ابشركم اني حامل لكن ماكملت فرحتي تعالوا طمنوني

مرحبا
انا جتني الدوره في 26/1
وستخدمت كلوميد وابر منشطه وابرة تفجير
وانتظرت الدوره في 26/2 تجي لكن ماجت
وبعد ماتأخرت خمس ايام حللت دم
وماشاء الله طلعت حامل
وبارب لك الحمد فرحنا وحتفلت انا وخواتي
وفجأه وانا جالسه معهم حسيت بالم قوي في جهه المبيض اليسار
وخفت قلت يمكن حمل خارج الرحم
ورحت لطوارئ قلت لهم توي محلله وطلعت حامل لكن فيه الم بجهه وحده
وصلحوا لي اشاعه قالت ماشوف كيس الجنين
قلت انا توي محلله يعني لها الدوره اسبوع ماجت
يعني الحمل توه ماراح يبان
قالت لازم تومين علشان الدكتور يشوفك بكره الصباح
وتنومت وانا اتقطع من الالم
وجاني دكتورري الصباح الي معطيني المنشطات
وقال وش فيك
وقلت له السالفه وقلت له الدكتوره حقت الطوارئ تقول ماشفت كيس الجنين ويمكن حمل خارج الرحم
قال اصلن الكيس مايبان حتى يصير هرمون الحمل بالدم 1000
وانتي هرمون الحمل عندك 150
يعني لازم كل شوي نعيد تحليل الحمل اذا كان يرتفع نقول الحمدالله ان الحمل طبيعي
وسوي لي اشاعه قال الالم الي تحسين فيه المبيض عندك متضخم من المنشطات
قلت عطني علاج قال مانقدر نعطيك لانك حامل
وجلست عندهم اتابع تحليل الحمل
وعادوه لقوه مرتفع وصل200
وعادوه اليوم الثاني وصل 300
وعادوه اليوم الثالث لقوه نازل صار 110
قال ادكتور خلاص ماراح يرتفع لانه اذا نزل مستحيل يرتفع
يعني راح ينزل حتي يوصل صفر وربي حزنت كثير
قال راح اخليك لبكره وبنعيد تحليل ونكتب لك خروج اكيد بكره راح يوصل 50
وجاء بكره لكن الغريب التحليل ارتفع صار 220
قال الدكتور مستحيل يرتفع اكيد فيه خطاء
لانه مافي بالعالم كله وقانونيا انه اذا نزل يرتفع علشان كذا فيه خطاء
قال ماراح نطلك لازم نعيده بكره وانا اتقطع من الام تضخم المبيض
وجلست وعادوه لقوه مرتفع 348
قال دكتور اكيد كان الخطاء في المختبر لانه مستحيل ينزل ثم يرتفع علشان كذا نقوال الخطاء في المختبر
قلت طيب اكتب لي خروج قال خلاص اكتب لك خروج لكن لازم احط لك مواعيد اتابعين معي
وكل شوي نعيد التحليل لك
علشان نتاكد وعلشان الام المبيض الي عندك
اذا وصل الهرمون الى 1000 وشفنا كيس الجنين نقدر نقول ان الحمل يمشي بطريق السليمه
والسبت اعيد التحليل وموعدي الاحد
ادعوا لي يابنات
وفيه احد مر عليه مثل حالتي
وش سوات في تضخم المبيض مسبب لي الام وخوف انه يكون حمل فيه
يقول الدكتور يبي له فتره ويروح
الي جاها تضخم في المبيض وحملت كم استمر معها التضخم وراح هل يطول
وهل الحمل يستمر ولا يصير اجهاض بسبب التضخم
وهل تتوقعون ان المختبر كان مخطئ في سالفة الهرمون حق الحمل
يعني فيه احد نزل الهرمون ثم ارتفع عنده
الله يجزاكم خير طمنوني
الله يفرحكم يارب وتجون تبشرونا