ابرة التفجير وفساد البويضات ام نجاحها

السلام عليكم
انا مقبله على عملية حقن اتبع الدكتور بندر العبدالكريم معي البرنامج القصير وبدأ معي تنشيط من ثاني يوم الدوره وباليوم ١٦ من الدوره اللي هو كان يوم السبت سويت سونار كان فيه بويضات اكبر مقاس كان ١٧ الدكتوره قالت المفروض بكره تاخذي ابرة التفجير طبعا هذا رائي دكتورتي اللي اتابع عندها
رسلت الاشعه لدكتورقلي خذي ابره تنشيط كمان وخذي باليل ابرة تفجير ويوم الاحد مافي ابر والاثنين تجي لسحب ...
المشكله اللي صارت معي اني بالبلد اللي انا فيها خلصت ابر التنشيط مافي اظطرينا نطلبها وصلتني الاحد الصباح واخذتها اليوم الساعه ٨ وربع الصباح لما عرف الدكتور قلي ...
الليله الساعه ٢ باليل تاخذي ابرة التفجير والثلاثاء يتم السحب لكن انتي تتحملي عقبات تأخيرك لابرة التفجير قد تكون البويضات فسدت ...


انا و زوجي بحيره ما يعلمها الا ربي اوقات افكر اكنسل العمليه كلها واستعوض ربي بالالم اللي حاسته الان وبمصاريفنا على الابر طول الفتره اللي راحت ... لاني خايفه اخسر فلوس على السحب والم جسمي ويكون البويضات فسدت ...
واوقات اقول اسويها ويمكن تكون البويضات صالحه وربي ييسرها لنا


احترت وكتبت لكم هنا يمكن احد فيكم صار له مثلي يطمني من تجاربكم واراءكم