نفحة طيب :

هلا خموووله اسعدني تواجدك يا قلبي

هلا خموووله اسعدني تواجدك يا قلبي

نفحة طيب :

تذكري حبيبتي معظم الأِشخاص اللذين تقابلينهم خلال اليوم لن ينظروا الى ما ترتدينه في المقام الأول و حتى لو فعلوا فسرعان ما ينسون .. الشي الوحيد الذي سوف يعلق في أذهانهم .. هو الإنطباع العام الذي تخلقينه .. بمعنى أخرك .. ما هو ستايلك ؟ " لاترتدي ابدا لونا واحدا من رأسك الى قدميك " إن زيا أحمرا أو أخضرا أو أزرقا بالكامل يفتقر الى الرقه .. لذا انت بحاجة الى اضافة لمسة بلون آخر مثلا ان كنت ترتدين فستانا اسود .. فعليك ببروش فضي او ابيض " الأحذية المسطحة " قد لا تكونين طويلة كفايه لإنتعال هذي الأحذيه .. لكنها تبدو رائعة و مريحة أكثر إضافة الى أن الأحذية ذات الكعب العالي قد تسبب لك آلام في ظهرك " الإكسسوارات " تعتبر اللمسة الأخيرة الي تكمل ازيائك .. و لكن هناك قاعدة مهمة يجب تذكرها (( النوع و ليس الكم .. و كلما قلت الإكسسوارات زاد تأثيرها و جمالها )) و عند اختيارك لإكسسواراتك تأكدي من مناسبتها لملابسك و لعمرك .. اخيرا .. لا تنسي ان الجمال الحقيقي يكمن في روحك حبيباتي حسيــت اني بعدت عن صلب الموضوع شوي ودخلنا في الخلطات نبي نرجع لسواليفنا اول ....... شوفوا حبيباتي البنت في بيت اهلها تكون دلوعة ماعندها اي مسؤلية غير نفسها وحتى اذا ساعدت في اعمال البيت ورعاية اخوانها بيكون هالشيء حسب رغبتها وعلى مزاجها يوم تطبخ ويوم تنام واغراضها متى ماجاء على بالها تطلب .. لكن بعد الزواج الوضع كله بيختلف صحيح بيكون زوجك مسئول عنك لكن انتي بعد بتكونين مسئوله عنه وعن بيتك بتصير حياتك ملك يدك اذا احسنت التصرف بترتاحين كثير لان السنة الاولى من الزواج هي اصعب سنة بتاخذون وقت على ماتفهمون بعض وتتعودين على انسان له تفكير معين لابد تراعينه وتفهمينه حتى ترتاحين في حياتك لاتظنين ان الحياة كلها عسل وانك مهما طلبت من زوجك لابد يجيبه ويوفره لك ولا مايصير له طيب !! لابد تراعين ظروفه وميزانيته هو بعد كبرت التزاماته وصار مرتبه موزع على إيجار السكن والفواتير ومصروفاتكم هذا غير الاقساط اذا كانت موجوده لازم تراعين كل هذا وتحاولين تعرفين من البداية ميزانية البيت وترتبين امورك على اساسها ... *·~-.¸¸,.-~*..*·~-.¸¸,.-~* حاجه ثانيه مهمه خطرت لي شوفي حبيبتي اعرفي تماما ان الرجال كل الرجال يحبون المرأة البشوشه يعني خليك مبتسمه ومن قلبك (يعني هي الدنيا وش فيها ) بعدين اذا جاء زوجك من برى وجايب معه اي شيء حتى لو خبز بس اشكريه وادعي له ...... الله يعطيك العافيه عيوني ---- من يد مانعدمها إن شاء الله ومن هالكلام وقبل ما يخرج خليك معه وصليه للباب واذا دخل استقبليه بابتسامه حلووووة يعني لو