ابشركم ولدت والحمد لله........وعقبالكم يارب......(قصة ولادتي بالتفصيل الممل)

بفضل ومنه ولدت والحمد لله بمولولود ذكر (حمووووودي)..........

الله يحفظه لي ويحفظ اخووه ويقوم جميع الحوامل بصحه وسلامه ويرزق كل محرومه بالذريه الصالحه يارب...

واليكم قصة ولادتي ......

طبعا احي اولا بنات ملف حوامل فبراير ويناير ومارس لاني طفشتهم من كثر مااخبرهم بالطلق اللي عندي وماصارت ولاده ....

من بداية التاسع وانا يجيني طلق يستمر ساعه واحيانا اكثر من ساعه بس طلق خفيف يمديني ارتب البيت او اسوي اي شغله واذا نمت وقمت يروح على طوول ...
المهم استمر الوضع كذا اكثر من ثلاث اسابيع والدكتوره تقول طبيعي هذي تقلصات من حركت البيبي
طنشت الموضوع وكنت بس اكثر المشي يوميا امشي ساعه متواصله بالمجمعات تعرفووون ايام برد مافي كورنيش:)...ويوم الثلاثاء جاني طلق زي كل مره وكان متواصل صار له ساعه وزجي يسالني فيه ولاده اقووول مدري لسى طلق طبيعي قال ترى عندي مشوار ويمكن اتاخر ايش رايك اوديكي عند الدكتوره قلت ليه مافي شي قووي قال لاني بتاخر واخاف اتاخر عليكي قلت خلاص نودي ابني الاول عند عمتي ونروح نشوووف الدكتوره ايش تقووول ...وفي الوقت نفسه دقت علي خويتي وقاعده امزح معها وقلت مع السلامه بروح اولد وتقول ليييييه فيكي طلق قلت طلق عادي ...قالت كم بين كل طلق ....قلت تصدقي مدري:)...قالت ليه ماتحسبي:mad:...وانا اسولف معاها كل ماجا فيني طلق اقووول اللحين في طلق وحسبنا طلع الطلق يجي كل ثلث ساعه بس كان خفيف يعني اقدر اطنشه لدرجه قعدت اسولف معاها اكثر من ساعه قلت لها خلاص بروح عند الدكتوره واشوف ايش بتقوول واحنا في الطريق اعده امزح انا وزوجي واضحك ويقوول غريبه ايش فيكي مو متالمه زي ولادتك الاولى رجيتينا بصوتك...قلت لاني لسى ببداية الطلق...
رحت عند الدكتوره وكان عندها زحمه قلت للمرضه عندي حالة ولاده ؟؟؟قالت طلق قوي ضروري الدكتوره...بغيت اقلها لا خفيف بس قلت مادام انا بالمستشفى خلوني ادخل ...بعدين دخلت فحصت علي قلت اللحين شكلي 2سم وبترجعني البيت ..لان بولادتي الاولى كنت ميته الم وطلع عندي الرحم مفتوووح 3سم بس بغيت انجن ...
لما فحصت تتوقعوا كم طلع عندي ...قالت ما شاء الله الرحم مفتووح 6سم عاد انا :ohmy: شقت وشو 6سم مافيني طلق...
الا بسرعه تنادي زوجي واشوفه يكتب ويوقع على اوراق الولاده ...
خلاص بعدها مت خووف قاعده داخلي اقوول ياناس مافيني طلق ايش فيكم ...
وبالمرر لغرفة الولاده مسكت زوجي وخايفه واقوول مافيني طلق يلا نرجع البيت وهو يضحك علي للحين وانا مو مصدقه اشوف الناس مرتبكه حولي وانا خلاص مصدوومه :surprised
وصلت غرفة الولاده جات القابله وفتحت كيس الموي وقالت ماشاء الله موي الرحم كثييير وانا خلاص من الخووف ماصار عنديولاطاقه وارجولي ترجف وكمان زاد خوفي لما سالتها راس الجنين تحت قالت لا بس انشاء الله يصير خير وقت الولاده بعدها تذكرت الولاده القيصريه وطول هذي الفتره ناسيه الطلق تذكرت ان ماعندي طلق شديد خوفت يسووا لي طلق صناعي خلاص بعدها اسودت الدنيا بوجهي قعدت ادعي :
(اللهم اني لا اسالك رد القضاء ولاكني اسالك الطف فيه).... واقرا اية (فجأها المخاض الى جذع النخله قالت ياليتني مت قبل هذا وكنت نسيا منسيا فناداها من تحتها الا تحزني قد جعل ربك تحتك سريا)...

