخواتي الكريمات..نشاهد بأنفسنا بنيات مسكينات ينفق أهلهم الأموال الطائلة لعلاجهن من البرص..
والآن نرى من يطلبها حقا..
فلنحمد الله على نعمته..فالمرء منا لايقدر النعمة حتى لايفقدها..
دعونا نستثمر ماأعطانا الله من خلقة حسنة..وان ننظر الى ايجابياتنا ومميزاتنا ونركز عليها ..ونهمل ماسواها..
عندها فقط سنتذوق طعم القناعة والرضا بمأعطانا الله..

:26: :27: :26:

صراحة كسرتو خاطري تبون تسوون اي شي عشان البياض:(
ترا هالشيء بحد ذات يعتبر مرض مستحيل السمرررة تستوي بيييضة مرررة
ترا الشيء الطبيعي مافي احلى منه وبعدين وصلتوا لهدرجة من اليأس انك تاخذون ابرة البرص هذي....
خليني اقولكم شيء ترا عندي بهق وهو يشبه البرص بس في مناطق مب ظاهرة والحمدلله للعيان يعني في الرجليين وان مرة كنت عند طبيب اتعالج قال لي بنعطيك دواء يخلي لونك واحد يعني اكون بيضة وووايد ومااقدلر اطلع شوي لشمس وبكون عرضة لنسبة كبيرة لسرطان الجلد والعياذ بالله قلت له لا والف لا :07: وبعدين لوني الحمدلله وااايد حلو وعاجبني ,برونزي محمر ومور وماافكر استوي بيضة مثل الشاميات على قولتكم......
وبعدين هالدواء ترا يشيب الرمش وشعر الراس والبشرة البيضة تتجعد قبل الحنطية والسمرة والسودة.....شوفي اوبرا مثلا وايد سمرة غامج وعمرها 50سنة ومب مبين عليها بس الشقر الي عمرها في الثلاثينات كانها في الخمسينات.

هلا .............. بالنسبه لابرة البرص مافي ولا طبيب راح يوصفها لك ............... لانها تنشر البرص في الجسم ويصير لون الجسم واحد بدل مايكون مبقع ............... وبعدين الجسم اذا فقد لونه راح تعانين كثير وتنحرمين من الشمس وحروق الشمس وسرطان الجلد ........ وغير كذا ماراح يكون لونك حلو وحولين اظافرك وشفايفك راح تظل غامقه فحتضطرين لتغطيتهم دايم ........... اما اذا تبين تفتحين تفتيح طبيعي فما راح تفتحين اكثر مما كنت طفله ........وأنسب شي لك التقشير وفيه درجات منه ............... وسلام.