ابغاكم تساعدوني 💔

كم له ؟ عندك احد مريض تو ولا متوفي

هذا الشيطان يوسوس لك علشان يخليك حزينه الى ان تمرضين صحيا ونفسيا الحياة حلوه ومره يأ ا أختي خلك نشيطه وحيويه ودائما كل صباح تفائلي وتخيلي واقع مرررا حلو واذا عندك سناب احذفيه الشعور اللي انتي فيه اكيد له سبب وضحي اكثر عن حالك ووش طموحاتك بالحياة حابه اعرف اكثر علشان نساعدك

كم عمرك


مستحيل مامنك فايده سبحان الله
ربي ماخلقك عبث ادخلي دار تحفيظ عن بعد
ولا سوي لك اشياء مفيده تعلمي لغه سوي اشياء تحبيها
اهتمي بنفسك وباأهلك مدري ليش حسيت انه من جوال وأدمانه جاك أحساس بالفراااغ
يمكن تضيعي كل وقتك فيه ويسحب طاقتك
اشربي عصيرات طبيعيه تنشطك
حاولي تاكلي اكل صحي يمكن من الأكل ماعندك طاقه
او اكتئاب صار لك من مواقف بالحياه حاولي تتخطيها ابدي صفحه بيضا مع نفسك عيشي الحياة
لو مامنك فايده كان ربي اخذ امانته بس لا اكيد في اشياء حلوه مخباه لك وامتحانات ترفع درجاتك عشان لما يجي يومك وتروحي لربي تكوني فرحانه وماتسلميه ورقه فاضيه
او دفتر فاضي لا سوي اشياء تشفع لك وتساعدك على هذي الدنيا
مااقلك الدنيا ورديه بس حاولي تصغري كل شي بعينك يصغر وتعرفي انها فانيه ف ماله داعي تزعلي على اي شي فيها الله يكتب لك الخير

هذي من اأعراض تأخر الزواج والعنوسه جاتني العام بغيت انجن بس الحمد لله انتهت على خير اكتئاب

وعليكم السلام ورحمة الله وبركاته
موضوعك السابق ماله غير شهر من كتبتيه
معقوله امداك تسوين تحاليل وتخلصين كورس فيتامينات اللي الاطباء انفسهم يقولون الفائدة تبان بعد 3 شهور !
عزيزتي كوني صريحه وواضحه مع نفسك قبل لا تكونين صريحه معنا
الشكوى بدون العمل بالاسباب ماراح تفيدك بشيء
الشكوى او الفضفضه مخدر موضعي مؤقت للتفريغ والتنفيس لكن يبقى الاساس بالداخل تالف ويحتاج اصلاح
وخير يا طير ماعندك شغف ولا انجزتي شي ؟!
ما هو لازم تنجزين ولا تسوين شي وحتى القران مو شرط تداومين عليه اذا مالك نفس ولا استطاعه الامور اسهل من التعقيد اللي انتي حاشره نفسك فيه وجالسه تتصارعين معاه
ثلاث ارباع علاجك في ( القناعه والرضا والقبول ) بما عندك وترك المقارنات
وبدال التركيز على المفقود اللي ما تمتلكينه ركزي على الموجود اللي تمتلكينه من النعم والعطايا والارزاق بكافة اشكالها وانواعها واحجامها من صحه وعافيه وسلامة الاعضاء والجسد وتوفر مأكل ومشرب ومسكن و .... الخ من النعم اللي غارقه فيها لكنك مو شايفتها ولا معطيتها اهميه من شدة تركيزك وتعلقك بالاشياء القليله الناقصه
تعلمي الرضا والقبول والتسليم لله سبحانه وتعالى
وتذكري ان الله لا يغير ما بقوم حتى يغيروا ما بأنفسهم
غيري اللي في داخلك من افكار وراح يتغير حالك للافضل
شوفي لك اهداف وهوايات وخطط اخرى غير اللي انتي حاصره نفسك فيه عقلك وتفكيرك ومشاعرك لازم تحطينها في حاجات اخرى تطلعك من التعلق اللي انتي فيه
وكوني جاده في طلب العلاج والاخذ بالاسباب واستمري عليها اقل شي ثلاثه شهور
عندك العصير الاخضر ممتاز يساعد في تزويد الجسم بالمعادن والفيتامينات وتعدل قلوية الجسم وله عدة طرق منتشره بالنت سوي اي طريقه تعجبك وتناسبك
وعندك التلبينه النبويه يمدحونها للنفسيه جربيها مانتي خسرانه شي
او اطلبي لك مكملات مفيدة من موقع آي هيرب عندهم انواع ممتازه افضل من اللي بصيدلياتنا
واكيد محد يمنعك تفضفضين لكن لا تكونين ظالمه لنفسك بنفسك وتصيرين مثل البعض نظامهم بس تشكي وما يسوي شي وتضيع اعمارهم في دراما ومسلسل احزان كان بيدهم ايقافه من بدري
انتي اقوى من كل هذا الوضع
اقبلي ضعفك لا ترفضينه ولا تتصارعين معاه قولي عاااادي اذا ما انجزت ولا سويت شي طزززز
اهم شي انك تهتمين بتغذيتك حالياً وتريحين دماغك من الصراع والرفض وكثرة التفكير على الفاضي
لان حسب كلام الاخصائيه ريم العنزي وغيرها من الدكاتره الفاهمين ان اللي يمرون في اكتئاب هذول وصلوا لمرحلة الانهاك والاجهاد حتى غددهم اجهدت واجسامهم استنفذت المعادن والفيتامينات وماعاد فيها حيل ولا طاقه لأي شي
الحل مثل ما قلت الراحه النفسيه وايقاف الركض والتفكير والرفض والصراع لان ما منه فايده ، ويكون التركيز فقط على التغذيه وتوازن المعادن والفيتامينات اقل شي ثلاثه شهور يعني اعتبري نفسك في اجازه ونقاهه
الله يشرح صدرك ويسهل امرك ويرشدك للصواب