جات الدكتوره وكشفت قالت ماشاء الله المويه لسى كثير وقعدت تطلعه وبعدين قعدت تسالني كم عندك اولاد ولاتخافي وانشاء الله خيير وقعدنا نمزح وتخيلوا طووول هالفتره وانا لسى بنفس الطلق الخفيف..
بعدين فجاه واحنا نسولف قامت فجاه وقالت ماشاء الله الراس باين واشوف كل الممرضات جواا وبداووا يجهزوا السرير للولاده والمعداات وانا مصدووومه اي راس اي ولاده لسى ماعندي طلق وخفت قلت ليكوون بسووا ولاده قيصريه وتقووول الدكتوره لو حسيتي بشد دفي لتحت اقول مااحس بشي ياناس افهموا ...خلاص من كثر الخوف حسيت نفسي مشلوله ماني قادره افكر او استوعب ايش اللي صاير بعدين اسمعهم يصارخوا ايوه شدي الراس باين وانا ادف ومن كثر ما انا اعصابي منهاره ماقدرت اشد واحس بتعب فضيع خاصه وانا عانيت بحملي بفقر الدم وكنت اخذ ابر وتذكرت امي الله يحفظها لي تقوول ضروري الوحده تكوون قويه على الاقل عشان تقدر تدفع البيبي... كنت احاول اشد وماني قادره واسمعهم بس يصارخووا ولسى اقول لهم ماني حاسه بشد يدفع لتحت والدكتوره تصارخ تقووول ساعدي الطفل عشان يطلع بيعدين اسمعه تصارخ يله الراس طلع وتقول شدي اذا جاء الطلق وانا اقووول اي طلق ماني حاسه بشي وتقول يله في شد دفي..وانا بس اسمع كلامها من الخووف واشد بعدين خلاص حسيت ان الراس بدا يطلع وقالت لاتوقفي الشد عشان الطفل يطلع بسرعه لايختنق بس من كثر ما اعصابي منهاره ماقدرت خلاص وشوي واصيح بعدين شفت المشرط معااها واخذت توسع لين طلع الراس بعدين بصعوووبه لين طلع الحمد لله :04: بس طلع ازرق مرررره لانه تاخر لما طلع خلاص شفت الموووت بعدها وحسيييت نفسي بعدها دايخه كاني موبالدنيا من التعب وخلاص الطاقه عندي منعدمه لدرجه وهي تخيط كنت احس بكل غرزة ابره وقلت لها عطتني كمام عشان اتخدر وتقووول تنفسي بقوووه عشان تحصلي الاكسوجين والله يابنات من شدت التعب كنت ادمع واقول مااقدر خلاص انعدمت عندي الطاقه :06:واحاول اتنفس بقوووه بس من الالم احس يخفف عني شوووي ...
وبعد معاناه اخرى مع عملية التنظيف انتهت الولاده على خيييييييير بس خلاص بعد تعب وجهد..:icon28:
لاكن الحمد لله على كل حال كانت الولاده بتكووون ميسره بس من شدة الخوووف انا اربكت نفسي الولاده يبغالها اعصاب مسترخيه وجسم صحي عشان كذا انتبهوا يابنات ونصيحه مني تهتموا بغذائكم فترة الحمل .........
بعد الولاده اتصلت على صديقتي وبشرتها بولادتي وقلت لها ولدت على نفس الطلق اللي حسبتيلي مازاد علي ...لماسالت الدكتوره قالت ان الموي اللي بالرحم هي اللي خلت الطلق بارد عشان كذا اول ماينشق كي الرحم يبدا الطلق يحمى بسرعه ...واقول لاي وحده بالتاسع لسى مالف راس ابنها لتحت لاتخاف انا بغرفة الولاده ومالف الا وقت الولاده مثل ماخفت وخليت الولاده تتعسر...
وابشركم يابنات والله اني دعيت لكم بس خصيت بنات الملف (يناير وفبراير ومارس)...وخصيت بالدعووه كمان الاخت لانها وصتني بالدعووه لها
ودعييت لكل محروومه ان الله يرزقها بالذريه الصالحه ..ويسهل على كل حامل حملها ولادتها ...
كان ودي ادعي اكثر بس من شدة الخوف والالم والارتباك ماقدرت اركز على شي كان تركزي على تعاليم الدكتووره.........
ادري طولت عليكم بقصة ولادتي بس يله تسلوا ايش وراكم يمكن وحده فيكم تتاثر بالولاده وتولد :)