نبع الفرح2 @nbaa_alfrh2

عضوة نشيطة

ابشركم ولدت واللي عندها صبر تدخل عشان تقرأ مأساتي بالولاده حسبي الله ونعم الوكيل

السلام عليكم و رحمة الله وبركاته

ولله الحمد وكما وضح من الموضوع ولدت بيوم الاربعاء بتاريخ 26-6 لكن بتكلم لكم عن المعاناة اللي شفتها بالمستشفى العسكري بالرياض وكثير من اللي معاي ابتلوا بالاخطاء الطبيه ولكن وعسى ان تكرهوا شي وهو خير لكم بالبدايه راح اطييييييييل عليكم كثير بالكلام وبتكلم لكم عن اللي صار لي فيه حبه حبه ثمان ايام بالتمام اولا رحت لموعد متابعه بتاريخ 23-6 وهذا هو الموعد المتوقع للولاده لما دخلت عالدكتوره قالت بحكم انك الولاده الاولى قيصري وماعندك اي مشاكل اضطر اني ادخلك الولاده اليوم وبحاول فيك عشان عندي سكر حمل ويتضخم الطفل بالتاسع واخاف يكبر حجمه بزياده وما تقدري تطلعيه روحي البيت وجهزي اغراض البيبي وراح يجيكي اتصال من المستشفى اذا توفر سرير رحت للبيت واستخرت وتوكلت على الله ونمت وجاني التصال الساعه السابعه المغرب رحت للمستشفى ودخلوني تنويم ومن بكرى دخلت الملاحظه وقالوا فاتح واحد سنتمتر وتخطيط وحاله وازعاج وغرفه مزحومه ودور ولاده كامل مافيه الا حمام واحد واذا دخلته تعالي شوفي انواع القذاره وانتوا بكرامه لكن ماينلامون الحريم تعبانات الشرهه على عاملات هالنظافه اللي يبغون رواتب عالفاضي ولايبون المكان يتوسخ ناديت احد العاملات وقلتلها تعالي نظفي الحمام وسخ زعلت وتنافخ لاا وتقول تخيلوا ريحه خااااايس قلت طيب تعرفين رئيس قسم الولاده تراه قريبي وانا بس بخوفها لا اعرفه ولاهم يحزنون خافت وصارت تركض وراي تبغين مناديل وكل شوي تنظف لانها تدري انها غلطانه المهم جاتني الدكتوره وفحصتني اااااااااااااه بس عالالم ومافيه دكتورة نساء الا دست فيني الله يعوضني الاجر قالت بحط لكي تحميله تفتح الرحم وحطتها وتعبت من الالام لكن مافتح الا سانتي واحد ومن بكرى تحميله ثانيه ومافتح الا سانتي واحد بعد يعني صار 3 بس قالت بدخلك الولاده الان وبحاول افتحه لكي من خلاال الفحص صراخ وحاله مايعلم فيها الا الله دخلت الولاده وحطة التخطيط وقعدة يوم وطلعوني للملاحظه عشان الزحمة دخلوني مره ثانيه من بكرى وبداء الطلق حاااااااامي وحار وقلت ان شاء الله ربي بيسر اليوم جتني سستر مااقول الا حسبي الله ونعم الوكيل عليها قالت الدكتوره بحاول اشق لكي الكيس وبحط لكي ابرة الظهر عشان ماتحسي بالام توكلت على الله وكنت مستخيره قبلها وجاء الدكتور وحطها فيني وقالت بحط لكي زياده اخاف تطولين بالولاده وينتهي مفعولها او انك تحتاجين قيصري وانتي تبينه بنج موضعي وبدت المأسااااااة حطها الدكتور لي وطلع وراح الالم وبديت ما احس بالفحص قالت السستر لفي عاليسار عشان نشوف لنبض الطفل ونتابع حالته لفتني عاليسار وحطت تحتي فوطه وشكلها حركة الابره وفقدت البنج وبدت الالام تزيد وحطت لي طلق صناعي وتعرفونه شلون