كان ضيف كيف تعاملينه اكيد زوجك اولى صح ولا لأ (حتى لو كان خارج يسهر برى عند زملائه وانتي مانتي راضيه عن عملته المهببه هذي )تخيلي معي اذا كان زوجك يسهر برى وبيرجع للبيت اذا كان في باله ان اللي جالسه في البيت بترجه وهو بيرجع بيلاقي دموووووووووع وليه وحسابات وماادري ايش فيه بعد ...... اسالك بيحب يرجع ولا وده الجلسة تطووووووول ولا راح يرجع لبيته الا بعد ما ينفض مجلسهم كله ! لكن اذا كان عارف انه بيرجع لبيته ويلاقي زوجته تنتظره بلبسة حلوووووووة وسواليف احلى من غير لوووووووووم اكيد بيرجع على طول ويمكن بيعتذر لاي واحد من زملائه بعدها.. لانه من عادات الرجال اذا تزوج واحد فيهم كل يوم عزيمة عند واحد شكل فانتي توقعي هالشيء من البداية ويكون احلى واحلى اذا تعرفتي على نسوان زملائه وكانوا مجموعة طيبه وكويسه تتزاورون بينكم بترتاحين كثير بيكون عندك صديقات من خارج محيط العائلة لكن انتبهي مهما حبيتهم وارتحتي لهم تجنبي تماااااااااااما الكلام عن حياتكم وعن زوجك ما تدرين الناس كيف يفكرون وهذا الكلام مع الجميع بما فيهم الاهل والصديقات المقربات منك انتبهي تخرجين شيء عن حياتكم . وتقدرين بطريقتك واسلوبك انك تعودينه على البيت وجلسته وتحببينه فيها شوفي هواياته اشتري قصص شيقة وحلووووة اذا كان يحب يقرأ او هاتي الالعاب المشتركه وياكثرها (شوفي العاب فناتير تهبل) واذا في يوم زعلتي من زوجك (الله لا يقوله )مو خلاص يالله على بيت اهلي وتلقطين عباتك وبتعطينه درس ما ينساه لا حبيبتي لازم تعرفين انك اذا خرجتي ممكن ما ترجعين او انك بتكونين سالفة في حلوق الناس هذا غير انك بتقسين قلب زوجك عليك وبيتعود على بعادك ولا عاد بيهمه كثير اذا رحتي او جلستي لكن خليك في بيتك وان شاء الله ماتمر ساعة الا وانتم متصالحين المهم لا تعاندين كثير واعرفي انه من طبيعة الرجال انهم ما يحبون يعتذرون هم كذا... خلقتهم كذا ...اذا جاء زوجك ويضحك لك وبيضحكك (هذا معناه آآآآآآآآآسف وبقوووووة) واذا من غير كلام بس يحووووووووس حوالين المكان اللي انتي جالسه فيه (هذا معناه متفشــــــــل ولا هو داري الخبل كيف يراضيك ) يعني لاتتوقعين يجي ويطلب منك العفو والسماح والمغفره . واذا كان فيه طبع شين غيريه حبة حبة وبدون تجريح وحتى من غير ما يحس استخدمي عقل المرأة وانا على ثقة ان اي وحده تقدر تغير زوجها لكن باسلوب وتخطيط (وطريقة المديح لها مفعوووول السحر عند الرجال ) امدحيه على اشياء وحاجات انتي تحبيها تكون فيه ومن اخلاقه زي انت طيب واخلاقك عاليه دايم اقول انك مانت مقصر علي بشيء الله لايخليني منك ومن هالكلام بيفرح فيك وبكلامك .... الرجال يحبون يسمعون الكلام الحلوووووو مثل ما نحب نسمعه احنا وازيد ممكن اكثر مننا!!! احنا نسمع الكلام الطيب من بعض ...من اهالينا ..من الصديقات ممكن لكن الرجال لا--- تلاقينه في بيت اهله يشيل ويحط ويجيب ولا احد يقوله كلمة طيبة عااااااااااادي عندهم وتلاقينه يخدم زملائه ويشتغل ولا احد يشكره او يثني عليه في عمله تخيلي كيف بتكون فرحته وانتي تسمعيه الكلام الحلوووووووو (خلي لسانك عسل )مع الكل لكن زوجك اولى من الجميع ... واذا جاء يوم مـــــــــــا <<<<<<<ههههههههه واهدى لك هديـــــة اشكريه واثني على ذوقه وامدحيه (حتى لو مااعجبتك )او ذوقه كان غير ذوقك عاااااااادي هذا هو وهذا ذوقه لاتنتقديه ابداااااااااا بتجرحينه ولا عااااااد بيكررها . واهتمي بملابسه ونظافتها لانه بيعكس صورة عنك انتي وبيفرح هو باهتمامك به خليه يحس انك تراعينه مثلا لايدخل غرفة النوم الا وهي بااااردة تكونين مشغلة المكيف من بدري واول ما يوصل تعطينه كاس الماء من غير ما يطلب اول ما يصحى يلاقيك مجهزة الشاهي او القهوة اللي يحب ..... المكتب رتبيه نظميه وبخريه . وفي الأخيــــــــر حبيتي احب اختصر هذا كله في كلماااااااااات : كوني أنثى بكل ما تحمله هذه الكلمة من معنى لا تصارخين وطي صوتك لاتعاندين تعاملي بهدوء ورقة وحنان جمال المرأة الحقيقي في انوثتها واخلاقها العالية من الحاجات المهمه انكم تبعدون تماما عن المشاكل قد ما تقدرون لاتصدقون اللي يقولون انها ملح الحياة الزوجية صحيح لابد تصير شغلات كذا صغيره بين الزوجين وهذا يعود وبكل بساطة لان الزوجين كل واحد من عالم مختلف طريقة الرجل تختلف تماما عن طريقة المرأة في كل شيء في التفكير في احتياجاته ومتطلباته الرجل اذا واجه اي مشكله من المشاكل اللي بتصير كل يوم في العمل او مع الاهل تدرون ايش يسوي يكبــــــــــــــــــر مخدته ويروح في النوووووووم <<<< إلى الآن اعجز تماما عن فهمهم كذا يحل مشاكله وبالصمت صمته المطبق عشان كذا نشوف كثير من الزوجات تنقهر من زوجها تلاقينها تناقشه في موضوع وهو صااااامت هو يسكت لانه يكون يفكر وطريقة تفكيرهم تكون بالتركيز يعني يركز على شيء معين والرجل او خلينا نقول الزوج الزوج يحتاج جدا انه يحس بعاطفة زوجته نحوه تعرفون ايه اكثر شيء ممكن يحبه اي رجل في الدنيا من المرأة ويقربها منه هو احساسه انها بحاجته وانها ما تستغني عنه لكن وين الزوجات عن هالكلام الآن الغالبية من الزوجات يعملون وتحس انها مستغنيه عن زوجها براتبها مع انها تقدر ومع عملها تحسسه انها بحاجته لان الحاجة اللي اتكلم عنها هنا هي شعوره انه مسئول عنك في كل شيء لكن مع الاسف اغلب الزوجات يجهلون هالشيء لان طبيعة تفكيرها تختلف عن طريقة الرجل طريقة المرأة عادة انفعالية إذا صارت عندها مشكله تلجأ لزوجها هنا هي ماتقصد في الحقيقة انه يحل لها مشكلتها