ابروح لسوريا وابي مساعدتكم

أنا بنسبه لي سمعت كثير عن سوريا
وحابه اشارك لو بلي سمعته
سمعت ان الزيت الزيتون ممتاز عندهم وحلو تاخذين لك وإنتي راجعه
وكمان سمعت ان مطاعمهم متكرره ونفس الأكل يعني مشاوي وتبوله ورق عنب وحمص
يعني نادر تلقين مطاعم مختلفه وتقدم نوعيات غير
الملابس رخيصه وخاصه الترينق سوت
وجينزاتهم مررره مرتبه
واسواقهم مره اقل من عاديه
الطبيعه عندهم جميله وقريبه من الطائف
السكن بالمزرعه كثير ناس حبووه بس يقولون يبيله ناس وخرششه
مش لحالك إنتي وزوجك ويعتمد..

لتمنى تلقين تجاوب من البنات وينفعونك بتجارب ومعلومات اكثر

رحلة ممتعة وامنه ان شاء الله

انا رايحه من سنتين عندك جبل قاسيون حلو خذي معك عدتك واكشتو فيه وفيه ملاهي حلوه اسمها
... السعيده نسيت الكلمه الوله ...وفيه مطاعم روعه في الشكل واسعارها رخيصه مثل بوابة دمشق
القريه ووو...والسنما وتدمر فيها اثار حلوه روحو العصر لانها حر وخلو السواق ينتظركم لانها مافيها
تكاسي وما تحتاج وقت كبير "ساعه ونص تكفيكم ... ولازم تكاسرون كثير لانهم يغلون في كل شي ...

شوفي ياستي سوريا حلوة للي يدور على الطبيعة والجمال
من تجربتي - والرأي لكي طبعاً - اسكني في الشام ومن هناك اتنقلي مابين الأسواق والقرى الصغيرة الحلوة
لاتفوتي مضايا جميلة جميلة جميلة ، مزارعها وبيوتها يعني لو كنسلتي فكرة السكن في الشام اسكني في مضايا في بيت حلو وواسع ومعه مزرعة وهني عمرك واتركي الأسواق اخر شي من الشام
الأسواق عندك الحميدية والصالحية والحمراء كل شي فيها بس كاسري في الشراء .
ونصيحة ابعدي عن السكن في بلودان والزبداني كلها خليجيين وانتي عارفه الخليجيين لما يتجمعوا في مكان - الله المستعان - .
زوري قاسيون بالمرة حلوة - زوري طرطوس واذا رايحة سياحة صح لاتفوتي كسب أبداً بعيدة جداً تقريباً بينها وبين الحدود التركية كم مية متر ان ماكانت خمسين متر - عن مركز الحدود - بس ايش كسب شي ولا في الخيال أول مرة في حياتي اشوف البحر والخضرة والجبل في مكان واحد ، خرافة من جد ، بس المشكلة في اهلها لأن لهجتهم مختلفة اقرب للغة الأتراك .
زيارة سعيدة ان شاء الله وعندي لك نصيحة مهمة كثر الكلام في الفترة الأخيرة عن عصابات تخطف وتاخذ رهاين من الخليجيين ، انتبهي وفتحي عينك واستودعي الله في كل شي وحصني نفسك واللي معاكي واستخيري الله في كل خطوة ، وفتحي مخك في الحساب في كل شي سواء محطاااااااااااااااااااااااااااااااات البنزين وهذي مهمة جداً او في السوق او في اي مركز تجاري ، خلي معك دائماً كالكوليتر في شنطتك .

هلا حبيبتي عندك مناطق بسوريا رائع وهي بدمشق الشام القديمة يوجد مناك أشياء تراثية ومطاعم كانت بيوت وتحولت إلى مطاعم وهي رائعة بالذات مطعم بيت جبري ومطعم بيت ستي ومطعم ليلاس وفي أسواق رائعة متل الحمدية والصالحية والحمراء وباب توما وعندك المطاعم يللي بجبل قاسيون كتير حلوين
وفي مطاعم على طريق المطار بنصحك من قلبي تروحيهم بتنسي الدنيا كتيررررررررر حلوين
وعند المحافظات التانية ممكن تروحي مشتى الحلو وكفرون وباللاذقية وهي مدينة ساحلية تبعد عن دمشق 4 ساعات وفيها بحر وجبال وغابات رائع والأسعار رخيصة وحتى الملابس جميلة جداً وبسوق الحمدية يوجد سوق كبير للعبايات والدشديش وإن شاء الله رحلة موفقة