ابشركم حملت لكن حسيت بشعور مو حلو !

السلام عليكم ورحمة الله
علاقتي بأم زوجي كويسه الحمدلله واخوات زوجي
مايتجمعون الا انا الاوله معهم يعاملوني كاني فرد منهم
وانا مااقصر اوجبهم دايم يحضرون عندي اكثر من مااحضر عندهم
حتى فطور العيد خليته عندي
المهم تاخرت في الحمل لمده 3 سنوات ونصف
وانا نفسي احمل حتى لما تسألني ام زوجي واخواته اقول لهم
انه ودي بالحمل وجالسين نحاول
المهم من كم سنه بدأو يتعازمون بدوني ويتقابلون ويسوون
حفل للاطفال بدوني رغم اني اعتبر وحيده ودايم في بيتي
ما اطلع كثير وولدي الي هو حفيدهم معي ما يدعونه
ارحمه يطفش ويسمع صوت الاطفال جنبنا يقول ابغى اروح
معهم اقول لا هذولا الجيران
حسيت تعاملهم تغير شوي
حتى كنت ازور ام زوجي في الاسبوع مرتين وحسيت اني ثقيله
فصرت اروح مره فقط ولا اطول ومستحيل ترسل لي ترسل لزوجي؟! ماادري ليش طيب انا معي جوال؟!
الى ان جاء اليوم الي الحمدلله اشكر ربي العظيم احمده واشكره رزقني من فضله اكتشفت اني حامل
وفرحتي انا وزوجي ماتوسع الدنيا
رحنا للمستشفى وتاكدت ورحنا لام زوجي
والله يابنات والي خلقني اني زي الطفله انا وزوجي
رايحين عندها بورقه التحليل نبغى نبشرها توقعنا انها
بتطير من الفرحه المهم دخلنا او ل مادخلنا واحنا مبتسمين وبنطير
من الفرحه
قالت بخوف وتكشيره ايش فيكم!!!!! عسى ماشر!!!😟
قال زوجي ابشرك زوجتي حامل قالت ببرود الحمدلله بصوت
منخفض وجلست تلعب مع ولدنا وسحبت علي
ماكاني موجوده !!! بعدين زوجي قالي روحي للبيت بنلحقك
فناضرت لي وقالت مبروك بصوت منخفض
معالم وجهها وردت فعلها صدمتني ؟!
ماحسيت انها فرحتلي !؟
مع العلم اليوم الي قبل كانت مجتمعه هي وبناتها ولا عزموني
قلبي ناغزني منهم ماني مرتاحه ابدا ؟!
ليش تغيرو علي وانا والله والي خلقني اني طيبه ومسالمه؟!
وفعلا اكتشفت انه ماراح احد يفرح بضناك غيرك لو يكون الي يكون
لما اقول لكم اني اعاني من الوحده هذا اقرب مثال تخيلو ذول الي
اعيش معهم ومقطعه عمري لهم وسحبو علي كأني مو منهم 💔
الله يعوضني خير ولا يحدني الا على وجهه الكريم
طبعا نزلت هذا الموضوع لاني مو قادره افهم تصرفها وتصرفهم؟!
اشرحولي من خلال خبراتكم لعلي استفيد يااخوات🤍