ولا تنتظر منه ابداء حلول هي تحتاج لشخص يسمعها ويصغي لها كل جوارحه اذا عرف الزوج فن الاستماع لزوجته ملكها لانه اذا سمع لها وبين لها انه متعاطف معها هي هنا بتشوف انه احترمها وقدرها واحترم مشاعرها والزوجة نفس الشيء لابد تعرف كيف تمتلك زوجها ما يكون هالشيء ابدا بالقوة او بالعناد وتظن كذا انها بتثبت نفسها عند زوجها ابدا إذا عملت كذا تبشر ببعده عنها ما فيه رجل في الدنيا يقبل ان المراه تسيره لانه مثل ما قلنا يحب يحس بحاجتها له والمرأة مخلوق ضعيف وناااااعم من المفروض انها تحسس زوجها بضعفها مو تجي وتتمسكن عنده وتميوت هههههههههه لا ابدا موكذا لكن اذا حصلت معها مشكله تاخذ برأيه وتشاوره اذا جاء من برى وكان زعلان اذا كانت من النوع الحنون تحاول تعرف ايه سبب زعله وتخفف عنه واذا كانت من النوع اللي وانا مالي يجي من برى مااااااااد بوزه شبرين عندي << هذي احسن حل تتركه في حاله ولا تكلمه اليـــــــــــــن يروق من حاله شوفوا حبيباتي الرجال يحبون العاطفة يحبوووووووون ويموتون في الاحساس بان زوجاتهم يهتمون فيهم اضرب لك مثال بسيط فيه طفل صغير امه تراعيه تاكله وتلاعبه وتهتم بملابسه ايش يسوي هالصغير اذا بعدت عنه امه بيبكي صح الرجل سهل جدا تمتلكين كل عواطفه وتكونين متربعة في قلبه كل اللي عليك انك تسوينه انك تهتمين فيه من كل النواحي طالعوا الناس من حواليكم اللي تعرفونهم شوفوا كيف حياتهم اخوانك مثلا اسمعيهم وهم يتكلمون عن زوجاتهم او شوفي اهتمام زوجاتهم بهم واربطي هالشيء بمعاملة زوجها معها احيانا تكون المرأة جميله وزوجها ما يطيقها وممكن يتزوج وحده جمالها اقل منها بكثير وتلاقينه يموووووووت عليها واحد من جيران اهلي كان متزوج 4 والآن عنده 3 زوجات وهو مو كبير في السن في الاربعين او اصغر ومتعلم دكتور في الجامعه لكنه دائما يصرح بحبه للثانية ويقول هي الزوجه الاقرب لنفسي وكل زوجاته يعرفون هالشيء تقول اخته ..انه مايرضى يغير ملابسه الا في بيت الثانيه وليلة العيد مهما كانت لازم يبدلها ويخليها للثانيه ليه لانها تهتم فيه وتعامله معامله طيبه والرابعة كانت دكتورة طلقها بعد اقل من سنة زواج لانها تعامله راس براس عنيدة يعني .. الزوج يحب انه يحس مع زوجته انه مرغوب فيه مطلووووب في المعاشره مثلا اشبعيه دلعيه جددي له اعملي معه حاجات تطير له عقله لا يكون تركيزك على الملابس وحدها لا اهتمي بكل شيء بحركاتك وخليه يذووووووووب قبل ما تجين عنده وهالكلام للمتزوجات من وقت مو للعرايس الجدد لانها اذا كانت عروس اكيد بيتسائل من علمها او بيشوفها عديمة الحياء والرجال مثل ما قلنا يحبون الخجل.

تذكري حبيبتي معظم الأِشخاص اللذين تقابلينهم خلال اليوم لن ينظروا الى ما ترتدينه في المقام الأول...

