* مــلاك *
•
حلوة القصة متابعة ^_^
تسلمي على البارتات الحلوه لو تدري قد ايش فرحت لما شفت تكملة القصه فعلا اسلوبك رائع ماشاءالله
وحزنتيني على مشاعل جالسه اقرأ وانا أبكي أخذت جو معاها الله يعطيكي العافيه
وحزنتيني على مشاعل جالسه اقرأ وانا أبكي أخذت جو معاها الله يعطيكي العافيه
فناتيل
•
الجزء الرابع
وفي صباح اليوم الثاني صحى عبدالعزيز وكانت الساعه تسعه
طلع للصاله كانت ريحة العطور تفوح بالبيت والبيت صاير مثل الجنه كل شيء نظيف وريحته تجنن
لقى فطوره مجهز عالطاوله
بس مشاعل مالها اي اثر ومالها حس بالبيت
دخل المطبخ وراح غرفة الغسيل ماحصلها توقع انها رجعت نامت
دخل المجلس لقى فراشها مطوي ومالها وجود
خاف عبدالعزيز بنفس الوقت قعد يوسوس ويحاول يطر الوساوس من راسه
خذ جوالها واتصل عليها
وبهالوقت كانت مشاعل وصلت و بغرفتها ببيت اهلها
كانت تطالع باسم المتصل وتبكي والدموع مغرقه وجهها
عطت عبدالعزيز مشغول
ودخلت قائمه الرسائل وكتبت له
عبدالعزيز اذا انت ماتبيني منت مجبر تعيش معي يومين زياده
انا قراري كان صائب يوم ارجع دار الايتام وصدقني الجو كان مناسبني وغلطت يوم قررت اتزوج وانا عارفه نهايتي ماابي اظلمك معي الله معك انت بطريق وانا بطريق وماابي اي شيء لامن ذهبي ولاالماساتي بعها وتصرف بفلوسها كل شيء تركته لك والله يعوضك باللي احسن مني وتصون عرضك
ماراح انساك من دعواتي انا الان انسانه ثانيه اتجهت لربي وماابي اعيش باقي اليومين معك واتعلق فيك زود وكافيني من الحياة صدمات ومايغيرني مين من كان اكتب لك ودموعي على وجهي شاكره وقفتك اللي وقفتها معي في وقت الكل تركني
اختك مشاعل
عبدالعزيز يقرى المسج ومصدوم من كلامها مو مصدق اللي قراه جلس عالكرسي وحط راسه بين كفوفه وماحس الادموعه تنهمر وصار يلف بالصاله ويضرب بيديه عالجدار والدنيا ضاقت فيه
رجع يتصل حصل جوالها مقفل
طلع لسيارته ورجع ثانيه للبيت ومايدري وش يسوي ووين يروح
يرجع يتصل عليها مازال جوالها مقفل
قرر يتصل على امها ويتاكد وينها وكأن الشيطان وسوس له بشيء ثاني
ردت ام مشاعل :هلا عبدالعزيز حياك الله عاش من سمع هالصوت
عبدالعزيز: الله يحييك خالتي ، بسألك خالتي مشاعل تكم
ام عبدالمجيد: ايه جت ونايمه بشر وصلت لمكه
عبدالعزيز: هاه لاتاجلت روحتي وابي اكلمها ضروري خالتي
ام عبدالمجيد: خيره ان شاءالله تبي احولك عليها
عبدالعزيز: ياليت خالتي
حولت ام عبدالعزيز الخط على غرفة مشاعل وكانت مشاعل متحضنه مخدتها وممليتها دموع طلت بالرقم ورجعت جلست وكانها عرفت انه رقم عبدالعزيز
كانت بترفع الخط بس ترددت وسحبت يدها ( مااقدر ارد صدقني عبدالعزيز وفصلت خط التلفون ورجعت لسريرها ونامت)
ام عبدالمجيد يوم حست ان مشاعل ماردت رعت ورفعت الخط ( عبدالعزيز يمه شكلها نايمه اذا ضروري صحيتها)
عبدالعزيز: لاخالتي بس ابيك تحرصين اول ماتصحى تكلمني
ام عبدالمجيد: ابشر يمه
سكر الخط عبدالعزيز وحس انه ارتاح شوي يوم عرف مكانها ( اعوذبالله من الشيطان الرجيم )
