السلام عليكم ياكروشات ودبدوبات حواء الجميلات...
ولدت قبل شهرين وكنت مخططه من حملي اني امسك نفسي في النفاس حتئ لو مانقص وزني ع الاقل مايزود لكن بحدود لاتنسون ان الجوع مو زين للنفاس المهم ولدت وبديت بتخفيف اكلي يعني الفطور يكون 4مراهيف بر بسمن وسكر عادي بس لاتكثرينها يكون بعد الفجر مع كاسة حليب دافي
واذاجعت قبل الظهر اكل من تمرتي المعبوطه بسمن ورشاد وبعدها الغدا يكون يامرقوق ياقرصان بر واقعد عليها للعصر اشرب قهوتي مع حبتين ثلاث من التمرالمعبوط
والعشاء ياخبز مع سمن ياقرصان او مرقوق بر وحليب وبس
اذا جعت اخر الليل اكل شابوره بر مع كاسة حليب او من التمره المعبوطه هاذا كان نظامي ابتعدت عن الرز والعصائر نهائي والمويه بحرارة الغرفه وكنت عادي اكل حلئ وفطاير اذا جوني حريم ماكنت امنع نفسي ابدا ولله الحمد مازاد وزني لاني مع هاذا النظام كنت اشرب زنجبيل مع قشر قهوه واحط معه هيل ترمسين طول اليوم والله يجزا من دلتني عليه بالخير.
طريقته:
احط في الترمس ملعقتين كبيره زنجبيل مبشور وملعقة قشر قهوه محمص ومطحون وملعقه صغيره هيل.
اتمنئ اني افدتكم حبايبي اذا عجبكم الموضوع عارفين طبعا وش تسون ....شكرا لك....
سلملم:27:
فستق وجوز @fstk_ogoz
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
تقريبا نفس نظامي بدون القشر .. ونقصت عليه
وناويه هالمره بعد ان شاء الله بعد ما اقوم بالسلامه انحف