ابره الظهر ونصيحتي

اول شي انا سمعت اشياء كثيبييييييير قبل مااخذها وكله تخويف وقررت اجربها طبعا انا رحت اولد بمستشفى حكومي دخلت الساعه 10 غرفه الولاده ومن يوم دخلت واسمع صراخ حرمه بالغرفه اللي جنبي اسالهم وش فيها قالو الرااس مو راضي يطلع قلت طيب عطوها مهدئات شي تحزززن صوتها يخررررع قالو ماعندنا قلت شلون ماعندكم اجل ليش مستشفى مسمينكم اروح اولد بالبيت احسن قالو هذا نظامنا قلت اووكي صبرت صبرت لحد ماقدرت اصبر وكلمت امي وابوي يجون يطلعوني بروح مستشفى خاص وصلت الساعه 3 الفجر يوم جت امي طلعتني ويوم حطيت رجلي عالباب الحرمه اللي تصيح توها ولدت يعني ماخيلين كم ساعه الراس ماطلع 6 ساعااات هذي وهي ماخذت ابره ولا مهدىء رحت مستشفى خاص والرحم 5 سانتي دخلوني غرفه الولاده جاني الاستشاري قلتله بموت الم ابي اي شي يهدي قال ابره الظهر افضل شي قلت لااا يقولون تسبب شلل وووو قال ولا شلل ولا شي انا اضمن لك بس الم اول شهرين وبعدها يتلاشى تماما قلت يالله وخذيتها وماحسيت بشي يالله لك الحمد وولادتي كانت بدون اي الم قاعده اسولف بالجوال والرحم 9 سانتي واضحك ووضعي تمام ( بسم الله ماشاءالله ) وتجي الممرضه مدااام ولاده الحين نزلي جوال وانا اقرلها لحظه بكمل السالفه تجي تنزل الحوال من يدي غصب يالله راس بيبي يبي يطلع وبديت ادفع من الساعه 7 الى 7 ونص وشرفت احلى بنوته بالكون يالله لك الحمد
تتذكرون اللي بالمستشفى الحكومي اللي 6 ساعات ماطلع الراس ؟؟ لاحظو انها بدون مهديء وابره ظهر وانا بسم الله ماشاءالله ماخذه الابره ونص ساعه وطلع الراس وكل شي هذا معناته ان اللي تقول ابره الظهر تطول وقت الولاده وتسبب تشنج للجنين كذاااااابه مع مرتبه الشرف ولا الم ولاشي يابنات يالله لك الحمد ماشالله ماشالله لا الم ولا شي ممكن الم يادوووب ع كلام الدكتور بيتلاشى تماما بعد شهر الى شهرين ونصيحتي لكل وحده ترى ابره الظهر نعمه من ربي ورحمه منه ليش ماتاخذينها وتريحين نفسك من اصعب الم يحس فيه الانسان اللي هو خروج الروح من الروح خذوها وانتو مغمضين ولاتصدقون اللي يتفلسفون تسبب وتسبب ؟! اهم شي خلي استشاري بنفسه يعطيك اياها وتوكلي على الله ولاتشيلين هم الولاده ابد وانتي تسولفين البيبي بيصير بين يدينك والف الحمد على هالنعمه