ابعت ولالا ..شيروا علي

خواتي البارحه صارت مشكله كتير كبيره بيني وبين زوجي انا ماراح ادخل بالتفاصيل

بس باختصار زوجي كان يشتغل شغل مؤقت وكان دوامه فيه زي الزفت لا اجازة و لا راتب ولا حتى دوام عدل كان يطلع من 2 يرجع البيت 10-11 بالليل واجازته كانت الاثنين وانا الجمعه وكنت اسكت لاني احكي رزقتنا خلاص الواحد بده يتحمل عليه مسؤوليات وبضل احسن من اعدت البيت

بعدين اشتغل شغل ثاني هداك طبعا فرق بينه وبين الشغل المؤقت زي بين السما والارض واجازته جمعه وسبت بس استمر بشغله المؤقت ما تركه يعني بضل متواصل من الصبح لل 11 بالليل متواصل من دون راحه غير نص ساعة وقت الاكل وبنحط الاكل 9 ونص بالليل(بكون غدا وعشا طبعا))

وانا عن جديد رجعت للجامعة يعني سرت اشتغل وادرس بس 3 ايام بالاسبوع وزوجي ماسك الشغلين ...يعني تخيلتوا كيف وضعنا

باختصار انا وزوجي ما بنشوف بعض غير اخر الليل ويا دوب بنكون تعبانين هلكانين مكسرين نعسانين يعني منيح انا قادرين نحرك جسمنا للسرير

الاسبوع الي راح كان بجد اسبوع جنون شغل وحركه ودوام يعني كنت استنى الجمعة يجي بفارغ الصبر بس بدي انام واريح وانا وزوجي نشوف بعض ..وكان ناوي ياخد الجمعه اجازة لانو ف ضيوف جايين لعند اهله ...بعدين الخميس بالليل بحكيلي بكره انا رايح على الشغل المؤقت ..بحكيلوا والضيوف ؟ بحكيلي اجلوا جيتهم ..انا انصدمت منه بحكيله طيب مادام ناوي تاخد اجازة خلاص خد اجازة واعد معي ...طبعا هو ما قبل..انا انصعقت بجد انصعقت بحكيلوا يعني اهلك طلبوا اجازة عطول حكيت اوكي عشان تستقبل ضيوفهم ..وانا بس طلبت اجازة بيوم اجازتي الوحيد ما قبلت؟؟ انا كتير عصبت وتنكدت يعني بحكيله شغلك مؤقت ولا منه فايده ولا من قيمتك وراح يروح كل اليوم ومش رزقه انك تتحجج زي زمان ..خلاص روح السبت وخليك معي هالجمعة انا الاسبوع الجاي كله شغل ودوام جامعه وشغل بيت وانت نفس الحاله ... يعني مش مشكله هاليوم نوعده مع بعض الا هو يوم ..يعني اذا راح لهداك الشغل راح يروح من 2 ونص الظهر يرجع 9 بالليل يغير ويرجع يطلع لعند اصحابه ..وانا بيوم اجازتي الوحيد اضل لحالي بالبيت لا عندي نت ولا عندي سياره واهلي ما بقدروا يجوا ياخدوني..يعني باليوم المفروض ارتاح فيه واغير جو راح اضل لحالي محبوسه بين اربع حيطان انظف واعزل ..عشان يرجع اسبوع جديد بضغط وشغل وهلاك..وقلبت نكد يوم الخميس ..وتوقعت الجمعه يكون اقتنع بكلامي ..الا الجمعه بشوفه بجهز حاله بده يروح انا انصعقت بجد انصعقت يعني مو فارق معه اعد معي ولالا ..مو فارق معاه بهليوم الوحيد الي بفضى فيه انو يوعد معي واعدت اعيط بجنون ..وامه اتصلت فيه حكتله لا تروح اعد مع مرتك هاليوم..وهي ما عندها علم بالي صار بينا بس ما رد على حدا ..ولبس وراح طلع ولا همه حد ولا همه اني بعيط ولا اشي..وقبل ما يطلع بحكيلي راح انهي كل شي معهم اليوم وارجع...وطبعا ما رجع غير 10 بالليل ..وقبل شوي بحكي معي بحكيلي لسه بدوا يمر عليهم اليوم يكمل شغل البارحه وينهي كل شي معهم


انا حاسه حالي كتييييييييير مجروحه ..البارحة ضليت اعيط من الظهر لاخر الليل مو مصدقه معقول هيك اهميتي عنده؟؟ بعتله لهلدرجه اهميتي عندك؟ رد بحكيلي اني اغلى اشي بحياتي ((( اغلى اشي بحياتك وطلعت وانا بعيط ..ترجيتك اضل معي يوم وطنشتني )) هيك الواحد بعمل مع اغلى البشر؟؟


بفكر هلا ابعتله مسج احكيله(( انا ما بدي اعمل مشكله ولا بدي رد منك ..بس الي صار البارحه صار جرح بقلبي ..لهلا مو مصدقه انك سبتني ابكي وما همك..ترجيتك لطلب تافه وما همك..بس انك تفضل شغله لا بتقدر ولا بتاخر ولا منها اي فايده وممكن تتاجل لاي وقت علي؟؟ هاي شغله مو قادره استوعبها ..اذا على شغله تافهه زي هيك فضلتها علي ..بكره اذا صار شي كبير شو اتوقع منك؟؟))

شو رايكم؟؟ بجد لاني لهلا مو مستوعبه الي صار البارحه لاني حسيت حالي ولا اشي بالنسبه اله ..ولا ما ابعت اشي واستنى لليوم شو راح يسير لانه بحكيلي خلاص بده يتركهم وهي البارحه ما تركهم ورايحلهم اليوم

ما بعرف ابعت ولا استنى ...لانه حتى لو تركهم انا لساتني كتير مخنوقه من موقف البارحه حسيت حالي ما بسوى اشي عنده واذا راح هالشغل جاي اي موقف وممكن ينحط بخيار بينه وبيني وراح يفضل هداك علي