ابرة الظهر والطلق الصناعي

هلا حبيبتي
انا ولدت مرتين وكلها بالطلق الصناعي
الابره ماجربتها بس سمعت ناس مرررره مايمدحونها

السلام عليكم ورحمة الله
حبيبتي انا جربت ابرة الظهر بصراحة فظييييييييييييييييييييييييييييعة جدا والله ولدت وانا اضحك ولا حاسة باي شي لدرجة انه الدكتور ولدني وهو قاعد يسولف مع الدكتورة اللي جنبه بس طبعا من عيوب ها الابرة انه لازم يشفطوا الطفل بالجفت لانك تكوني فاقدة الاحساس تماما في الجزء الاسفل وماتقدري تدفعي(تحزقي) طبعا... بس من المهم جدا انك تاخذيها في مستشفى تكون امكانياتها كبيرة وخبرتها بها الابرة اكبر لانه لاقد الله لاقدر الله ممكن تعمل شلل اذا ما اتاخذت بالطريقة الصحيحة لانه هي لها دكتور خاص يعملها وطريقتها كالاتي..طبعا انا رفضت اني اخذها في البداية وقلت ياربي انت عالم اني ابغى الاجر والثواب لكن بصراحة ماقدرت اتحمل لدرجة اني حاسة انه روحي تبغى تطلع فعشان كذه اختلف الوضع معايا لانه المفروض اللي تنوي تاخذ الابرة تاخذها من ساعة ماتدخل غرفة الولادة ومن قبل كمان لان لها تجهيزات معينة واجراء لازم يعملولك هوة قبلها...... المهم
اول شي جاني الدكتور وقالي اجلسي وبعدين خلى زوجي يوقف قدامي وخلاني احط ايديني الاثنين على اكتافه وجبيني لاصق في جبينه وبعدين جاب زي الثلج وخدرلي كل ظهري فيه وبعدين بخ ببخاخ البنج وبعدين بدا يحط الابرة ويفرغ فيها على اجزاء يعني ماحطها دفعة وحدة طبعا انا اللي تعبنا شوي اني طلبتها وانا في نص الولادة يعني كان يقلي لوحسيتي بس بطلقة وحدة قوليلي عشان نستنى شويه يعني ماينفع يعطيني هية وانا عندي طلق والحمد لله اخذتها وولدت بالسلامة وناوية اخذها بعد كذا على طول باذن الله بس برضه ححاول اولد من غيرها عشان ربنا يكتبلي الاجر والله على ما اقول شهيد
وعلى فكرة انا ولدت في مستشفى غسان فرعون في جدة وسلامتكم