ابشركم ولدت .. وعندي استفسارات .. ساعدوني

الحمدالله .. ولدت بالسلامه و جبت بنوته الله يجعلها من مواليد السعاده و يبلغني برها

انا ولادتي الاولى قيصريه ... و يوم اني حملت هالمره ... كان ودي اولد طبيعي

و بفضل الله ثم نصايح العضوات بالمنتدى ولدت طبيعي:27:

قصة ولادتي ...

يوم الخميس اللي راح تاريخ 30 اكتوبر كان كتب كتاب اختي .. طبعا مستحيل افوت هاللحظه .. فأصريت على زوجي الا نروح الرياض

و هو ما كان وده خاف اولد عليه بالطريق ... بس انا قلت اذا رحت الرياض و ولدت ..عادي اهلي هناك .. و اذا رجعت الخبر بالسلامه .. بولد عند دكتورتي

يوم الجمعه رجعنا ... و طول الطريق احس ببداية الالام .. بعد ما وصلنا و ارتحنا شوي .. شربت لي قرفه و طلعت بعدها الكورنيش امشي لمدة ثلث ساعه... و رجعت البيت و نمت و طول الليل احس بالالام طلق بس خفيف و المده بينهم متباعه

قعدت الصبح و فطرت مع ولدي و الساعه 2 شربت لي قرفه ...

من بعدها زاد الالام .. و من صارت الساعه 4 العصر و الالام صار كل 10 دقايق ..

صرت لما تجيني الطلقه اقعد القرفصاء و امشي بالبيت رايحه جايه.. جاء زوجي الساعه 5 و قلت له نام و اشبع نوم ترى شكلك الليله بتسهر معي ..شكلي بولد

قعدت على هالحاله و الالام يزيد و المده بينهم تقل الى الساعه 8 ونص ..

يوم صارت المده بين الالام 5 دقايق قلت لزوجي يالله نروح المستشفى و اخذت ولدي معنا .. وقلت للشغاله انا بروح المستشفى اذا دق احد لا تقولين .. و الولد باخذه معي الحين و بيرجع مع بابا و ينام معك

رحت المستشفى الساعه 9 ونص و يوم كشفت الدكتوره قالت مفتوح 5 سانتي ..:27: و يوم تطمن علي زوجي و دخلت غرفة الولاده ..رجع البيت مع ولدي .. و بعدها رجع لي المستشفى

يوم صارت الساعه 11 و نص انفتح عندي الرحم 10 سانتي و بيديت بالدفع :icon33: .. بس مو راضي البيبي يطلع لين صارت الساعه 1 .. جات الدكتوره و قالت راس البيبي مايل .. و استأذنتني يدخل الدكتور .. قلت عادي اهم شي ارتاااح

دخل الدكتور و يوم كشف قال لا بس جيبوا الشفاط

اشفطوها ومع دفعتين طلعت بنتوتي على وجهه الدنيا :04:


بس الحين الجرح مكلفني ... متى يطيب ؟؟

و كيف اتعامل معه ؟؟ امي الله يطول بعمرها اعطتني مره و زيت زيتون .. امسح عليه

ايش نصايحكم عشان يطيب بسرعه :(