نفحة طيب :

نكمــــــــــل كنا نتكلم عن طريقة تفكير الرجل والمرأة وكيف انهم يختلفون عن بعض تدرون بنات ان اغلب المشاكل تصير بسبب اختلاف طريقة تفكيرهم وفهمهم للامور لابد ان الزوجين يفهمون هالشيء غالباً تكون الزوجة حساسة من اقل كلمة او ملاحظة تنزل دموعها الزوج هنا ممكن يظن هالشيء دلع خاصةً اذا كانت كل شوي تجلس تصيح عليه والرجال غالبا مزحهم ثقيــــــــل ماله لون احسن حل من البداية خليه يفهم ويحس انك انسانه حساسة واي كلمة تجرحك حتى اذا كنت في اي جلسة عائليه مع اهله او اهلك يحترمك وما يسمح لاي احد انه يسخر منك في بعض الاحيان تكون جلسة الأهل وناسة خاصة اذا كان فيها بنات قريبات من سنك وممكن يكون في الكلام اخذ ورد وتريقة وتنكيت على بعض هنــــــــا... إنتبهي ... لا تسمحين لاي احد مهما كان يستهزيء بك او يتطاول عليك البساطة في الجلسة والكلام حلووووووه لكن بحدود سولفي وناقشي واضحكي لكن باحترام وخليك رزّه حتى الكل يقدرك بعض الناس مع الأسف الشديـــــد يظنون الطيبة والتعامل الراقي معهم ضعف << ويستخفون فيك لكن من اولها اعرفي كيف تتعاملين مع اللي حواليك (هذا في الغالب للي ما يعرفون بعض وتكون عائلاتهم مختلفه ) كوني واثقة من نفسك ومن تصرفاتك عامليهم بجود وحاولي تساعدين ام زوجك في اعمالها اذا زرتيها مثلا .. اذا ماكان عندها بنات يساعدوها وبتقوم تسوي لكم شاي او قهوة ساعديها بتحب هالشيء وإذا كانت ام زوجك صغيرة في عمرها امدحي طريقة لبسها او طبخها واسأليها عن حاجات وبيني لها طريقتك فيها اذا تكلمت اسمعي لها تمااااااااام وحاولي من فترة لفترة تهدينها بعض الحاجات اللي تحبها يعني اذا كانت من اللي يتشيكون اهديها شنطة مكياج او عطر مثلا .. وإذا كانت كبيرة بالسن اهديها طيب او ثوب او حتى كيس حنة بتنبسط فيك وبهداياك ولا تنسون (تهادوا تحابوا) *·~-.¸¸,.-~*..*·~-.¸¸,.-~* نرجع لك ولزوجك شوفي حبيبتي من البداية عوديه على انه يشتري لك اشياء ولو كانت بسيطة حتى لو ما كنتي محتاجه للسوق اطلبي منه يوديك للسوق واشتري شيء بسيط لا تصرفين كثير خاصة اذا كان موظف على راتبه وعوديه يصرف من غير ما يشكي وانتي تتسوقين معه لزمي عليه يشتري له شيء عطر أو ساعة أو حتى ثوب نوم حتى يتعود ... انتبهي بعض الرجال يعطيها فلوس ويالله روحي مع اخوك او خلي اختك تجيب لك لا حبيبتي عوديه من البداية انه هو مسئول عنك وعن مشاويرك نفس الشيء في زيارة اقاربك او اهلك . ولازم يكون طلبك بطريقة حلوووووووه وخفيفه يعني بصيغة طلب مو مطالبة او أمر لانه مستحيـــــــل بيوافق وهو حاسس انه مغصوب وإذا وافق بيرجع ويردها لك لانه بيحس ان كرامته اتهانت وبيثبت رجولته الرجال ما يحبون ابد يحسون ان زوجاتهم مشين رايهم عليهم .... يعني اذا جيتي تطلبين شيء اطلبيه بطريقة حلووووووووه وناعمه اذا