** ابشركم **

السلام عليكم ورحمة الله وبركاته
من خلف شاشة المحمول << طالبته مخصوص علشان تبشركم :)
ابشركم اخواتي الغاليات ورفيقات دربي خاصه في اكاديمية دفى شمس
وشلة فراوله..
وجميع اخواتي هنا في قسم الحمل والولاده..
رزقني الله ببنت سميتها الجوهره يوم الجمعه الماضي..
ولله الحمد والمنه ومنه الفضل والنعمه.
ولم انس احدا هنا دعوت لكل اخواتي بالذريه الصالحه
وان لايحول عليهن الحول الا واطفالهن في احضانهن..
بمنه وكرمه وعظيم قدرته..ودعوت لكل الحوامل بالتيسير
والتسهيل في الولاده..وان يقر عيونهن بما وهبهن انه ولي
ذلك والقادر عليه.
وسأوجز هنا عدة وصايا عسى الله ان ينفع بها جميع اخواتي..
عند الولاده التسهيل من الله وحده فقط..
ادعيه واطلبيه في كل وقت وحين..
وبعدها اتخذي الاسباب المعينه على ذلك بتوفيق الله..
من اعظمها بإذن الله:
1-المشي في الشهر الاخير.
2-الصدقه..الصدقه ..الصدقه...
3-كثرة الاذكار والمحافظه على الورد اليومي
4-الحلتيته لازم تاخذيها معك للمستشفى..
واليكم قصتي معها:
من يوم الخميس الفجر والطلق بادي معي منتظم
كل ربع ساعه يجي ويطول..سبحان الله ظل على
هالحال لحد يوم الجمعه الساعه 3 الفجر منتظم
ومؤلم رحت للمستشفى وكشفت الدكتوره لقت ان
الرحم بعد هالمعاناة كلها منفتح بس 2 سانتي ..
قالت لي روحي على بيتك بس وتعالي بكرا يمكن
يصير فيه تقدم :(
قلت بيتي بعيد ولو توسع الرحم خطر اولد وانا جايه
بالطريق رقدوني عندكم..
لاني كنت تعبانه ولااقدر حتى اجلس بالسياره..
المهم رقدوني الساعه ثلاثه..والرحم 2 سنتي..
وكنت ادور بالغرفه من شدة الالم وحاسه ان الولاده
قريبه بس الرحم مانفتح..تدرون وش تذكرت ..
تذكرت قطعة حلتيته لافتها بمنديل بشنطتي اخذتها وقعدت
اشمها من قلب كل ماجتني طلقه شميت بقوووووه...
وسبحان الله الكريم الساعه سته طلبت الدكتوره حسيت اني
خلاص ابغى الحمام تكرمون..جت لمي قالت انتي توك تحملي..
يوم كشفت طارت عيونها قالت بسرررررررررررعه لغرفة الولاده
الرحم خمسه ونصف..
والحمد لله خلال اقل من ساعتين والبنت جابها الله..ماشاء الله
بس قبل لااروح لغرفة الولاده طلبت من زوجي يطلع يتصدق عني
وكانت كلها اسباب مباركه بإذن الله.
انصحكم نصيحه لوجه الله..توكلوا على ربكم الكريم واتخذوا الاسباب
ولاوحده يابنات تروح تولد الا معها قطعة حلتيته علشان تشمها هناك..
وتطلب اللي يوديها يتصدق عنها..
وتحمد ربها وتشكره ولاتنسوني من دعواتكم الطيبه.
الله يحفظكم.