السلام عليكم ورحمة الله وبركاته
ابشركم
انا ولدت
وجبت ولد وسميته يوسف
وهذا اول بيبي لي بعد انتظار ثلاث سنين والحمدلله
حابه اقص لكم قصة ولادتي عشان افيدكم واقولكم لاتخافون يالبكريات
ترى انا خوااااااااااااااااااافه وجبااااااااااااااااااااانه وحتى الابره امووت وادوخ منها
بس بفضل الله ثم والدتي الله يطول بعمرها يارب تشجعت وربي كان معاي لأني مانسيته حتى بوقت الولاده
وربي سهلها علي....
طبعا في يوم الخميس 15_10_2009كملت التاسع
الجمعه دخلت العاشر... وكنت جالسه بالحوش مع زوجي وامي واخوي وعيلتي كلها
طبعا زوجي جاي من الكويت عشان يخظر ولادتي
كنت شوي تعبانه بس ماكان مغص ولاطلق ولااي الم بس كانوا يقولون لي وجهك تعبان بتولدين
سوت لي امي الله يحفظها دارسين وكف مريم والبعض يسميها يد فاطمه
تمشيت بالحوش شوي... ويوم صارت الساعه 12 دخلت ونمت بس مانمت زين لأني
قلبتها مناحه تذكرت روحتي للكويت وتركي لأهلي بعد فترة الحمل اللي قضيتها معهم
المهم الساعه خمس الفجر من يوم السبت حسيت بشي ينزل معي بس خفيف
والدتي الله يحفظها محذرتني من المويات...طبعا صحيت ورحت لها قلت يمه ينزل معي شي:06:
قالت طيب بروح الدوام اوقع واجي قلت لاتبطين علي المهم وانا وقتها اروح اتسبح واقول لخواتي الله يحفظهن
جهزوا باقي الاغراض بالشنطه وجت امي الله يخليها لي وقومت زوجي وابوي ماداوم..
رجعت وشربت دارسين ويوم صارت الساعه 9 قالت امي يالله قومي
ورحت واول ماوصلت للمستشفى وسوى اجراءاتي زوجي
وتبدأ الموياااااااااات بالزياده
وماكان الرحم منفتح الا 2 فنقررررر
وانا كنت احاااااااااااااتي هالكشف اللي من تحت قالوا لي تنويم عشان المويات
وبديت اخذ ابر مضاد لاحظوا ياخواتي ترى المويات كثرتها مو زينه لازم تروحين عشان تاخدين المضاد
لأنه مو لك للبيبي عسى الله يفرح نظرتكم جميع يارب
المهم مابي اطول السالفه اكثر
تنومت وامي رافقت معي والى الساعه 10 بالليل وانا اطلق لأن الرحم مافتح معي يفتح ويسكر
لحد ماجتني فلبينيه لعبت بحسبتي وعقب قالوا لي يالله ولاده
وامي وراي لحد ماوصلت الغرفه
والله اني بغرفة الولاده كل ماغفيت تخيل لي امي بكل زاويه
ويوم طلعت من الغرفه قالت لي انها عند الباب تدعي وتقرأ لي قرآن
المهم الساعه 11 بدا الطلق يحما لأنهم ركبوا علي طلق صناعي
بعدين قالوا يالله بيبي انتي يجي
وانا اقول يالله
وحطوني عالكرسي
وشنقلت الرجلين
وقالوا شوفي اذا فيه الم ازحري كأنك بتسوين براز الله يكرمكم
قلت اوكي
وهم يقولون لي يالله يالله يالله
وانا اقول يااااااااااااااااااااااااااارب
والحمدلله 12 وعشر طلع وليدي يوسف ولله الحمد
بس اللي بوصله لكم ياخواتي
مافي بكر ماتخاف ...انا عن نفسي كنت ميته من الخوف
بس حمدلله استمريت على قراءة القرآن لحد مادخلت غرفة الولاده
والتمر
ولاتصرخووووووووووووووووووووووووووووووووووووون
ترى الصراخ ياخذ وقت وجهد
وعسى الله يسهل على كل حااااااااااااااااامل يارب
ويرزق كل محرررومه يارب العالمين
صابره لله @sabrh_llh
عضوة جديدة
هذا الموضوع مغلق.
الصفحة الأخيرة
ربي يحفظه ويخليه لك ويصلحه .. مبرووووك ويتربى في عزكم
الحمد للله على سلامتك وسلامته
ادعيلي