ابشركم تم التحميل بنجاح وانشاللة تطلع الصور.......ادخلو وشوفو والله الله بالردود

صالتك يبغى لها شوية شغل بمعنى يبغى لها شوية اكسسوارات تعبيها زي لوح الجدران لاني اشوفها فاضيه ويبغى لك شجر زي ماقلتي واعتقد لو تحطي طاولات فرنسيه في الزوايا بمفارش ذهبي مثلا وابجورات وفازات كبيرة وتحاولي تزيني الدولاب والي حوله على حسب ذوقك ااااااااااااتمنى اكون افدتك هذا الي ييحضرني الان ودمتي

تفضلي هذي صور صالتك
ما شاء الله بسيطة و الوان متناسقة
اضيفي لوحات و شوية زرع مع طاولات صغيرة بين الكنب و ابجورات ومفرش على الطاولة
كما عندي ملاحضة التحف الطويلة اللي على الخزانة مكانها على طاولة صغيرة او حتى على الارض تكون اجمل
و ربنا يهنيك في بيتك

غاليتي عطر .. كل عام وانتي بخير .. :)


صالتك ناعمه جدا .. عندي مداخله بسيطه تتقبليها ان شاء الله من اختك ..


لاحظت وجود اللون البيج بكثره .. وهذا عطاني انطباع لان صالتك ما فيها روح ..

اولا نبدا بلكراسي روحي على هوم سنتر مثلا ما اسوي دعايه بس اغراضهم معقوله الاسعار وحلوه ..

اشتري خداديات او مخدات سكري فاتح معاه كريستال او فولك .. بالون متعدده يعني كل ثنتين مثل مثل ..

فوشي فستقي .. وشيلي الخداديات القديمه ..

الطاوله اللي بالنص يا تشترين لها مفرش .. او تشيلينها نهائيا وتحطي الطاولات اللي تيجي مقاسات صغيره وكبيره تحطيها في زاويه ..


و عندك اضاءه الستاند روعه بصراحه ممكن تستغني عن الثرايا ما تشبينها بليل بس تشبين الستاند بيكون روعه تحطيه بين الكراسي .. بدور لك صوره وبعرضها لك ان شاء الله ..

تعرفين البوردر اللي يجي زي شريط لاصق كورنيش بالون مختلفه هذا بيخلي صالتي غير شكل يا تحطيه فوق او تحطيه بالوسط ..فعلا بيغير الصاله .. :)


و تحتاجين زرع اللون الاخضر جدا مهم .. وحده تكفي ..


و تعليقات مثل لوحات .. سجاده .. اللي ودك ..


وان شاء الله تعجبك اقتراحاتي :)

وخبرينا وش يصير معك واي سوال حااااااااااااااااااضرين يا عطر ..

تحتاجين إلى تعتيق للبوية،، وراح تتغير معك صالتك بشكل كبير مررره

هذه بعض اللمسات الي ممكن تلاقينها بهوم سنتر و لايف ستايل وهم مسوين تنزيلات حاليا اذا انتي من الامارات...
اولا اللوحات الجداريه ...

التعليقات الي ممكن تحطين فيها شموع كزينه او اضاءه...


وشوفي هذه الصاله كيف مرتبه بالاضاءات والسجاده روووعه...

وهذه الخداديات ممكن تخلينها في زاويه من الحجره مساند للجدار..

تزيين الطاوله بمفرش من المخمل البيج المطرز و وتحطين فوقه بعض من هذه الديكورات