ابشركم سويت ليزر فراكشنال eco2

السلام عليكم يابنات كيفكم *****الله بخير
موضوعي مثل عنوانه واخيرا سويت ليزر الفراكشنال والحين انتظر النتايج وباكتب لكم بالتفصيل وين سويته وبكم وكيف صار مع اني يوم كنت استفسر عن العيادات ماحد رد علي الا كم وحده الله يجزاهم بالخير بس مع كذا بافيدكم بتجربتي وباحكي لكم كل يوم عن اخر التطورات
اولا سويته في عيادات ادمه في جده عند الدكتور بسام يوسف عشي
المهم كان موعدي يوم الخميس وجيت بالطياره يوم الاربعاء وكنت فعلا خاايفه
جاء يوم الخميس الساعه 6 الاربع الكشفيه كانت ب300 ريال ودخلت عند الدكتور شاف وجهي قال انتي عندك اثار سطحيه قال صح انتي تشوفينها كبيره بس اهي سطحيه يعني مو عميقه المهم قال يبي لك من 4 الى 5 جلسات وبنسوي لك على منطقة الاثار بس اللي هي منطقة الخدين بس لان قال حرام باقي وجهك صافي قال على منطقة الاثار ب1000 ريال والوجه كامل قال ب3000 ريال قلنا توكل على الله على منطقة الاثار بس
دخلتني النيرس في غرفة الليزر وحطت على وجهي مخدر املا وقالت خليه ساعه واعطتني ريموت التي في وقالت تفرجي :biggrin2: وانا في عالم ثااااني خاااايفه من وصف البنات انه يالم مره المهم الدكتور ماجاني الا بعد ساعه وربع لان كان عنده مريض ثاني
دخل والله مت خوف وصرت انتفض مررره جلس يضبط قوة الجهاز بعدين حطت النيرس نظاره على عيوني بعين بداء الدكتور عمله بالليزر الحقيقه الالم ماكان زي ماقالوا البنات صح يالم بس بسيط زي وخز الابر يمكن لان البنج طول فيني العمليه ماكملت 10 ووصف لي كريمات
اللي هي كريم اللي عليه اسد بس البرتقالي مو الاحمر هو يعتبر مضاد حيوي

ومقشر ويعتبر كريم تفتيح اسمه icn ازرق وابيض وغطاه بينك
وواقي شمس
وكريم يخفف احرار وتهيج البشره اسمه bioderma

خلصت من الجلسه كان وجهي احمر ومنتفخ ولبست نقابي ورحت اتمشى بس كل ماراح تاثير البنج صار وجهي يحرقني ويالمني يمكن ساعه بعدها نسيت اني سويت شي بوجهي جيت للشقه لقيت وجهي منتفخ مره وفي نقط دم جروح يعني اللي كبير واللي صغير على حسب حجم الاثر
صحيت من بكره صارت واستخدمت كريماتي بس كانت النقط معبيه وجهي ولونها بني فاتح
ثاالث يوم النقط صار لونها بني غامق ونشفت وزياده يعني اليوم ومستمره على الكريمات بس باقي ماتقشر شئ والله كريم ***** الله ترووح الاثار ويتقشر قريب لاني خوفت ولدي وزوجي بوجهي و*****الله اكتب لكم تغيرات وجهي يومي والنتيجه بعد مايصفى
ارجو تستفيدوا وترفعوا الموضوع عشان غيرنا بعد يستفيييد