ياجماعتي اسمعوا قصة واحد(ن) بالسجوني
يقول قتل السيف ياناس ماني بهايبه
بس لاتخبرون اللي بطبعه حنوني
الوالده تكثر عليها مصايبه
اخاف لو درت يصيبه جنوني
اوعلة(ن)تبقى على النفس شايبه
ياالله ياللي امرك بين كاف ونوني
خلقتني مابين صلب وترايبه
عوض علي دنياي وتحسن ظنوني
واغفر لعبدك اللي نفسه تايبه
ويلي حضرتوا مقتلي سامحوني
هذا نصيبي وهذا اللي ربي كاتبه
:(
صدقت ياعبدالعزيز .. هذا نصيبك وهذا اللي ربي كاتبه ...
الله يغفر لك ويرحمك ويجزل عليك الاجر ويجعل الجنه جزاك .. ويبدلك دارا خيرا من دارك واهلا خيرا من اهلك
ويجعل روحك في عليين .. آمين .. آمين ..
الله يجعل القرآن اللي سكن قلبك انيسك في قبرك .. ويقيك فتنة القبر وعذابه .. وفتنة النار وعذابها ..
""الحمدلله ... الحمدلله .... الحمدلله ....
الله يجزاكم بالخير .. ولايوريكم مكروه .. الله يجزاكم بالخير ولايوريكم مكروه .. الله يرحم موتانا وموتاكم ..
الحمدلله .... ""
هذي كانت كلمات ام عبدالعزيز لما اتصلت فيها لآداء واجب العزاء .. تمكنت من اخذ الرقم من احدى قريباته في موقع
بني تميم ... بلغتها عزاكم .. ودعواتكم .. ودعت لكم .. عسى الله يقبل دعاها ..
سبحان الله تقول لي قريبته ::
على الرغم مماعانينا طوال فترة سجنه من كرب وشده وحزن والم واسى ..
الا اننا لما بشرونا عنه قبل وفاته وبعد وفاته من علامات حسن الخاتمه .. ارتحنا كثير ...
قبل وفاته كان راضي ومبتسم :: قال يمه :: الموته وحده .. واللي الله كاتبه بيصير ..
كان وجهه بشوش ومبتسم .. وكذا بعد موته ..
كان يتحمد ويتشكر ويتشهد قبل موته ...
الله يرحمه ويغفر له ويعوضه بشبابه بالجنه .. ويخلف على اهله ويربط على قلب امه المكلومه على موته ...
//
أواااااااااااه ثم أواااااااااااه على فقد الحبيب .. وفقد الضنا صعب ..
الله يربط على قلب كل من فقد له غالي .. الله يعظم اجرك ويصبرك ياام عبدالعزيز .. الله يعظم اجرك ويصبرك يام خالد ..
يشهد الله اني مااعرفهم شخصيا .. ولكني سمعت بقضيتهم وبحثت عنها وكتبت موضوعي الاول .. للدعاء له ..
لكن صار اللي صار .. وامر الله وكان ..
القصاص شرع الله .. ولكن اجر العفو مايضيع عند الله ..
والا ماكان شفنا اهل الخير والمشايخ واعيان القبايل يسعون في كل قضية من هالنوع ..
والله لاينزع الرحمه من قلوبنا ..
تعاطفنا معه لانا فكرنا فيه يوم تاب .. وفكرنا بصغر سنه .. وفكرنا بالشيطان ومكره .. وفكرنا فأمه .. وفكرنا باشياء كثير .. يارب لاتحطنا مكانهم .. يارب ..
تعاطفنا معه لانه قلوبنا حيّه .. بكينا عليه .. ودعينا ان الله يحفظه مثل ماحفظ كتاب الله في صدره ..
كتبت الموضوع الاول للدعاء له لكن جت بعض الردود غريبه ؟؟
ليش يابنات انتم ضامنين ان عيالكم واخوانكم ماينحطون مكانه ؟؟ الشيطان يوسوس ويحرض والدليل ذنوبنا اللي نذنبها
ليل نهار ..
الناس للناس والكل بالله ..
ومااعتقد لو بيقولون لك تمنين موته بتقولين ايه ... احسن يستاهل !!!!
يابنات يااخوات ياغاليات ..
الشيطان حضر .. الله يعيذنا منه ويكفينا شره ..وصار اللي صار .. الله لايحطنا مكانهم يابنات ولايورينا مكروه في غالي .. الله يحمي اخوانا
وعيالنا وشبابنا وبناتنا وابائنا وامهاتنا ويحمينا ويحفظنا ويصرف عنا كل شر .. ولايحطنا مكانهم ....
