ابشركم ولدت ولله الحمد والمنه

السلام عليكم

ابشركم ياااااابنات الحمد لله رزقت ببنت اسميناها ( جــــوان )

قصة ولادتي :

يوم الاثنين 27/12/1430 هــ رحت اراجع بالمستشفى ورفضت خروجي الدكتورة وكتبت لي تنويم بسبب الضغط مرتفع وعندي سكر حمل وقالت خطر على البيبي ونومت الاثنين والثلاثاء وكانوا ناويين يولدوني لاكن ماقدروا بسبب الضغط دايم مرتفع والسكر اما يرتفع او ينزل ويوم الاربعاء ولله الحمد ولدت 29 /12/1430هـ وكان التخدير كامل ويوم صحيت ارتفع الضغط والسكر انخفض لدرجه كبيره وكنت تعبانه مرة تعب عملية والاوجاع بدت تطلع كملتها الممرضة طلبت اشوف البنت لاني ماشفتها وراحت تجيبها ورجعت وقالت لي :
مادام انتي مؤمن في قضاء الله وقدرة يعني عادي يكون بيبي انت اعمى جلست ابكي ولا عرفت اتصرف واصريت انهم يجيبونها اشوفها ورفضوا لانها بقارورة وبالحضانه الخاصة بالمواليد المرضى واتصلت على اخوي لان زوجي مسافر وجاء الله يجزاه خير وبالموت دخلوه عليها لأن مو مسموح بالدخول للحضانه هذي الا الام والاب وشافها وصورها لي بدون ماينتبهون له ويوم شافها وجاني وعلمني عنها وان كلام الدكتورة صحيح ووراني مقطع الفيديو العين بيضاء كلها مايله على السماوي غير كذا ماتشوفين شيء
باليوم الثالث جاني الدكتور وقال اظن انها مياه زرقاء وسألته قلت انت شفتها قال لا جيت قبل استفسر اذا كان عندكم احد بالعايله لانه يمكن يكون وراثي والى الان ماشفتها لكن اطلعت على ملفها وانا الان رايح لها وطلع
ويوم جاء وقت الزيارة رحت لها انا ومعي ابوي والحمد لله دخلوه وشفتها والله يابنات تقولين ان اللي كان على عينها يشبه زلال البيض العين مافيها شيء نازل سبحان الله وهذا الزلال كان بسبب طيحتي قبل ولادتي بايام وموية الجنين جامده على عيونها والله يابنات لو اسجد لله الف سجدة ماكفت والحمد لله كانت العين طبيعيه ومافيها شيء من اللي قالوه والله يجزاه خير ابوي طلعها على مسؤوليته ووداها مستشفى خاص كبير ومتخصص بالعيون ( الحبيب ) وبيوم ماشاء الله عليهم سوو لها اشعه مقطعيه على الراس وتحاليل وطلعت سليمة الحمد لله والشكر لك يارب وقالت مثل ماقلت قبل بسبب موية الجنين جامده على العين والضغط والسكر كانوا مرتفعات عندي وسبب لها ضغط على العين ونصحتني ما انفزها او اهزها وهي نايمة او قايمة عشان مايضر العين

والحمد لله بنتي سليمة وانا قمت بالسلامة وان شاء الله ارجع واكتب لكم قصة ولادتي بالتفصيل لكن انا اللحين تعبانه ولي عودة ان شاء الله