ابشركم بشاره حلوه

بعد التعب والخوف والتوتر ابشركم رحت حللت وكنت على اعصابي والله اني انا زوجي نتهاوش مين ينزل ياخذ

النتيجه هو يقول انتي انزل وانا اقول انت انزل

والحمد الله والشكر لك يارب طلعت انا حامل وكله بفضل الله ودعائكم ورضا والديني ما خاب ضني وفرح قلبي ويسر

امري ولله الحمد

وان شاء يارب مثل مافرحتني وفرحه زوجي انك تفرح قلب كل زوجين يتمنون الحمل ويرزق كل وحده تتمنى الحمل

عاجلا غير اجل ولا تحرمهم يا ارحم الراحمين

تبون تعرفون كيف حملت حملت بفضل الله سبحانه وتعالا كنت مامنه بالله وكنت متفائله وكنت استغفر ليل نهار

بنيه الحمل بنات لا تنسون الاستغفار كثروا منه والله اني كل ما تذكرت الحمل اجلس استغفر سوا بالسياره او بالبيت

او قبل لا انام او وانا بالجامعه

واستغلوا وقت الدعاء الي بين الاذان والاقامه ترى الدعوه فيه مستجابه وبنصحكم نصيحه

مو الحين لما الواحد يكون نايم تجيه اوقات فجاه يصحى ووتناظرين ساعتك تلاقينها الساعه 2 او 3 او 4

وتقولين وش مصحيني بالهوقت الي صحيتي فيه وانتي منسدحه اذكري الله وادعي ربك ان ربي يرزقك

وكثير من هالدعاء (رب لا تذرني فردا وانت خير الوارثين))

هالدعاء انصحكم وانصحكم تكثرون منه وربي اني كل دقيقه اقوله مايسكت لساني منه والحمد الله ربي رزقني

كمان انصحكم بنات لا تفكرون بالحمل كثير ترى انا الي كان مانعني من الحمل التفكير الكثير وهالشهر قلت خلاص

مارح افكر ولا راح احط بالتقويم وقت التبويض ولا راح احسب متى تجيني الدوره انا مامنه بالله وبخليها على الله

وفعلا وربي اني ماحسبت الدوره متى تجيني متى ما يبيني زوجي اخليه يجيني ماحسبت هي ايام تبويض والا لا مع

العلم اني اول كنت اروح للدكتوره تحسب لي وهالشهر قلت لا مارح احسب خلاص بخليها على الله

عيشوا حياتكم طبيعي وانسي الحمل واذا جا ببالك كثيري استغفار والا ادعي والا قولي ربي لا تذكرني فردا وانت خير

الوارثين ومن نفسك بتلاقين الموضوع ****ل من بالك

وان شاء الله بدعيلكم من قلبي ان ربي يرزقكم ويعطيكم مثل ما عطاني :)