ابشركم ولدت الحمد لله (قصتي مع ملحق مهم لكل بكريه على وشك ولادة)

السلام عليكم و رحمة الله و بركاته

ابشركم يابنات الحمدلله ولدت يوم السبت الساعة 7 المغرب بتوقيت السعودية وجبت فراس الحمدلله

اباحكيكم بالتفصيل عن قصة الولادة و الطلق بالتفصيل

الحين بأبدأ لكم بالطلق (النونو نايم الله يصلحه و نستغل الوضع:hahaha: )

طبعا عارفين انه عديت عن موعد ولادتي ب 9 أيام وطلب الطبيب اعمل طلق صناعي يوم الاثنين
لكن شاء الله ويسر لي السبت .. طبعا امشي كل يوم ساعة لاني ثقلت مررررررررة ونفسيتي كانت الله المستعان ..شربت خلطة القرفة والحليب والمسمار والعسل بس والله ماناسبتني ابدا ابدا لانها قلبت بطني وعفستني عفس على الفاضي ..
المهم كل وحده تدخل الشهر التاسع تلحق على التمممممممممممر وبس والله انه مفعوله عجيب ..
انا يوم الجمعة الساعة 10 ونص بالليل صحيت من النوم لاني كنت مرهقة من المشي .. وقلت اصلي وادعي واسوي عشاء زوجي صليت .. وسويت له عشاء واستغرب ليش ماتاكلين معي قلت مالي خاطر (كانه رساله من ربي اني ماااكل ) اخذت كوب حليب وتمر .. ومن الساعة 2 الفجر حسيت بالام غريبة ماهي في الظهر لا ابدا ولا زي الدورة زي الالم عند الرحم من قدام وكان شديد ومتقارب سبحان الله فجأة وبقوة .. قمت من فراشي قلت الحق الملم بقية اغراضي في الشنطة وزوجي جالس مو مصدق قال ظهرك مايعورك ولا شفتي دم ولا موية .. قلت احس بشي فظيع مااقدر اتحمل .. صليت ودعيت وتحملت الين الساعة 4 سويت الشنطة وكملتها ولبست وشميت مر واخذت معي شوي . اتصلت على قسم الولادة قالوا تعالي نطمن عليك وعلى النونو واذا ماهو طلق ترجعين البيت:42:
وصلت وقاست الضغط والحرارة وركبت الجهاز على بطني وطلع الطلق من 25-35 والنبض حق البيبي تمام .. قالت اكشف على الرحم لقته 3 سم الحمدلله قالت لا تروحين البيت خليك عندنا مافي الا انت الحين (قلت احسن عشان تنتبهين لي ) وهي قابلة بريطانية رااااااااااااااااااااائعة يابنات مرة والله معي لحظة بلحظة من 4 الفجر الين 4 العصرمافكتني واخلاق وكلام زي العسل ..بعدين اعطتني القناع وتقول لزوجي شربها عصير وحليب فيه سكر عشان وقت الدفع عندها جهد وماقصر والله اعطتني قناع الغاز مشكلته تحسين بالالم بس بعد مايروح اللللللللللللله عالم ثاني بس افضل شي وقت الطلق النفس العميق ممتااااااز وتحملت الين الرحم صار 6 سم و بعدها ماقدرت توكلت على الله واخذت ابرة الظهر وماشاء الله الطبيب هنا يعطيها كانه يعطي بندول :22: من الاتقان والتمكن قال كل الحوامل يطلبوها فاخذتها وحنيت ظهري وقلت يالله يارب تجعلي خير فيها انا ما معي الا انت والحمد لله ركبها بسرعه واعطاني زر قال انا حاط جرعة بسيطة مفعولها ساعتين من 9 - 11 بعدها اذا اشتد الالم اضغطي الزر .. وارتحت الحمدلله وصرت اسولف مع زوجي وادعي كل لحظة انا و هو .. الساعه 12 ماعاد قدرت خف التخدير اخذت جرعه ثانية الين 3 وقف الطلق وكل شوي القابلة تجي قالت الحين باكشف على الرحم لقته خلاص 10 سم قات ولادة ..

اكمل لكم الجزء الاهم الولادة بعد ماينام النونو
دعواتكم