ابشركم ولدت وهذي قصتي مع هبالي الي سويته

سلام للحلوات
اخبار الكروشات الله يهون عليكن مثل ماهون الله علي
ولدت الحمدلله وجبت ولد يوم الاثنين بتاريخ 11-1-1431هـ
طبعا انا كنت اعاني من ارتفاع بسيط في السكر وكانت اخر مواعيدي عند الدكتور يقرر لي تنويم واطلع على مسؤليتي
لمدة اسبوعين واخر شي وافقت وتنومت عندهم يومين وعلى طول قررو عملية مع اني رافضتها
بس غصب خلوني اوافق وقبل العملية نزل علي شوي دم مع افرازات وقلت لهم يمكن طلق ولاحد عبرني
المهم دخلوني قسم العمليات الساعة ثمان وقعدت انتظر دوري لحد الساعة عشرة ونصف
وماتخيلون كيف تحملت والله كاني بمجزرة الحريم الي عندي يدخلون غرفة العمليات صاحيات ثم تطلع
من عندي جثة يااااااااااااااالله رعب
سرير طالع وسرير داخل ياربي لك الحمد والشكر
ويوم جاءدوري دخلت واقنعتني الدكتورة بالتخدير الموضعي (النصفي)
وقالت ابرة خفيفة بالظهر وبسرعة وانتي خارجة والكلام الي يريح الله يهديها
بس يم جو يخدروني والله تعذبت يمكن خمس ابر مع الفقرات ولازم ماتحرك لانه يمكن تسبب شي بس سبحان الله
غصب الوحدة تحرك مع نغزة الابرة
هذا اول الرعب
ثم بدت الدكترة تسألني عن التنميل في رجليني قلتلها بس في رجلي اليمنى احس تنميل
قااااااااالت يانهار ابيض (بالمصري كانت مصرية) ميلت السرير على الجهة اليسرى
وانا اتنافض من الخوف
يم بدأ الدكتور قعدت اصااااارخ اقول لا لا لا تبدأ انا احس برجليني وجسمي من تحت
وهو يضحك ويقرص جسمي يقول حاسة حاجة انا لا
الي عندي بالغرفة اكثر من عشرة اشخاص من جميع الجنسيات
سعودي وسوداني ومصري وباكستاني
المهم بينهم مشكلة ويتهاوشون فوق راسي
وانا خلاص بموت جسمي صار اسود
واقول هم زعلانين على بعض وبيحطون الحرة فيني ياااااااااالله ماودي اتذكر
بدأ الدكتور يفتح بطني وانا والله احس فيه بس بدون الم يعني كانه يكتب علي بقلم>>>>> شوفو الوصف مادري كيف اوصف
وبدو يضغطون في جسمي وانا مثل الشاة الي تسلخ
واصارخ واقول ياليتني ماطلبت موضعي خدررررررروني
انا احس فيكم
واحس بيدينهم يدخلونها ببطني



ورحت فيها خخخخخخخخخخخخخخخخخخ
هذا عهدي بنفسي
دوخوني مدري خدروني مدري نوموني

ويوم صحيت اقول للدكتورة وش سويتو فيني
قالت انتي بديتي تتحركين وتشدين نفسك ونومناك >>>>>>>>بيرتاحون من صراخي
والحمدلله الشكر على العافية
الحين لي اسبوعين والدة
يوم شفت نفسي صحصحت شوي
قلت لازم اخبركم
بس ضايقني شي واحد
التكشف والعورة مايهتمون فيها ابد
هذا وانا صاحية مااقول الا عسى الله يعفي عنا ويغفر لنا



اليوم ماشاء الله طهرنا وليدي
وسمينـــــــــــــــــــــــــــاه (( بســــــــــام ))
هذي قصتي باختصار
فيه مواقف كثيرة بس هذا الي اقدر اكتبه
اعذروني على الاطالة وكثرة الهرررج
ولاتخافون كل وحدة اكيد تختلف عن الثانية
بس نصيحة لاتطلبون تخدير موضعي لان الغرفة رعب كيف وانتي صاحية فيها طول الوقت
انا تووووووبة جربت المضعي وجربت الكلي

الكلي ارحم يدبرون فيك وانتي ماتحسين صحيح يتعب البنج بس اررررحم من الموضعي
عقبال ماترتاح كل حامل
ويسهل عليها رب العالمين
اعذروني يمكن انسحب من هذا القسم
صاحبتكم تسعة اشهر
والحين اودعكم
بس
يمكن امر عليه
لاني حبيته
واحس مااستغني عنه
يالله
مع السلامة
الله يسهل اموركن ياااااااااااااااارب
باااااااااااااااااااي