ابغا الحل الله يجزاكم ماتتمنون

السلام عليكم ورحمة الله وبركاته
كل عام وأنتم بخير بعد الزحمه
ياحبيباتي عندي مشكله بسيطه مع زوجي وأتمنى ألاقي عندكم حل لها لأَنِّي بصراحه عجزت معه
زوجي مدخن وللاسف يدخن بالبيت والله طفشت من الريحه والمشكله ولدي تعبان من صدره تو عمره سنه وعلى البخار أعطيه الجرعه في البيت تخيلو من يوم عمره أشهر وابوه يدخن بالبيت لين مرض الولد، مابقيت اُسلوب مااستخدمته معه،زعل ووزعلت ورفعت صوتي عليه بعد،وكلمته بالتي هي أحسن ومافاد معه ،كل مره يوعدني ويخلف وعده ،صراحه ماابغا اشتكي لأبوي ،وماعاد قدامي الا هذا الحل مره محتاره،
لا ولا يفوتكم لما كلمته أمس قالي انتي ماضربتيني مدري عنه يستهبل ولا وش قصده
تكفون الي عندها حل لاتبخل علي
اسأل الله ان يصرف قلب زوجي عن الدخان وقلب كل مدخن
والسلام عليكم ورحمة الله وبركاته