ابشركم ولدت قصه ولادتي

السلام عليكم ورحمه الله وبركاته 
يسعد مساكم وصباحكم 
حبيت اقوولكم قصه ولادتي يمكن افيد وحده منكم بشي  
انا عندي 3اطفال وهذي ولادتي الرابعه من دخلت التاسع مامشيت كثير كنت كسلانه بشكل فضيع وبس احاتي وافكر في الولاده وخايفه لان ولادتي الي قبل تعسرت يومين وطلق صناعي لين طلعت عيني المهم اني من دخلت شهري وانا ساكته وفيني حاله اكتئاب ولا شربت شي يحرض على ولاده ولا مشي وكنت متوقعه اني بولد في موعدي او بعده وجتني حراره يومين وانا على الفيفادول بعد ماخذت اسبوعين من الناسع وانا عند اهلي وفي هاليومين كنت احس بتحجر والحركه غريبه ومؤلمه من تحت وبطني نزل لكن ماكنت ملاحظه من الصخونه ومطنشه عجزت انام من الم نفس الدوره لكن بعيد مرات كل ساعه مرات ساعتين قلت تساليف ولاده حاولت انام طول اليل اتقلب في الصباح فجاه صار ورا بعض تقريبا كل نص ساعه وانا مطنشه قعدت اراسل صديقتي واتس قلت لها ادعيلي تعبت من الصخونه وقفلنا وانسدحت بنام الا اسمع ذيك الطقه وينكب الماي واقوم واغير واروح مستشفى الولاده والا طفال في الدمام مع ابوي واختي لان زوجي مسافر وانا كنت والده قبل في العسكري حق قاعده الملك عبدالعزيز وكان روعه بس  ابوي قال دام المستشفى ذا قريب والناس تمدحه نروح له لان العسكري يبغالي 20 دقيقه على الاقل توكلت على الله ورحنا اول مادخلت انصدمت  من الممرضات كلهم شيعيات خفت لكن كانت معاملتهم زينه وبعضهم نظراتها ماعجبتني بس كنت في حاله ماتسمح اطلع الطلق صار ورا بعض كشفت علي قالت 6سانتي خلاص فرحت شكرت الله وكنت ولأول مره كل ماجات طلقه اخذت شهيق وزفير وصدق خفف الألم قريتها هنا هالمعلومه طلعوني اول مادخلت الكشك قعدت اطالع مافي كمام البنج الاسود طلبته قالت زين شوي نجيبه طلبت مسكن قالت خلاص انتي ولاده مافي قعدت اترجاها وااطلق يزيد مافي مطنشه قعدت تاخذ مني دم عرفت انهم مابيعطوني شي نسيت كل شي والاذكار بس صرت اردد يارب هون علي والله الذي لا اله الا هو اني حسيت فجاه براس بيطلع صرخت عليهم البيبي بيطلع قالت القابله لا باقي وفتحت رجولي وفجاه تجمعو علي يمكن خمس كلهم سعوديات شيعيات ماعدا وحده لهجتها جنوببه وصارو يقولون نشوف الشعر ادفعي والممرضه الجنوبيه تمسح على بطني وتقرا علي ربي يجزاها الجنه كم دفعه طلعت بنتي بسلامه الحمدلله بعدها انصدمت مافي خياطه قلت ليه قالو مايحتاج ضاق صدري وحتى الي بجنبي في الغرفه هذي ولادتها الثانيه ماسوو لها خياطه ولايعطون مسكن وكنت اسمع صراخ الحريم وهم يترجونهم والحين لي 5 ايام واحاتي سالفه هالخياطه 
ادري طولت عليكم دعوانكم لعيالي بلهدايه والله يجعلهم ذريه صالحه