ابشركم ولدت الحمدلله اليكم قصتي مع بعض النصائح

السلام عليكم اخواتي بعالم حواء
ابشركم ولدت بالسلامه ولله الحمد وجبت ولد سميته سعود:arb::icon28:
قصتي انا ولدت يوم الاثنين 14- 6 بمستشفى دله ومن يوم الجمعه وانا ماسكتني الطلوق وتنزل معي افرازات مع دم الله يكرمكم وحطيت موضوع بهالقسم عشان تدعون لي واشكر كل البنات اللي ردو علي وجبرو بخاطري الله يجزاهم خير المهم بعد الحاح من زوجي رحت الجمعه قبل الفجر بشوي لطواريء دله جت القابله وسوت كشف قالت مفتوح 1سم لازم تنويم طبعا انا رفضت ووقعت على مسؤليتي ورجعت البيت والى يوم الاثنين وانا طلوق غير منتظمه بس قويه وكان زوجي مسكين مره متوتر اكثر مني طول الوقت يله هاه نروح خلاص ولاده وانااقول لالسى استنى لحدمايصير بين الطلوق 5دقايق نروح وجا يوم الاثنين وزادت الطلوق وصرت احسب لها كل 5دقايق قال زوجي خلاص مابدهاش مشينا قلت له رح صل الفجر واذا جيت نروح على طول وانامدري شسالفتي ماودي اروح للمستشفى ابد اخاف يغثوني بطلق صناعي وانا مجربته بولادتي السابقه شفت الموت بعينه
ولبس الرجال وتوه بيروح المسجد الا وانفتحت مويةالراس وانصدمت وقلت لزوجي وعصب علي وقال انا قايل لك نمشي من اول وبسرعه غيرت ملابسي ورحنا للمستشفى وكشفت وطلع مفتوح 3سم بس
ومن بعدها زادت الطلوق وطلعوني قسم الولاده وكان فاضي استغربت لانهم يقولون انه زحمه كنه حكومي وتسمعين صراخ الحريم واناوالله ماسمعت شي كني لحالي اولد ماشفت الاوحده حاطين عليها جهاز النبض مسكرين عليها ونايمه
المهم نكمل القصه وزادت معي الطلوق مره وطول الوقت ابكي وادعي ولما شافتني القابله اتالم مره قالت لازم نكشف وطلع 5سم قلت اتصلو عالدكتوره نضال حاسه اني خلاص قربت قالت توك الدكتوره ماتجي الابعدين لازم تدفعين 500ريال عشان تجي قلت خلاص دفعت خلصوني وازعجوني كل شوي يسالوني دفعتوال500 مادري شسالفتهم
بعدين جت الالام الصدقيه وصرت اصرخ وابكي وادعي وكل شي هههههه
وحسيت ودي ادفع ونادو القابله وجت ركض وقالت يله ولاده قلت وين الدكتوره وقمت ادفع وحسيت الراس نزل بعدين جت الدكتوره اخيرا ومن دخلت قلت يله طلع طلع وادفع لي دفعتين هههههه حلوه دفعتين وتسهلت الحمدلله
وشرف سعودي اخيرا وعلى طول بدت الدكتوره خياطه وخياطتها مره ممتازه وسالتها سويتي تجميلي قالت ايوه ضوقت لك شوي وارتحت لاني مابي تضويق كثير لاني سويته قبل واتعبني بالنفاس مره
واخيراعندي لكم بعض النصايح من تجربتي
1-اهم شي ورد الولاده احرصو عليه مره انامن دخلت التاسع لحد يوم الولاده وانا اقراه بمويه واشربه وامسح على بطني
2-كثري من اكل التمر
3-الدعاءثم الدعاء ثم الدعاءطول الوقت وبالسجود خاصة
4-توكلي على الله وثقي ان الله بيسهلك امورك ولاتخافين ابدا
5-لاتصدقين كلام الناس الولاده تساهيل من رب العالمين لا من المستشفى الفلاني ولا من الدكتوره الفلانيه
6-لاتاكلون الخرابيط اللي يقولون تسهل الولاده انا مااكلت غير التمر حتى المشي مامشيت وتسهلت ولادتي من الله احمده على فضله
7-تصدقي قبل الولاده بنية التسهيل لك وبعد الولاده شكرلله على السلامه
اسفه طولت عليكم لكن عندي كلمتين
النصايح هاذي جايبتها من هذا المنتدى اللي استفدت منه كثير حبيت اشكر جميع القائمين عليه واشكرجميع العضوات بمواضيعهم المفيده واشكر اخواتي بتجمع مواليد مارس وابريل ويونيو على تفاعلهم معي ودعائهم لي عسى الله يسهل لجميع الحوامل ويرزقهم الذريه الصالحه يارب
يله اشوفكم بقسم السمنه والنحافه وعقبال مااصير رشيقه عسل قولوامين <<<رددي ياليل ماطولك:44: