ابشركم ولدت

مساء الخيرات واليرات

كل عام وانتم بخير ومبارك عليكم الشهر وينعاد علينا وعليكم وانتم بصحة وعافية بس من دون ما نكون نفاس :hahaha:

ابشركم ولدت ياربي لك الحمد والشكر بتاريخ 13-8-1430هـ :icon28:وقصة ولادتي كنت رايحة بأمان الله للمستشفى عندي مراجعة:35: ويوم دخلت على الدكتورة شافت ملفي قالت بتولدين 24-8 ويوم سوت سونار قالت لا لا لا مستحيل تطلعين لازم ولادة الجنين نبضة ضعيف والموية شوية وتكتب لي تنويم وطلعوني فوق هدا الكلام يوم الاحد وطبعا انا بكرية وخايفة ولا ادري عن شي وخودي ياصياح :icon33:ولا ودي اقول لامي لانها هي بتصير انا طلق وهي طلق وكل شوي يسون تخطيط لقلب الجنين كل نص ساعة قالو يمكن بكرى نولدك وجاء الاثنين ويسون سونار ويبدون يعطوني زيت خروع يقلون يحرك الطلق واشرب لين خلاص ماقدرت استحمل ولا سوى شي وقالو لي امشي ولا تنامين ابد علشان الجنين ينام ويضعف نبض قلبة وامشي مترت المستشفى ويوم جاء الليل قلت للدكتورة خلاص ابولد عملية او طلق صناعي بس اهم شي اولد قالت ابشوف الاستشاري وجاء قالي ابحط تحاميل ادا مانفع طلق صناعي وادا ماتحمل الجنين سوينا لك عملية المهم يوم جت الساعة 2 ونص بالليل ويجيني ماغص ماادري وشو يروح ويجي وقلت للدكتورة قالت هدا طلق ويوم صارت الساعة 6 الصبح حطو لي تحاميل وتبدا الطلوق تزيد جت الدكتورة وفتحت كيس الجنين ونزلوني للولادة والطلوق تروح وتجي ومن الصبح وهو 3سم لين العصر وابد استفرغ وانتم بكرامة وزاد الماغص قالت الدكتورة طلقك حار ويوم صار العصر انفتح 5ونص سم وعلى هالحال لين صارت الساعة 7ونص المغرب ويجي شي مب طبيعي ولا قدرت اتحمل ابد ناديت الدكتورة و كشفت قالت ولادة بسرعة مع انها قايلة ماراح تولدين قبل الساعة 12 بالليل و سبحان الله سهلها الله علي صح اني شفت الموت بس اول ماشفت ولدي :arb:نسيت كل شي ماجت الساعة 8 وربع الا وانا طالعة من غرفة الولادة ياربي لك الحمد والشكر