فناتيل :

البارت الثالث دخلت مشاعل بيت اهل عبدالعزيز وكانو مسويين عشاء بسيط وعازمين عمات عبدالعزيز وجدته واخواته وازواجهم كانت مشاعل مرتبكه مرررره استقبلتها ام عبدالعزيز واخواته وبعد مانزلت عبايتها دخلت مجلس النساء اللي كانو فيه المعازيم وكانو محضرين حلويات مع القهوه ومعجنات لشاي وغداء بسيط ويجنن مشاعل حست الربكه خفت يوم شافت بساطة اهل عبدالعزيز وحبهم لها وحسن تعاملهم معها دخل عبدالعزيز بمجلس النساء بيسلم على عماته هيا: حيا الله العريس وش دعوه تونا نشوفك عبدالعزيز: خذتنا السوالف اسف طال عمرك هههههههه هيا ضحكت وكانت تبي تسوي جو وحاسه بحال عبدالعزيز عمة عبدالعزيز ام خليل: عزيز انت عريسنا المفروض الوجه مورد وش دعوه صاير اسمر وناحف في يومين مشاعل ضاقت من كلام ام خليل عبدالعزيز استدرك موقف مشاعل ومايبي يحسسها بشيء ولايحسس باللي حوله بوضعهم عبدالعزيز: والله تعرفين عمتي نوم ملخبط وشوشو تسوي مستحيه ماتبي تاكل وصاير استحي اكل قدامها التفت لمشاعل وابتسم لها مشاعل ابتسمت وهي طيره من الفرحه من ردة فعل عبدالعزيز هيا: لابسم الله ليكم طالعين حلووين عساه دوم اماني( اخت عبدالعزيز) هاه ابو العز وين ناوين تسافرون عبدالعزيز انقلب وجهه( هاه والله مدري مابعد اتفقنا على شيء محدد بس عندي شغلات مدري متى اخلصها وبنسافر بعدها) عبدالعزيز حس ان مشاعل بينعليها ومنحرجه عبدالعزيز: طيب نستاذنكم عندنا مشوار ام عبدالعزيز: تونا يمه ماشبعنا منكم عبدالعزيز: ماعليه يمه يوم ثاني ان شاءالله كان الوقت بعد المغرب قامت مشاعل وراحت هيا جابت عبايتها ولبستها مشاعل مره حبت اهل فهد وبنفس الوقت حاسه انها خسرت واحد ماتحلم بمثله ولاباهله لو طلقها طلعو عبدالعزيز ومشاعل وركبو سيارتهم ومر على كوفي : مشاعل انزلي مشاعل: ويين؟؟ عبدالعزيز: بخطفك !!ههه وين يعني انزلي ناخذ لنا كفي ونحلي مشاعل : ههههههههه اوك نزلو وخذو لهم كابتشيو وحلى عبدالعزيز كان طول الوقت ساكت ومشاعل ودها تتكلم وبنفس الوقت متردده ولاهي عارفه تتكلم بوشو خلصو وطلعو للسياره مشاعل كانت بداخلها مشاعر مختلطه مره رفعها فوق ومره تنزلها لااسفل سافلين مره تحس بشعور لعبدالعزيز حب واحترام وتقدير وتحس انها بتكمل حياتها معه ومرات تحس ان عبدالعزيز يكرهها وانه معطيها فرصه خايف من كلام الناس عليه وبيطلقها رجعو البيت ونزلها عند الباب :خذي المفاح بطلع لخووي وبرجع يمكن على عشره اجي مشاعل: اوك خذ راحتك انتظرك دخلت مشاعل البيت ونزلت عبايتها ودخلت المطبخ وفكرت تسوي عشاء بسيط حسب المقادير المتوفره عندها سوت كلوب ساندوتش وصينية بطاطس باللحم المفروم وسلطة سيزر دخلت غرفة النوم ومسحت السراميك وبخرتها وبعدها شغلت الفواحه دخلت خذت لها دش سريع وبدلت ملابسها وتمكيجت وسرحت شعرها وتعطرت وطلعت وجلست بالصاله عند التلفزيون وخذت جوالها وارسلت لعبدالعزيز( حبي جب معك عصير طازح كوكتيل مسويه عشاء بسيط ) وشوي جاها رد( زين قلتي لي توني بمر المطعم اجيب عشاء) عرفت انه جاي لبيت وقامت بسرعه حضرت العشاء عالطاوله وشغلت فواحه بالصاله وخلت الاناره خفيفه دخل عبدلعزيز وانبسط كثير بالجو بس ماوده يبين وبنفس الوقت جذبته بشكلها جلسو عالعشاء كانت مشاعل تقطع له وتحط له وتوكله بيدها وهو طول الوقت يتطلع بالتلفزيون خلصو من العشاء لمت مشاعل السفره وحطت كل شيء بمكانه بالمطبخ ورجت جلست مع عبدالعزيز بالصاله عبدالعزيز: يعطييك العافيه عالاكلات الحلوه مشاعل: تستاهل بؤك ياقلبي عبدالعزيز: مشاعل انا قايل لك بينا كلام بالليل مشاعل : انت تامر عبدالعزيز اللي تبيه بيصير بس لي طلب صغير قبل تتكلم عبدالعزيز: وهو؟؟ مشاعل:عبدالعزيز تأكد اني مااستعطفك بكلامي ولااتحايل عليك بس بقول لك اللي صار غصب عني وكنت صغيره مااقول مو ذنبي لكن انا دمانه عاللي صار ولو استمرينا مع بعض او تفرقنا ماانسى جميلك ياولد الناس دخلتي عليك طلعتي انسانه ثانيه قربت من ربي اكثر ورغم الي امر فيه هاليومين بس ربي نزل علي راحه عجيبه وتاكد اني حاسه بذنبي واحاول اسعدك لانك اخلاقك اسرتني والله يرزقك من حيث لاتحتسب وين مارحت ماابي اظلمك معي وتاكد اني عقبك ماراح اتزوج لاني استاهل ولاني ماراح القى واحد باخلاقك عبدالعزيز اعجب بكلام مشاعل وانبسط وبنفس الوقت بداخله مو مقتنع وضايق لاتغشه من وراه وهو ياغافلين لكم الله عبدالعزيز: مشاعل انا رجال ماااسمح لاحد يشوف عرضي شوف فمابالك بالاشياء الثانيه ,, وانا ماابي استمر معك علشان شيء واحد لاني ماابي اظلمك وبتصير حياتنا مشاكل في مشاكل ، انتي حلوه وبس الزين مو كل شيء ، والله يرزقك باللي احسن مني لكن ماراح اطلقك حاليا باخذ معك فتره علشانك انتي مو علشان نفسي وبظغط على نفسي خنقت العبره مشاعل وقامت لغرفتها وخذت مخدتها وطلعت: عبدالعزيز م انت عالسرير اريح لك وانا بنام بالمجلس عبدالعزيز وقتها ماكان يقدر يتكلم ودمعته بعينه ولايبيها تبان قدام مشاعلمارد عليها ولاحتى تطلع فيها دخلت مشاعل وفرشت سجادتها وجلست تبكي ومنهاره من كلام عبدالعزيز عارفه انه على حق وضايقه من نفسها وسواتها وعبدالعزيز جالس بالصاله وبعالم ثاني ودموعه خانته وجلس يبكي سحب شماغه وطلع للسياره ومايدري وين يروح خذ جواله ويده ترجف وماحس بنفسه الا متصل على ابو خالد: هلا ابوخالد اخاف ازعجتك؟؟ ابوخالد: لاابد حياك متوقع اتصالك اذا مو اليوم بكره حياك عبدالعزيز: الله يجزاك خير ابي اشوفك اذا ممكن ابوخالد : والله ياعبدالعزيز وين ماتبي على اني افضلها عالتلفون علشان تاخذ راحتك واذا تبي نتقابل اجيك وين ماتبي عبدالعزيز : اوك خلنا عالتلفون اجل شكى عبدالعزيز حاله لابوخالد وعلمه بكل شيء ماقبل الخطبه الا يوم الحالي ابوخالد : جزاك الله خير الجزاء ياعبدالعزيز وانت ماتدري بسترك لهالبنت وش الاجر اللي حصلته وربك مايضيع من عمل صالحا وعملك اي عمل ياعبدالعزيز انت كبير بعيني وكبرت زود اليوم لكن مايعني اني اقول لك كمل معها وكمل معروفك لاني اعرف الاشياء اللي بتترتب عليها حياتكم لكن ظلت معك او طلقتها صدقني مااراح الومك احتسب اللي تسويه عند ربك وربي بيفرجها لك من حيث لاتحتسب وارجع اقول لك استخر ماخب من استشار وماندم من استخار سكر عبدالعزيز بعد كلام كثير قاله ابوخالد حس بعده براحه نفسيه ورجع دخل الشقه وسمع من ورى باب المجلس مشاعل تصلي وتبكي وتدعي له سحب رجوله لغرفة النوم وشاف ترتيب مشاعل فيها رمى نفسه عالسرير بملابسه وجلس يفكر بكلام ابوخالد

البارت الثالث دخلت مشاعل بيت اهل عبدالعزيز وكانو مسويين عشاء بسيط وعازمين عمات عبدالعزيز...