ابشركم ولدت@@قصة ولادتي

السلام عليكم ورحمة الله وبركاته
بحمد من الله ونعمة قبل عشرين يوم ربي رزقني ببنوته قمرررررر بس صغنوووووووووونه الله يصلحها ويخليها لي وينفع بها الاسلام والمسلمين ويستر عليها دنيا واخره يارب


ياطويلات العمر قصتي بدت العصر كنت جالسه ارتب الغسيل واغسل واشيل واحط بهالملابس المهم حسيت بحاجه نزلت معاي يوم رحت اشوف واثرها دم مع مويه الطفل بس خفيف مو كثير انصدمت طبعا وجلست مسطله وبنفس الوقت فرحت لاني اخذه من العاشر اكثر من اسبوع المهم هذاك اليوم انا كان لي موعد في المستشفى الساعه 7 ونص مستشفى الحبيب المهم كانت معي الام بس بسيطع بس كان جسمي كنه مرهق كني مافيني حيل لشي ولا لي خلق
المهم مستشفى الحبيب طبعهم انه اذا جت الوحده مراجعه طبعا في التاسع يسوون لها كل مره تحليل بول قبل تدخل على الدكتوره والنتيجه فوريه توصل الطبيبه على الكمبيوتر المهم دخلت على الدكتوره واثرها توزع ابتسامات قالت للحين ما ولدتي وتضحك قلت مدري شكلي بولد قالت يله بكشف قلت يله كنت مستسلمه المهم كشفت وقالت 2 سنتي مفتوح بسوي لك تحريض عقب هاللي سوته بدا معاي الطلق بس على خفيف
قالت روحي للبيت وقبلها مري الصيدليه واشتري زيت خروع سويت مثل ما قالت ورحت البيت وشربت الخروع مع عصير كوكتيل نص القاروره شربتها وكانت الساعه تقريبا 10 بالليل ماصارت 11 الا بدا مفعول الخروع مشى بطني حيييييل وماغص والطلق بدا ينتظم كل ربع ساعه يمغصني بقوووووووه ويروح جاء زوجي على الساعه 12 يقول هاه وش صار عليك قلت له اني خلاص تعبت قال اوديك قلت لا اصبر مسويه نفسي قووويه
يوم جت الساعه 1 ونص صرت خلااااااااااص تعبانه على الاخر قلت لزوجي يله ودني ما اقدر اتحمل المهم رحنا ودينا ولدي لاهلي وطيران عالمستشفى وصلتهم طبعا كشفت قالت خمسه سنتي يله غرفه ولاده ودوني هناك وركبو جهاز النبض وغيرت ملابسي ونمت على السرير وجابو لي كتاب ادعيه قالو يله اذا حسيتي بدفع رني جرس وكل شوي يجوني هاه وش صار وانا اتألم وابكي وادعي بس ماكنت احس بدفع ابدا بس طلق عذبني مررررررره يوم صار الفجر حدود الساعه 4 جو كل استشاريات الحبيب فوق راسي وكلهن كشفن وكلهن قالن قيصريه اخر الوقت من كثر ما يكشفون صرت ما اصارخ بس ابكي واون وكنت مييييييييته برد وقلبي يرجف من الالم والبرد اخر شي قالو ابصمي عمليه قلت هاتو اهم شي بنتي ما يجيها شي لانه قلبها مسكينه بدأ يضعف وفووووق ما نزلت بالحوض
بعد كذا قالو لازم زوجك يوافق قلت ميخالف كلموه مهب قايل شي انا موافقه يله المهم طلعت الجوال وجابو رقمه واتصلو عليه عندي فوق راسي وانا ابكي واصارخ واقول بسرعه تكفووووون بمووووت وزوجي ياحرام على التليفون روعوه مسيكين المهم يوم صارت الساعه خمس الاربع دخلوني العمليات وجبت احلى بنوته بالعالم فديت عمرها

صحيت الساعه 7 الصبح علطول ودوني غرفتي وعلطول دخل علي زوجي لانهم قايلين له تعال بعد ساعتين المهم يوم شفته وانا انفجر وابدا صياح وصوتي مبحوووووووح ومخنوق من اثر البنج وكنت ارتجف بردانه وفيني شرهه العالم كلها المهم بعدها حسيت ان قلبي يدق بسرعه وبديت اتصبب عرق واشوف لمبات الغرفه كنها بتطيح علي وارتجف بردانه وبنفس الوقت اتصبب عرق وزوجي يصوت اسمعه بس ما اشوفه يقول يادكتووووره ياسستر ويناديني وصوته يبعد شوي وشوي احسه بيفجر راسي وكنه بيبكي يعني صوت الشخص اذا صار خايف ومافي كلمه حلوه الا ماقالها اول مره يقول هالكلام اااااه اااااه المهم بعدها صحيت على الساعه تسع واثر المستشفى كلهم عندي خخخخخخخخخخخخخخ بغيت اورطهم فيني يوم فتحت واثر زوجي عندي مسيكين يقول الحمدلله الحمدلله سلامتك يا ام عيالي قرت عيني وتدمع عيونه مسيكين يوووووه يازين هالكلمه زيناه عجزت انساها
المهم اللي صار لي هذا كان بسبب فقر الدم والنزيف اللي صار لي اثناء العمليه سلمني الله لعيالي ياربي لك الحم على النعمه


المهم جلست عندهم بالمستشفى اسبوع وطلعت ياربي لك الحمد والشكر :27:
وسلااااااااااااامتكم وعقبال كل الحوامل ربي يفرجها عليهم ياحي ياقيوم