![][§][-~المتغـلية ~-][§][](https://cdn.hawaaworld.com/images/user_avatar.png){kind=avatar}
حياكم الله بنات
كثيييييير كانوا يسئلون عن شغل شذى ونا كنت منهم وقبل اسبوع قلت في كذا موضوع ان موعدي معها الاربعا ووعدتكم اقول لكم كل شي مستوى شغلها واسلوبها بامانه ان شاء الله خاصة الي ارسلوا لي ع الخاص
بسم الله
رحت لها على موعد حجزي الساعه 3 العصر
ماكنت حابه هالوقت حاسته بدري بس قالت الاربعا كلها وقت مليان وناس حاجزين ما وصلت كان فيه ثنتين قبلي خلصوا شعرهم وكانت تسوي لهم ميك اب
بالبدايه وللامانه مدري ليه صرت خايفه حتى ازعجت صمت الجروح مسجات وهي تشجعني اغامر :32:
المهم شوي كذا ونا انتظر وصلوا اكثر من ست بنات خلصت الثنتين الي قبلي وجا دوري
خلتني استرخي على سرير المساج مثل ماقالت لان كل من استرخى عليه ماوده يقوم :23:
وسئلتني عن الوان فستاني فاقلت لها احمر واورنج الوان قويه وبدت بالاساس والكونسلر والباودر ولاحضت مستحضرات الميك اب الي عندها اغلبها فيها صورة الوجه المهرج اعتقد الاخت شكولاته تعرف هالماركه ان شاء الله تفيدنا عن اسمها وبرضو الاخت صموته
ومع مكياج العيون هي تحكم اذ عيونك تحتاج رموش او لا
المهممممم خذت وقت على عيوني وسئلتها اذ كل عيون لها مكياج معين وقالت ايه فيه رسمات ماتنفع لكل عين بس عينك ماشاء الله عادي اي مكياج يناسبها << رفعت معنوياتي :55:
بعد كذا قالت لي بتحط لي روج غامق وقلت الي يناسبني سويه
بعد تقريبا نص ساعه بين غمضي عيونك وفتحي خلصنا ورشت علي المبثت وقالت عطيني رايك
طلعت برا عند المرايه قلت بسم الله وفتحت عيوني
وش تتوقعون شفت ؟؟
مكياج العيون خطيييييييييييييييييييييييير ماشاء الله عليها عن جد انا اعرف للميك اب صرت ادقق وش سوت لقيتها دامجه الوان وحركات الين وصلت لنتيجه النهائيه روووعه :41:
اما بنسبه للاساس حلو مره بس الي حسيته كثير البلاشر حسيتها كثرته يمكن لاني ماني متعوده اكثره بس كان طالع حلوو مع مكياج العيون
نجي عاد للروج صراحه كبرت شفايفي بزياااده مره من تحت ومن فوق سئلت بنات موجدات قالوا لا يجنن حلو بس انا ماقتنعت صراحه حسيت كاني مبوزه هذا اقل وصف لشكل شفايفي خصوصا ان الروج كان عنابي على احمر .. بصراحه بعد ماطلعت منها مسحته وعدلته
بعد كذا رحت عالشعر كانوا ثنتين فاتن وثانيه مدري وش اسمها كان توهم خالصين من الثنتين الي قبلي يعني شغلهم صراحه بطيئ من كثر حرصهم انهم يضبطون لان كانوا الي قبلي طالبين تسريحات
سوتني الي ماعرفت اسمها وكنت طالبه استشوار على جو بس وكل شوي فاتن تطلب الاستشوار الظاهر مامعهم الا هو
بعد ماخلصت اوكي استشورته خصوصا ان شعري اساسا ناعم بس صراحه ماضبطته مره زي الي متعوده على استشوارهم بس خليتها تعدل شوي وطيوبه والله ماقصرت
حتى الي سووا التسريحات يرجعون لها تعدل وتعدل بحماس بدون ماتبين انها متضايقه خصوصا ان لسا كثير ماسووا شعرهم
يعني نجي للزبده
شغل شذى بالعيون تحفه بس انصحكم بنسبه للروج تحددون اللون الي تبونه بدون ماتستحون وطلبوا ماتكبر الشفايف عن حدوده الطبيعي بشكل مبالغ فيه وخلاص بتطلعون رووووعه
بنسبه للشعر ماراح اسوي عندهم مره ثانيه يا بستشور في مشغل قبل او بعد
بس اتمنى من شذى ان كانت من ضمن الي بيقرون الموضوع تهتم اكثر بشعر زبائنه ياتجيب اكثر من هالثنتين او تقول لهم يوفرون اكثر من استشوار:(
وحابه للامانه اضيف حاجه عن اخلاق شذى
البنت حبوبه وبالها طووويل ولاحضتها تذكر البنات بصلاه قبل يبدون بالمكياج
وبرضو اتصلت علي الساعه 12 تسئلني عن رايي وراي الي شافوني تصوروا الذوق والاهتمام وين وصل
وبرضو البنت امينه لانه الظاهر طاحت مني فلوسي ونا احاسبها فامهتمه تتاكد الفلوس هالزايده عندها لمين تقول مابي اكل شي حرام
من جد الله يديم عليها هالاخلاق والذوق ويزيدها ابداع وشهره باذن الله
لحضه نسيت اقول سعرها
سوت لي الميك اب بـ 200
اما شعري حددت سعره الي سوته بـ100 ولو ان شعري مايستاهل حتى 100 لانه قصصصير ومو متعب :D
واخيرا
اعذروني ع الاطاله وترا قلت لها اني من بنات عالم حواء وكان ترحيبها واهتمامها حلو يعني فيه معامله سبشل لبنات عالم حواء :23:
وان شاء الله اني وصلت لكم فكره كافيه ووافيه عن شذى
وسلامتكم
..
.
هذى ماركة كاريولان