يكون حامي وحار بالذات بالظهر قلتلها جيبي ثلج زحطيه على رجولي حطته وحسيت فيه قلتها يابنت الناس انا قاعده احس فيه نادي دكتور البنج قالت لا عنده عمليه بعدين يجي واصلا ماتحسين فيه حيل كنها هي اللي تحس بالألم وبغيت اموت من التعب جلست لي تقريبا ساعتين وقعدت استخدم الاكسجين عشان يخفف علي دخلت علي الدكتوره وفحصت وقالت خلااص بنوديكي قيصري بكيت باعلى صوتي لانها فرصتي هذي طبيعي والا كل ولادتي قيصري لكن الحمد لله على كل حال جهزوا كل شي وقالوا صيري عالسرير الثاني فلزقت لزقة الظهر عالبلاستك اللي تحت ويقولوا لي قومي تحركت وتحركت الابره بزياده حسبي الله عليهم قالوا بنزيد كمية البنج والابره متحركه عن الموضع والله العظيم اني احس فيها بارده بالظهر تمشي ويتوقف بين الاكتاف ورجولي خفيفه ولا احس بتنميل ولا شي شلون لو مادققت وقلت لهم كان ولدوني بدون بنج بالعمليه دخلت الغرفه وقالت خلاص بنج كاااااامل لانك ما استجبتي يعني تخدير مرتين وهذا خطر جدا لاسمح الله يمكن غيبوبه بعدها جبت ولدي تقريبا الساعه11 الساعه 2 صحيت شوي وودوني الملاحظه جتني السستر ولبستني شراب ضييييق مررره عشان الجلطه وقالت لي قومي بغير الشرشف اللي تحتك وسخ تخيلوا قلتلها وخروها عني خلوها تروح قالت وحده ثانيه سعوديه بحركه بيدها زي قولت اتركيها وطلعت بغيت اموت من القهر حسبي الله عليهم وظلت قاعده عندي الفلبينيه الكلبه وتقول ارفعي وسوي كني مافيني الا العافيه لكن الله حسيبهم جات الساعه السابعه وجاتني الدكتور قالت جاكي ولد لكن خوفتينا عليكي كثير جاكي نزيف شديد وقت العمليه لكن ماقلت ايش السبب باخر يوم قبل لاطلع قالت دكتوره ثانيه ان اثناء العمليه قطعوا عرق بالرحم لكن ان شاء الله ماتخافي مو عرق اساسي ضاااااااااقت بي الدنيا من كل صوب حسبي الله عليهم المهم لازم يتبرعون اربع اشخاص لأن حطيناه لكي بحاله طارئه هذا همهم طلعت الملاحظه المتوسطه من بكرى وماصحصحت زين الا الساعه 12 الظهر وبعدها ضروري لازم اقوم ساعدتني احدهم بس لما قمت زي الصنبور من تحتي دم تقول عشانك منسدحه طبعا من غير قارورتين قصدره للدم وقصدرة وانتوا بكرامه البول شالت القصدره حقت البول وقالت حاولي تروحي الحمام من بكرى قالوا روحي ملاحظه ثانيه على اساس يتابعوا الضغط باستمرار رحت يم الغرفه الا التنويم رعايه اكثر غرفه فيها 6 سراير ومافيها حمام تروحي لغرفه ثانيه اذا بغيتيه جهاز الحراره خربان الضغط مرمي عالارض وواحد ثاني مقطوع بذمتكم هذي ملاحظه والسسترات بالموت تجي الوحده على بال ماتسوي لكي اللي تبين المهم من بكرى جاتني السستر وقالت الدكتور يقول لازم نشيل قصدرة دم وحده لانك ما تحتاجينها وانا اشوف الليات اللي يمين ويسار لكن ماعندي اي خلفيه عنها جتني ذيك السستر الله لا يوفقها وبدت تشيل اللزق وتعقم المكان وسحبتها سحبه قوووووووووووووويه صرخت بأعلى صوتي وقسم بالله انها بلاستك