تاخذيها خلال 72 ساعه من الولاده

اختي سقطت اول حمل لها بالشهر الثاني
نزل دم معها من الشهر الاول بس ماوقف
ونامت شهرين على ظهرها ماتشتغل ولا شي عند اهلي
لكن الرحم رفض الحمل وجاها زي الطلق ودم كثيف وسوولها المستشفى تنظيف وعطوها ابرة الفصيله بعد التنظيف مباشره

اختي فصيلتها -AB
وزوجها +A

وقالها الدكتور تستخدم المانع ٧ شهور لاتحملين بسرعه الا بعد ٧ شهور
وحملت بعد سبع شهور ماخذت ابر بالحمل ابد
وبعد الولاده عطوها الابره
وحملت بالثاني ونفس الشي
وحملت بالثالث ونفس الشي
والرابع نفس الشي
الابره تاخذها فقط بعد الولاده مباشره ماتاخذها وهي حامل

امي نفس فصيلة اختي -AB
وابوي فصيلته برضو +A
امي سقطت قبل لاتجيبنا ٥ اطفال
اختي الكبيره جت نفس فصيلة امي وكانت بين الحياة والموت مريضه والحمدلله شافاها الله ثم بالطب الشعبي ذيك الايام كووها وهي مولوده

امي بعد ولادتها باختي راحت للمستشفى تشوف سبب الاسقاطات وموت الاجنه وعطوها ابره
جيت انا ولله الحمد وخواتي واخواني
امي تاخذ الابره بعد الولاده مره بس
والحمدلله ماسقطت بعد ماصارت تاخذ الابره

مادري ليش بعض المستشفيات تعطي ناس اثناء الحمل

وامي واختي مايخدونها الا بعد الولاده
والحمدلله طول حملهم مايرتاحون يكرفون بالبيت وبالدوام

فيه تحليل يسوى ع نهاية السادس او بداية السابع للاجسام المضاده
اللي فصيلتها سالب وزوجها موجب يشوفون تحتاج خلال الحمل او لا
اذا تحتاج تاخذها طبعا
واذا التحليل كويس فقط بعد الولاده

انا اختي فصيلتها o- وزوجها موجب
وجابت بنتها بعد الولاده اعطوها هذي الابره