وافق على طول قولي ( الله يخليك لي انا عارفة انك طيــــــب وحبوب ولا فيه مثلك في هالدنيا) وإذا رفض قولي له .. (براحتك حبيبي اللي تشوفه )<< خليها بلهجة معترفه وكانها من صدق طالعة من قلبك مو بلهجة معترضه.. وبتشوفين كيف على طول بيغير رايه ويوافق لأنك ما عاندتيه وتركتي الأمر له . الرجال ما يحبون العناد ما يطيقونه ابد ابد من طبيعة الرجل يحب يشوف زوجته قوية مع الناس ضعيفه معه يعني ما يكلفك شيء اذا حسستيه بقوته ورجولته شاوريه اسأليه اثني على رأيه وطريقو تفكيره وامدحي ذكاءه بعض الزوجات تشتكي من سكووووووت زوجها الدائم وممكن تكون هي السبب تلاقينها اذا جلس بيحكي لها شيء صار معه تقطع كلامه هذا وممكن انها تهاجمه بعد وهو لسه ما بدأ يقول شيء اكيد بيسكت .. لكن اسمعيه وبكل هدووووء وكوني مستمعه جيدة لكل ما يقول وبعد ما ينتهي من كلامه ناقشيه باسلوب حلووو بعيد عن الهجوم والتحقيق واللــوم ..وإذا تصرفه صحيح من وجهة نظرك امدحيه واثني على ذكاءه هذا الشيء بيسعده وتلاقينه بعدها بيحكي لك عن الاشياء اللي بتصير معه من غير ما تجلسين تسحبين في الكلام منه تسحيب ومن غير فايدة .. خليها عندك قاااااعدة .. ( ارضي غرور زوجك ) بمدحه والثناء عليه اي رجل في الدنيا يحب يكون في نظر زوجته البطل الشهم والفاهم في كل شيء عااااااااادي ما في اسهل من ارضاء غروره واعرفي اذا ما سويتي كذا وما حس بقيمته عندك بيدور على هالشيء في مكان ثاني لا تفكرون انكم إذا مدحتوا ازواجكم او حسستوهم بحاجتكم لهم انكم بكذا بتكونون في موضع الضعف او الإهانه ابدا ً لانكم من الاساس فاهمينهم تمام وبتتعاملون معهم على هالاساس الله سبحانه وتعالى جعل بين الزوجين مودة ورحمة (ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة). ووصفهم بإنهم لباس لبعض هذي معادلة في الكون لاحظوها هي موجوده لكنها تغيب في بعض الاحيان من سوء تصرف احد الطرفين اما الزوج او الزوجة .. إذا كان هذا الشيء منك انتي حاولي تعدلين من تصرفاتك ..حاولي تصلحين من نفسك اول شيء اي منكر في البيت اخرجيه وتخلصي منه واتركيه لله (اشرطة اغاني _ قنوات فاسدة _ مجلات هابطة ) او منك تبرجك او حجابك وتساهلك فيه _ او التنميص _ او تساهلك بالصلاة او باقي العبادات .... كيف نطلب التوفيق من الله سبحانه وتعالى واحنا في معصية ما يصير صح . اذا كنت على خير وهذا ما نرتجيه حاولي تصلحين من زوجك .. بعض الرجال مع الاسف انهم ما يحسون برجولتهم الا بإهانة زوجاتهم إذا كان زوجك من هالنوع لا تسمحين له ابد يتطاول عليك او يهينك بيني له انك تطيعينه من غير ضعف الواجب عليك ما تقصرين فيه من غير تذلل له لأن هالنوع من الرجال ما ينفع الطيب معهم ابداً ...

نكمــــــــــل كنا نتكلم عن طريقة تفكير الرجل والمرأة وكيف انهم يختلفون عن بعض تدرون بنات ان...

نفحة طيب :

حتى يكون موقفك دائماً قوي امام زوجك حاولي انك ما تخطئين ! بتقولين ومين اللي ما يخطيء ؟ شوفي سهل ما يصدر منك اي خطأ إذا عرفتي طباع زوجك ايه يحب وايه يكره .. اذا صدر الخطأ منك بيكون الاعتذار من ناحيتك بتروحين لزوجك وبكل الطرق بتحاولين تراضينه وهو ولا هو هناااااااا <<<<< أكيــــد فرصة وجاته بيحس فيها برجولته وبحاجتك له ولعفوه وبيحاول يستمتع بهالشعور قد ما يقدر ...ليـــــــه تحطين نفسك في هالموقف من الاساس . لكن إذا كان الخطأ صادر منه هو ... بيكون موقفك اقوى وبيحاول يراضيك بطريقته اما يعتذر او بيخرجك وإذا جاء يعتذر انتبهي لا تصدينه او تجلسين تتغلين عليه وتحاسبينه لأنه بيطفش ويمل ويتركك لا تظنين انه بيجلس طول الوقت يعتذر ...بعدها بتنقلب السالفة عليــــك انتي لانه بيتركك ويخرج او ينااااااام ولا بيهمه شيء واذا عاتبتيــــــه بيقول لك انه جاك يراضيك وانتي اللي ما رضيتي . واذا كان موقف وحصل وكل واحد فيكم في باله ان الطرف الثاني هو المخطيء .. وهذي بتصير كثير بالتأكيد لانه طبيعة البشر كذا اذا حصل موقف مثل كذا لا تسكتين وتخرجين من المكان وتعلنين المقاطعه ولو لساعات انتبهي هو صحيح جرح مشاعرك او اساء لك لكن اذا قاطعتيه ممكن في البداية ما يكون يتحمل مقاطعتك له لكن اكيد بيتعود عليها لان كبرياءه يمنعه من انه هو اللي يبادر ويجي لحدك هذا غير انه ممكن جدا انه يتخذ هالاسلوب كل ما زعل انتبهي اذا صار سوء تفاهم بينكم وكان في البيت خليه وقت كذا يروووق وكلميه باسلوب هادي فهميه وجهة نظرك واذا قاطعك اتركيه يشرح لك عااااااادي اسمعي له وحاوريه الكلام اسهل بكثير وايسر من المقاطعة واذا خرج من البيت لا تلاحقينه بالرسائل والاتصالات .... انتظريه وبعد ما يرجع تفاهمي معه ولا تفوتين له خروجه بعد ما تتصالحون قولي له مثلا (كنت اظنك اقوى من كذا ما ظنيتك من النوع اللي ما يواجه ويخرج )<<< حتى إذا صارت مره ثانية ما يخرج . وإذا تكلمتي معه وقت حدوث المشكله لاتطولينها اختصري وابعدي عن الإتهامات والمناقشات الحادة لانها بتزيد المشكلة بدل ما تنهيها وبعد كذا في وقت ثاني كلميه . لكن لا تتركين للزعل مكان في نفسك لابد من المصارحة والتنفيس وعدم الكبت والبوح بالمشاعر ..والجدية في علاج كل مشكلة بأدب دون تجريح له مثل ما تحبين انه يقولك قولي له يعني ابسط شيء فكري في الكلمة قبل ما تنطقيها اذا كنتي تحبين تسمعينها منه قوليها ...... ولا تذكرينه كل شوي باللي صار او تكثرين من التشكي ما احد يحب هالشيء . امممممممممممم صحيح ومن الحاجات المهمه بعد انك تتعلمين فن التمنع يعني مثل ما نقول لا تطيحين عليه بيعتبرك خاااااااانقته ومثل ما يقولون الثقل صنعه ... وين وصلنا ايوووه للتمنع وفن التمنع لكن هااااااا انتبهوا هذا الكلام للي متزوجات ولهم فترة يعني شهور او اكثر مو للعرايس ليـــــــــه !! [frame="1 80"]لأن العروس اذا من اولها بتتغلى على زوجها بيحس انها رافضته وممكن تسبب له برود انا متأكدة انه من طبيعي جدا بتكون خايفه ومرتبكة وخجلاااااااااااانه موووووووت لكن لا تعصبين او تسوين حركات ما ادري كيف بعدها بيكرهك خليك هادية قد ما تقدرين وعلى العموم الشباب الآن اغلبهم فاهمين