ابشركم ولدت روح آفله اخيرا وقصه الولاده

السلام عليكم


الحمد لله على نعمه التى لاتعد ولاتحصى وماشاء الله لاقوه الا بالله


ابشركم ولدت يوم الخميس الساعه 2 باليل بعد ماقربت اخلص التاسع كان باقي لي يومين واخلصه

والحمد لله اولا واخيرا جبت ولد الله يحفظه لي ولابوه يارب ماشاء الله لاقوه الا بالله

طبعا بحكيكم عن اكثر شي يهم الوحده لما تعرف انها حامل الي هو جنس النونو اول ماعرفت سويت كم تجربه ماراح انكر كل التجااااااااااااااارب


كانت نتيجتها صحيحه فعلا ماعاد وحده الي هي الجدول الصيني وماكنت اعرف انها حرام الوحيده قالت بنت


اما باقي التجارب من البول وانتم بكرامه والملح والسلسله والبطن والاحلام والحركه كانت ولد والسونار كمان

نجي للولاده من نص الشهر السابع كان يجيني تحجر ومغص طلق وقالت الدكتوره يساعد الرحم للولاده


قلت عساه خير واولد بدر ي :32: وكمل والثامن كذا تحجر ومغص والتاسع :06: مغووووووص والالم بالمبايض

وطلق بس ماكان منتظم وعلى فكره ماخليت شي الا وشربته

خلطه الحليب مع زيت السمسم مويه زمزم بالزعفران عسل وحبه سودا ع الريق وحلبه


مرره ويانسون ومشي وكل شي ولا جاب نتيجه


وجلس الحال كما هو عليه لحد مادخلت الاسبوع 39 وليلتها ماقدرت انام الطلق كان اشد وتقريبا مستمر فصحيت زوجي الصباح ورحت للدكتوره كان يوم السبت كشفت لقيت الرحم مفتوح 2 سم قالت روحي امشي واذا زاد الالم تعالي


قلت فرج الله قريب على كذا قربت وامشي واشرب بهالخلطات ولا في فايده لييييين يوم الخميس طبعا طول هالاسبوع طلوووق لاتووصف ونفسيه زفت من الالام ولما صحيت الخميس لقيت السداده مع دم نزلت


صحيت زوجي <--- جبت له الرعب هههههههههههههههه ويالله ع الدكتوره كنت احسب ولاده


كشفت قالت لسى 2 وشوي بس انتي اليوم ولاده هذي علامات ولاده ولاني مسويه قيصري قبل قالت ماقدر اعطيك طلق صناعي لازم تعتمدي على نفسك روحي رتبي امورك وان شاء الله اليوم تكوني والده :06:


خرجت من عندها رحت ع البيت تحممت وشربت يانسون في الم بس مو متواصل وزوجي عندي طفش يبغى الفكه ويولدني اخذني على مستشفى الالماني طبعا اول مره اروح له كان الساعه 6 المغرب جات الدكتوره وقلت لها نزلت

السداده واليوم شافتني دكتوره وتقول لسى 2 قالت طيب اشوفك انا :06:


وكشفت لقيته 3 توووه يعني قالت انا ماقدر اسوي شي لك عشان العمليه ادخلك تنامي بس ونتابعك :06: يارب رحمتك وهالطلوق الي ذبحتي والرحم لسى


الموهم قالت قبل ماتطلعي بسوي لك تخطيط للطلق ونشوف سوت تخطيط بعد نص ساعه جات


قالت مافي طلعه لازم تنويم ولاااااااااااااااااده الطلوق كثيره ومستمره وهذي خطر على الرحم

دخلتني غرفه الانتظار الساعه 8 يمكن من حطوني ع السرير وانا اطلب ابره مسكنه للالم لانه عذاب ماعطتني هي الا الساعه 9 ولما اخذتها حسيت اني بنام والطلق خف شوي وجلست كذا جات كفت لسى 3 ونص

على 12 راح مفعول الابره وانا اصرخ واطالب ابره ثانيه رفضت قالت البيبي نام وطلقك خف لما اخذتيها واترجى واحاول فيها رفضت

والله حتى العمليه طلبتهم يسوون لي وارتاح من هالالام بس مافي فايده وجاتني رجفه فضيعه وكشفت على 12 لسى الرحم 4 كم ساعه والرحم مو راضي مدري وش صار


خلوني بدون مسكنات والطلق يزيد لين الساعه 1 جات قاست قالت 6 وبتفتح المويه واخذوني لغرفه الولاده :06:


وفتحت المويه هناك والرحم فتح على 7 وخلاص وقف ماصار يفتح

وانا اصرخ ابغى عمليه وارتاااااااااااااح


نادو دكتور للتخدير وانا احسبه للعمليه يسالوني متى أكلتي من الظهر ما اكلت شي

ونصيحه لاتروحو وانتو ما أكلتو لانه بعدين وقت الدفع ماصار عندي قوه حتى الدكتوره تقول ماعندك قوه نهائيا شكلك ماكلتيش حاجه

وجات الدكتور حط زي الكمام على فمي ويقولو اشفطي عشان البيبي يضحكو عليا :D


وانا شفط واروح بعالم ثاني وجسمي يثقل وحالتي حاله صار يجي الم الطلقه فضيييييييييع احسبه الراس بينزل

والدكتوره طلعت توسع لي بيدها وتشجعني برافو ايوووه وانا معاهم ومو معاهم ياشين هالاحساس

وبرضو نفس الحركه يمكن سوتها 4 مرات شفت المووت فيهااااااااااا وانا كل هذا احسبه الراس واسالهم خلااااص


يقولو لا بااقي

اخر طلقه قالت الطلقه الي بعدها دفي بقوه عشان ينزل الراس وحاولت والحمد لله نزل طبعا حسيت ان روحي نزلت مني لكن ماسمعت صوته ولا حسيت فيهم لما قصو السر والمشيمه ولا ادري عن شي


بعدين صحوني واسال وقالو خلاص ولدتي وفرحانين الممرضات يقولون الحمد لله مافي عمليه


وخلو ولدي بالحضانه ساعه من غير ملابس لاني نسيتها بالسياره صار مزكم ويعاطس ياقلبووو يانااث :04:


انا بسأل بنات هالولاده مرت عليكم قبل انا اول مره تمر علي اعرف انهم يخلوني لما يفتح الرحم لوحده وبس لما يصير عشره يجون ويساعدون عشان الراس


لكن هذي مدري الي سوته صح او غلط يعني استعجلت علي وتبغى الفكه او ان الرحم عندي خلاص ماعاد يفتح

ولاتقدر تعطيني طلق صناعي


انا مدري ادعي لها او ادعي عليها :06:


امي تقول الي سوته زين لان الرحم توقف عندي وهذا خطر وكان احتمال ولادتي عمليه لو ماسوت كذا


ياليت الي مرت عليها مثل حالتي تجاوبني