رجع لفطور كل له لقمه وحس ماله نفس ووده ان مشاعل بهالوقت جنبه ( فقدتك مشاعل مدري حبيتك ولاتعودت عليك، مااقدر اكذب نفسي ايه والله تعودت عليك ) خذ له كوب شاي ولم الفطور وحطه بالثلاجه وجلس عند التلفزيون يشرب كوبه
وبعدها طلع لبيت اهله
ام عبدالعزيز: هلا عزيز مشاءالله مصبح اليوم
عبدالعزيز: والله احاول انظم نومنا هاليومين ملينا سهر ونوم عن الصلاة
ام عبدالعزيز: الله يزيدك ويثبتك يمه ومشاعل وينها كان جبتها نفطر سوى
عبدالعزيز: مشغوله تقول عندها غسيل
ام عبالعزيز: الله يوفقها والله اجوديه البنيه مو على شكلها ابد والله وبيني وبينك كلنا انا واخواتك كنا نقول شكلها دلوعه ومتعوده عالدلع اله يعينك عليها
عبدالعزيز:ههههههههههههههههههههه لايمه مشاعل متربيه وتعجبك ان شاءالله
ام عبدالعزيز: دامك مفطر يمه اجل بجيب لك قهوه تتقهوى معي والله من الصباح ابي احط يطل بوجهي نتقهوى انا وياه واقول وين ايامك عزوز وقهوة الصباح
عبدالعزيز : ياجعلك بالجنه يمه نتقهوى معك ليش لا
طلعت ام عبدالعزيز لمطبخها تحضر القهوه
وعبدالعزيز كان يعاود الاتصال بجوال مشاعل ومازال مقفل
عشر دقايق وام عبدالعزيز جايه ومعها القهوه
عبدالعزيز: سلمت يدياتك يمه والله قهوتك تجيب الراس ريحتها
ام عبدالعزيز : ياجعلها بالعافيه يمه
جلس عبدالعزيز يتقهوى مع امه وتفكيره بمشاعل وكلها خمس دقايق ورن جواله تطلع بالجوال وفرح وحس انه ملك الدنيا باتصال مشاعل
طلع سريع ورد: هلا يادبا تتغليين يعني؟؟
مشاعل تفاجات من اسلوب عبدالعزيز: لاابد بس اااا مدري وش اقول
عبدالعزيز: لاتقوليين ولااقول اجهزي بمرك جاااايع موت بنفطر برى
مشاعل:!!!! عبدالعزيز صادق؟؟
عبدالعزيز: ايه والله صادق عجزت افطر وانتي منتي جنبي
مشاعل: دموعها سبقت كلامها عبدالعزيز صادق انت ولاتمزح؟؟
عبدالعزيز: لاصادق ياقلبي يله يالغاليه تجهزي شوي وبمرك
مشاعل : هههههه !! عبدالعزيز وين كلامك امس
عبدالعزيز: ههههههههههههههه كلام الليل يمحييه النهار صح ولالا
مشاعل: صحيين بعد
عبدالعزيز: يله اجل كلها ربع ساعه وانا عندك
سكر عبدالعزيز الخط ودخل على امه : يمه معليش مظطر اطلع بروح اشوف وليد بالكوفي القريب
ام عبدالعزيز: ياجعله يسلم هالوليد والله ولد ناس سلمني علييه
عبدالعزيز: ههههههههههههه ابشري يمه
وطلع عبدالعزيز جري لسيارته
ومشاعل دخلت دورة المياه وخذت دش سريع
ولبست فستان قطني ناعم
وسرحت شعرها بالفير وسويت ميك اب خفيف وشويات اتصل فيها عبدالعزيز
ونزلت ركض
ام عبدالمجيد بسم الله عليك وين رايحه؟؟
مشاعل: يمه عبدالعزيز أجل سفرته لمكه وجايني عند الباب معليش يمه بعدين اكلمك ماابي اتاخر علييه
ام عبدالمجيد: الله يسخر لك يمه دربكم سهاله الله يحفظك
مشاعل: بااي
طلعت مشاعل وركبت مع عبدالعزيز
عبدالعزيز يتطلع فيها وهو مبتسم ومشاعل محتاره من ردة فعل عبد العزيز والتغير المفاجأ
عبدالعزيز: طالعه قمر
مشاعل ضحكت بحياء:يسلمو
عبدالعزيز :شوشو فيه كلام كثير بقوله لك
مشاعل: وشووووو بعد
عبدالعزيز: هههههههههههههههههههههههههههههههههههه لالاكلام بلبسك وعبايتك واشياء كثيره انتي جوهره وجوهرتي انا وماابي احد يشوف حلاك غيري
مشاعل: اوك ابشر
طلعو وافطرو بوفيه مفتوح بفندق ورجعو البيت
وكان الوقت عالظهر
دخلو شقتهم وعبدالعزيز فورا بدل ملابسه وتوضى وطلع يصلي
ومشاعل صلت الظهر وبعدها سجدت سجود شكر(ياربي ماخاب ظني احمدك يالله رجعت لبيتي وانت اعلم بحالي يوم اطلع منه من ساعات)
رجع عبدالعزيز :شوشو حبيبتي
طلعت له مشاعل وهي بشرشف الصلاة ومبين عليا باكيه
قرب منها عبدالعزيز وضمها وانهارت مشاعل بين يدييه
عبدالعزيز: شوشو ياقلبي لاتبكين مابي اشوف دموعك من اليوم
مشاعل: عبدالعزيز انت دنيي تركتك وقلبي معلق فيك باخلاقك وشهامتك وكنت ضايقه اني خسرتك
عبدالعزيز: هنا الكلام شوشو ابيك تذبحين نفسك ودورين الشيء الي يعلقني فيك بعد احبك والله احبك بس ابي زود احبك ابي اتعلق فيك ابي اشوف حرمتي حلالي صاينه بيتي ونفسه قبل كل شيء
مشاعل: اوعدك عبدالعزيز مايشوفني غيرك ولااسوي الا اللي يرضيك
عبدالعزيز:طيب قلبي روحي غسلي وجهك وابيك احلى شيء اليوم عوضيني ع اليومين اللي راحو ابي اضحك اسولف ابيك تبسطيني تضحكيني تبذلين مابوسعك علشاني
مشاعل: ابشر حبيبي كلي فداك
وبعد العصر طلعو تغدو بااحد المطاعم
مشاعل كانت طايره من الفرحه
عبدالعزيز: شوشو تعرفين تسوين لازانيا؟؟
مشاعل: امممم تقريبا
عبدالعزيز:هههههههههههههههههه وشلون تقريبا لايرحم والديك مابي اتقضى والاقي مقاضيي بالزباله
مشاعل: ولو حبيبي اتعلمها لعيونك
عبدالعزيز: وش راييك نزل المكتبه ناخذ لك كتب طبخ راي مااحب اكل المطاعم
مشاعل: ولايهمك بس خلني اكلم خالتي اسالها عن الكتب الحلوه والسهله اتعلم منها شوي وترى بكل صراحه طبخي مو ذاك الزود بس اتعلم لعيونك
عبدالعزيز :تسلم عيونك ويخليك لي
مشاعل: ههههههههههههه ويخليك لي
طلعو من المطعم ونزلو المكبته وشرت بعض الكتب شيء خاص حلويات وشيء مشكل
رجعو عالبيت وكان وقت المغرب : شوشو حبي وش راييك نطلع لااهلي
مشاعل: خلاص اوكي متى
عبدالعزيز: اممم بعد العشاء ودي اجلس معك شوي بس ظبطي لنا كوبين شاي وبجلس عالتلفزيون شوي وبعد العشاء نطلع لهم
مشاعل: ابشر حبيبي
طلع عبدالعزيز للمسجد ومشاعل بسرعه دخلت حضرت كوبين شاي
وصلت المغرب وجلست على كتب الطبخ الي شراها لها عبدالعزيز
دخل عبدالعزيز وجلس مع مشاعل سوالف وضحك ويشاركها باختيار الاطباق اللي يحبها من الكتب اللي شروها
وبعد العشاء حضرت مشاعل نفسها وطلعو للسياره
مشاعل: عبدالعزيز وش راييك ناخذ معنا شيء لااهلك
عبدالعزيز: مثل ايش
مشاعل: يعني حلووو اي شيء
عبدالعزيز: هالمره اوكي بس مو كل مره انتي عارفه ميزانيتي وابيك تقدرين شوي بكل شيء
مشاعل : مو مشكله من عيوني بس تعرف لسه ماتعلمت شيء كثير وودي هالمره اخذ جاهز واوعدك المره الجايه اسوي بنفسي
عبدالعزيز: خلاص صار
مرو محل دونت وخذ منه وطلعو بيت اهل عبدالعزيز
فناتيل
•
ياحلوات قدمت هالبارت لاني عندي ارتباط بكره
و البارت الخامس بحطه بجزءين منفصلين وهو نهاية القصه وراح انزله بااذن الله الخميس عصرا ولاجمعه بالليل
تقبلو ودي واحترامي لجميع متابعاتي
محبتكم فناتيل
و البارت الخامس بحطه بجزءين منفصلين وهو نهاية القصه وراح انزله بااذن الله الخميس عصرا ولاجمعه بالليل
تقبلو ودي واحترامي لجميع متابعاتي
محبتكم فناتيل
الصفحة الأخيرة