مشكورة أختي على الموضوع المهم

أنا خذت الابره في ولادتي بولدي بس ماكنت اعرف عنها كل هالمعلومات لأني اصلا ماكنت اعرف عن هالابره إلا وقت الولاده......

لما زاد علي الم الطلق ماقدرت استحمل وقمت اصارخ من قمة راسي واترجاهم يسوون أي شي عشان الالم يوقف لأن الاوكسجين ماسوالي شي بالعكس تعبني وسوالي دوخه ولوعه....... عطوني مسكن مؤقت ورقدت في غرفة الولاده وكان الرحم مفتوح عندي 3 سم تقريبا بس لما راح تأثير المسكن بدت معاناتي لين ماقالولي عن الابره وأنا اول مره اسمع عنها وقلتلهم ابا اي شي المهم هالألم يوقف

بصراحه ماذكر إني حسيت بألم الابره بس اللي اذكره الراحه اللي حسيتبها بعد الابره............ ماكنت اعرف متى لازم ادفع بس يوم الممرضه كانت تقولي كنت اسوي push على قولتهم....... ولما كان الراس بيطلع كنت احس باحساس غريب كأني كنت احس بشعر ولدي بس بدووووووووووووووووووووووون أي ألم

بس بعد الولاده كنت احس بصداع فظيع ماينفع معاه البندول وكان يظهري يعورني وايد وساعات ماقدر اتحرك من الألم هالآلام تمت وياي شهر واحد بس والحين الحمد لله ما اشتكي من شي وإن شاء الله ناويه إذا حملت مره ثانيه اطلبها

انا جربتها في مستشفى سعد التخصصي بالخبر
هي زينه ماعليهاو ماتحسين بشي وانا اول ولاده لي لما شفت الالم قلت ابدا جيبو اي شي يخفف بموت خلاص وانا تو الرحم مانفتح الا شي بسيط من الفجر وماولدت الا بالليل والطلق مستمر قلت ابد ابي شي ابي ارتاح وقالو لي عن ابرة الظهر حتى لما يتكلم الاخصائي اقول في نفسي لاتكثر هرج هذا ظهري واتوكل على الله مو ناقصه احد يتكلم عنديواقول لزوجي وراه مايخلص بسرعه خله يدق ابرته خلاص
المهم اخذتها والحمد لله هدا الالم بعد ربع ساعه تقريبا وبعدها ماحسيت باي الم الا لما جاء وقت الدفع هنا قال الاخصائي لازم مانعطيها اذا طلبت يقصد تخدير لان لحضه الولاده حسيت بالم قال تحمل عشان تقدر تدفع لان اذا عطيتها خلاص ماراح تقدر تدفع المهم ويبدا الالم من جديد والحمد لله ولدت وماحسيت باي شي بعد الولاده حتى رحت لاهلي بالرياض بعد يومين من ولادتي سياره والحمد لله كل شي تمام
واللحين وبعد مضي 11 شهر على ولادتي الم بظهري مرررررره لدرجة اني اذا ابي اشيل شي من الارض ماقدرت اعدل ظهري
واحس بالم دايم اذا جيتا بنام ودي احد يضغط ظهري لين اسمع صوته طقته هي زينه بس تخافين من الم الظهر ولاخصائي ماشاء الله ايده زينه ماحسيت بشي
ولما درت امي اني اخذتها قالت ليه ماتبين الاجر من الولاده وتحسفت
االحين لما احمل مادري اخذها ولا اجرب الولاده صدق وخايفه
بس دعواتكم لي اني الله يرزقني بولد لبنتي
ذي تجربتي معها

الله يووووووفقكم على ذكر تجاربكم

وين القي ابره الظهر بالقصيم ؟؟؟؟؟؟؟

الله يسعدكم دنياااااااا واخرررررره

بنااااااااااااااااااااااااااااات من جربتها بالرياض بدله ؟؟؟؟؟؟؟؟؟؟؟يقولون هم افضل شئ للتخدير

خواتي انا جبت طفلين وتعذبت بولدتهم الثاني قالو لي اخذي الابره بس انا رفضت تعرفوون ليش؟لاني ابي احتسب الاجر علي اللألم والحمد الله صدق تعذبت بس الاجر عند رب العالمين.....