ابشركم ولدت بعد جهد جهيد ولي قصه في ولادتي لاتطوفكم

مساؤكم ورد وزهر
اللهم لك الحمد حمدا يليق بجلال وجهك وعظيم سلطانك هذا اولا
والله ياطويلات العمر اختكم في الله خلصت التاسع يوم 15 / 1 /1433 ورحت للدكتوره اللي كنت ابي اولد عندها ان كان يسرها ربي طبيعي وقالت بعطيكي كمان خمس ايام ورحت ورجعتلها بعد خمس ايام وقالت لي نفس الكلام مددت لي خمس ايام كمان ورجعت لها بعد خمس ايام ثانيه وقالت لي لازم تنتظرين الى ان يجيك طلق مااقدر اعطيك طلق صناعي وعتدك عمليه من اول على الاقل لو انفتح الرحم ممكن نساعدك بالطلق وكشفت علي قالت الرحم لسه مرتفع ومو مفتوح ولاشي يعني الحين صار التاريخ 25/1 يعني طوفت عشر ايام الدكتوره هذي بمستشفى خاص اسمها هدى المهم قلت لزوجي انا ماعاد فيني صبر ابي اولد خلاص مليت وخفت على الجنين بعدين رحت لمستشفى ابها العام في نفس اليوم رحت الطواري لقيت دكتور سوداني لو ان الموت مثله كان مااحد مات اثقل منه ماشفت بعد ماجلس ساعه يشوف اوراقي قال انتي مطوفه عشر ايام قلت عارفه وقلت لك من الاول قال جيبي لنا صور الاشعه حقت الاشهر الاولى وطلعت منه ورحت اخذت الاشعه ووديتها له يوم 27 / 1 ولما حسب لي قال 42 اسبوع لازم تتنومين تنومت الاربعاء والخميس الصباح جاني استشاري قال انتظري الى يوم السبت اذا ماولدتي نسوي عمليه واجلس خميس وجمعه لاطلق ولامويات ولا اي شي يدل على ولاده ولما جا يوم السبت جت دكتوره ثانيه كشفت قالت مافي امل تولدي طبيعي بنسوي لك عمليه بس يوم الثلاثاء انا جن جنوني لما سمعت يوم الثلاثاء صرخت فيها قلت انا مافيني اصبر الى يوم الثلاثاء وانا مجهزه نفسي للعمليه اليوم وصايمه من الليل المهم راحت تناقش الاطباء ووافقو على عمليتي الشاهد ان بدا و الممرضات يحضروني للعمليه جابو الروب والقصدره والمغذيات والابر واللي جابتها لي رئيسة قسم التمريض والمسوؤله عن تقويم المطبقات في المستشفى وبدات تركب لي مغذيتها تخيلو جابت مغذيه لمرضى السكر وركبتها بنت اللذين فيني وانا مافيني سكر ولاشي وجلست الين دخلت غرفة العمليات وتعالو تشوفون لما شافها دكتور التخدير وش سوا طبعا هم دكتورين واحد سعودي وواحد مصري قسم بالله شرشحها وكتب فيها تقرير طبعا لما شفت اللي صار جاني صمت وهدوء غير طبيعي وانا اصلا خوافه ولازم اسال واعترض على كل شي لكن ذيك اللحظه ماعاد قلت شي استسلمت وقلت هذي نهايتي وعلى طول خدروني وسوو العمليه طبعا هي تاخذ نصف ساعه عادة لكن جلست في العمليات ساعه وعليها وبعدين طلعوني للعنايه بس لما فقت من التخدير ماكنت مصدقه اني رجعت للحياه وبعدين سالت الممرضه قلت اش اللي صار قالت لقيو السكر مرتفع عندك واصل 220 وضربات القلب مرتفعه فسوو العمليه بسرعه واستحلفتها بالله هل صرت مريضة سكر قالت لا والله وقاست سكر لقته 96 يعني طبيعي المهم خرجت بعدها بثلاث بعد معاناه مع الطاقم التمريض اللي كل وحده افشل من الثانيه لما سالتني الدكتوره ليش تطلعين بسرعه قلت لها اخاف يجيبون العيد فيتي والله احس قصتي ولا شي قدام حالات شفتها بالمستشفى اغلبها اخطاء طبيه
اسفه على الاطاله بس جد احس اني مقهوره لاني مااشتكيت هذي المعفنه حسبي الله عليها
نسيت مااقول لكم جبت ولد وسميته وسام الله يصلحه ويرزقني بره مع اخوانه
صدقوني من اللي صار قررت اني مااحمل مره ثانيه من غير شر