ويتركون زوجاتهم يومين او ثلاثة حتى يتعودون على بعض شوي لكن انتي بعد انتبهي مو تلبسين قميص نوم قصير وشفاااااااف من اول يوم والله بيفكر انك تبينه ومستعجله لا حبيبتي البسي قميص ناعم وحلوووووو طويل يكون وحتى لبسك ثاني يوم في الصباحية خليه ميدي او ما يكون قصير مره صدقوني بنات ترى الشباب تفكيرهم شوي مخهم مركب شمال اذا شافك لابسه قصير للركبة او ضيق بيظنك تعزمينه ههههههه اول الايام بس خليك هاديه وبعدها هي الشغلة بتصير يتصير يعني لا تفكرين في هالشغله كثير وتكبرينها في مخك لانك بعد كذا بتتعبين اتركيها على الله .... أ هـ إنتهى <<<< للعروسات خلصنا ^&)§¤°^°§°^°¤§(&^.^&)§¤°^°§°^°¤§(&^ نتكلم هنا عن اللي ليهم فترة متزوجين حلووووووووو حبيبتي انك ما تكونين طوووول الوقت لازقه في وجه زوجك خليك ثقيله شوي مو ثقل دم لالالالالالا اضحكي وعلى الغداء حطي له لقمة في فمه لكن مو تزودينها اعرفي كيف توازنين تصرفاتك :22: يعني في بعض الايام خليه ينام الظهر لوحده انتي شوفي لك اي شغلة النت البيت اي شيء يسليك المهم اذا صحى من النوم البسي واكشخي وتعطرررررري وهاتي له العصير او القهوة وهو مشغول اما على النت او التليفزيون واجلسي في مكان يكون يشوفك منه اذا كان يشتغل في مكتبه خذي كتاب واقري فيه كذا يعني ما تصيرين لازقه تسولفين في وقت هو مشغول فيه ...واذا عنده خرجه او عزيمه اطلبي منه يوصلك لاهلك او زوري اهله بدل ما تلومينه على كثرة خرجاته عند النوم تغيرين شوي مو كل مره تلبسين القمصان المثيرة لا خليها مرات ومرات حتى تغيرين له وتخلينه يشتاق زيادة لك اللي قصدته تحاولين تبعدين عنه شوي شويـــــــه بس لكن من غير مد البوز والعبوس لا ابدا خليك طبيعيه وحبوبة لكن هالبعد بيكون لصالحك امممممممم ايوه صحيح انتبهي تسوين هالحركة وانتي معك الدورة لالالالالالالا لانه ماراح يهتم كثير خليها في اوقات ثانية ومو مشكلة في آخر يومين من ايام الدورة لكن الغرض هنا انه يشتاق ... *·~-.¸¸,.-~*.*·~-.¸¸,.-~* وهنا ابقولك شيء ثاني تماما تعرفين ان 99% من الرجال يحبون ان زوجاتهم يطلبونهم ادري بتقولون لا ومستحيل وكيف مو مشكله ابدا اعملي حركة وسهرة حلووووووه وارسلي له رسالة على جواله انتي مجهزتها من بدري حتى لو كان في البيت جالس عااااااااادي ارسليها له تعزمينه فيها على غرفة النوم اللي بيدخلها ويلاقيها متغيره وهالشيء اكيد بيكون نااااااااااااااااااادراً ما تسوينه لاكن المطلوب هو التغيير التغيير وبس تعرفون ان اكثر الزيجات تفشل اول ما يدخل الملل والروتين للبيت ابعدو هالاثنين عنكم غيروا من فترة لفترة في كل شيء حواليكم لا تقولون ليه كل شيء علينا وهم ولا هم هنا اقولك حبيبتي الزواج شركة بين اثنين انتي وهو والمرأة بحكم طبيعتها الانثوية وحسن ادارتها للبيت وهو بحكم انه غالبا مشغول بيكون عليك تحاولين على قد ما تقدرين انك تحولين بيتك لجنة لك وله فيها رااااااااااحة البال والسعادة اذا فهمتيه وعرفتي كيف تتعاملين معه بتاخذين اللي تبين وهو مبسووووووووط ويضحك ويلعب بعد وبترتاحين لانك بتملكين زمام الامور بيدك

حتى يكون موقفك دائماً قوي امام زوجك حاولي انك ما تخطئين ! بتقولين ومين اللي ما يخطيء ؟ شوفي...