الله لايجعلنا نشوف اللي شافوه كلهم ( الصعب ) و ( اليحيى ) ..
ولانمر باللي مروا به ..
المصاب جلل عليهم كلهم ...
والحمدلله على كل حال ..
...
يابنات .. ارفعوا يديكم معي بالدعاء .. تكفون واخلصوا النيه لله ..
:44:
الله يرحمكم ياخالد وياعبدالعزيز .. ويصبر قلوب امهاتكم واهلكم ..
الله يهدي شبابنا ويصلحهم ويصرف عنا وعنهم كيد ابليس وشره ..
الله يحسن خاتمتنا اجمعين ويقبضنا وهو راضي عنا ..
الله لايحرمنا لذة النظر لوجهه الكريم ..
الله يجعل الموت اسهل علينا من شرب الماء ..
ويآخذ ارواحنا له وحنا على طاعه ..
الله يحفظ لكل وحده تقرا دعاي غاليها .. ولايوريها شر فيهم ..
آمين آمين آمين ..
//
ملاحظة :: ياليت نقدر ان الموضوع انكتب عن ابناء تحت التراب .. وامهات مكلومات ..
وياليت نترفع عن كتابة بعض الردود اللي لاتقدم ولاتأخر ..
وياليت كل وحدة تدخل الموضوع ترفعه بالدعاء لخالد وعبدالعزيز وامهاتهم ..
ولاتحرموني من اجر دعواتكم يالغاليات ..
ام القلب الكبير (( مشاعر قلب ))
مشاعر قلب @mshaaar_klb
محررة فضية
ابشركم عن احوال // ام عبدالعزيز اليحيى // الله يغفر له ويرحمه ويسكنه الجنه :(
146
11K
يلزم عليك تسجيل الدخول أولًا لكتابة تعليق.
اللهم ارحمه برحمتك الواسعه يا ارحم الراحمين اللهم لاتدع له ذنبا إلا غفرته وابدله دارا خيرا من داره واهله خيرا من اهله وبيتا خير من بيته وزوجا خيرا من زوجه واللهم نقيه من الذنوب والخطايا كما ينقى الثوب الابيض من الدنس اللهم اغسله بالماء والثلج والبرد واجعل قبرة روضه من رياض الجنان واجعله في الفردوس الاعلى من الجنه وجميع اموات المسلمين واربط على قلب امه واهله وعوضهم عن مصابهم خيرا امين ياحي ياقيوم يا ارحم الراحمين امين ياحي ياقيوم
وصلى الله علي سيدنا محمد وعلى اله وصحبه وسلم
وصلى الله علي سيدنا محمد وعلى اله وصحبه وسلم
الله يرحمه ويغفر له ويسكنه فسيح جناته وجميع المسلمين :(الله يرحمه ويغفر له ويسكنه فسيح جناته وجميع المسلمين :(
الله يرحمه ويغفر له ويسكنه فسيح جناته وجميع المسلمين
اللهم ارحمه برحمتك الواسعه يا ارحم الراحمين اللهم لاتدع له ذنبا إلا غفرته وابدله دارا خيرا من داره واهله خيرا من اهله وبيتا خير من بيته وزوجا خيرا من زوجه واللهم نقيه من الذنوب والخطايا كما ينقى الثوب الابيض من الدنس اللهم اغسله بالماء والثلج والبرد واجعل قبرة روضه من رياض الجنان واجعله في الفردوس الاعلى من الجنه وجميع اموات المسلمين واربط على قلب امه واهله وعوضهم عن مصابهم خيرا امين ياحي ياقيوم يا ارحم الراحمين امين ياحي ياقيوم
وصلى الله علي سيدنا محمد وعلى اله وصحبه وسلم
وصلى الله علي سيدنا محمد وعلى اله وصحبه وسلم
الصفحة الأخيرة
اللهم ارحم عبد العزيز واغفر له واجعل قبره روضة من رياض الجنه
اللهم اربط على قلب اهله واجرهم في مصابهم
الله يغفر لك ياعبد العزيز ويرحمك ويجزل عليك الاجر ويجعل الفردوس جزاك .. ويبدلك دارا خيرا من دارك واهلا خيرا من اهلك
ويجعل روحك في عليين .. آمين .. آمين ..
الله يجعل القرآن اللي سكن قلبك انيسك في قبرك .. ويقيك فتنة القبر وعذابه .. وفتنة النار وعذابها ..
الهم امييييين يااااارب