ابغا الطلاق بس خايفه على عيالي

انا متزوجه صار لي 13 سنه اكبر عيالي بنت عمرها 12 سنه و اختها 11 و ولدين 6و 5 سنوات
زوجي غثيث لسانه و يده طويله عليه وعليهم الفاظه وصخه
كل كلمه يقولها ماعنده حرام ولاعيب
بخيل الا في النادر
صرت اكره انام جنبه اغلب الايام انام مع بناتي من كثر مشاكله و استنقاصه فيني
تعبت منه اخر شي صار ضربني بسلك كهرب و خليته لين راح دوامه و رحت لاهلي
صار لي عندهم اسبوعين اكله شاربه و مرتاحه انا و عيالي
هو ما سال ولا قال شي بس لما رجع من دوامه دق على ابوي ساله حنا عنده قال ايوه ابوي قال مع السلامه
وانتهى
انا ما عاد اقدر اضغط على نفسي عشانه في الفراش وعشان تمشي حياتنا
انا موظفه الحمدلله و شايله نفسي و اولادي من زمان و مطلعه له قرض و نص اغراض البيت عليه مستشفى لي و لاولادي عليه و ملابسنا و سفراتنا هو يجمع لاهله يذبح و يعشي ويغدي كل ما تجمعو
المهم انا افكر ما عاد ارجع سوا طلق او تركني معلقه لاني اغلب ظني ما بيرصى يطلقني
فما همني اهم شي افتك من وجهه
بس اخاف على عيالي منه
داااايما اذا جات سيرة احد طلق وعياله مع امهم على طول يقولي والله لو انا مكانه لاذبحهم ولايتربون في بيوت الناس
اخاف على بناتي منه مسوي حق عرض و شهامه ما يرضى بناته يتربون برى بيته
مين مرت بظروفي تشور عليه
انا الحمدلله ذالفتره مرتاحه انا واولادي منه ومن حياته
حتى ما احد سال عنه لانهم شافوه يضربني و اذا سالتهم نروح لبابا قالو لااا