طول الذراع اني قلت هذا الموت ومعصبه بعد حسبي الله عليها بعد ماطلعت تألمت كثيييييييير من مكانها وحاطه اللزق على الكبس والخياطه حقت العمليه جات مشرفه اجتماعيه وقلت لهم نادوا الدكتور لازم اخذ حقي منهم المهم كلموها وشكلها بتحاول ماتبين ان فيها شي جاء بعد الظهر قالت بشيل لكي الثانيه قلت لا ياحبيبتي نادي وحده ثانيه جتني الثانيه الله يجزاها خير وشكرتها لاني ماحسيت بالالم زي الاولى وعدت على خير وقالوا بنوديك التنويم رحت التنويم والحمدلله احسن من الملاحظه وفرق لكن نسيت حاجه قبل لروح التنويم جاتني احدهم وقالت يله عشان نوديك قلتلها معليش شوزي تحت السرير وما اقدر اطلعه سحبت السرير وانا عليه وضربت فيه الطاوله حسيت ان العمليه انفتحت صرخت وقلت حرام عليكي انا قيصري ونزلت الجزمه وتكلمت بلغتهم لوحده ثانيه اثاريها تكلم اللي شالت لي القصدره ااااااااااااه بس رحت التنويم الحمد لله وبديت امشي وتحسنت شوي والسسترات تعاملهم ممتاز اللي هناك قعدت يوم ومن بكرى كتبو لي خروج جاني دكتور الاطفال وقال ان لما كنتي حامل كانت المويه عندك كثير وطفلك فيه توسع بالحالب ضاااااااااااااااااااااااااااااااقت بي الدنيا اكثر و اكثر ويارب تمد وليدي بالصحه والعافيه وراح ياخذون عليه اشعه ويقول ان شاء الله راح يكون الوضع طبيعي ويااااااااااااااارب هذا اللي يصير يارب ولدي اهم علي من نفسي وانا خايفه عليه كثير طلعت من المستشفى وركبوني عربيه واخر قراده بعد ماقعدت عليه طلعت مكسوره يعني رافعه رجولي وهي تدفني قلت ااااااااه بس ختموها بهذي بس الحمد لله على كل حال وان شاء الله مايصير شي كايد على هالمصايب اللي شفتها وصراحه بعد ماكتبت حسيت اني ارتحت شوي وعارفه اني اطلت عليكم لكن اللي مخليني استغرب ان وحده معاي جايها نزيف وحددوا لي شيل الارحام ووحده والده كمان قيصري وشالوا الطحال بالغلط والثانيه نزيف مدري ايش السبب ووحده تسمم حمل وتاركينها وتقول يقولون محتمل تكون متخلفه او معاقه ووحده ولدت طبيعي ودخلوها عمليات عشان يطلعوا المشيمه والاكثر والاكثر لكن شفت مصيبة غيرك تهون مصيبتك ولله الحمد واسفه عالاطاله لكن حبيت احد يشاركني بمأساتي

　
　
وشكرا

　
نبع الفرح2

110

يلزم عليك تسجيل الدخول أولًا لكتابة تعليق.

تسجيل دخول

مهاااويA • 15 سنة

الحمداللله على السلامه

&نبض قلبي& • 15 سنة

لاحول ولاقوة الا بالله
وش هالمجزرة حسبي الله ونعم الوكيل على من ضيع الامانة وخان عمله وواجبه
الحمد لله على سلامتك والله يفرحك بسلامة ولدك

الجليله! • 15 سنة

الحمدالله على سلامتك
ومبروك البيبي ان شالله يصير بصحه وسلامه
بس ياقلبي عذبوك بالطلق الصناعي وانتي قيصريه قبل
الحمدالله ماصار لك مضاعفات

%الرااسية% • 15 سنة

باللله متى كانت دورتك
وحده مابعد ولدت وتبي تحسب

الجود 22 • 15 سنة

الحمدلله على السلامه وربي يقوم ولدك بالسلامه ويقر عينك فيه يا رب