ابغا رايكم في حالة اختي سترجع بدون طفلتها

مساء الخير ..

والله مني عارفه من وين ابدأ..
بس ابغا رايكم الله يجزاكم خير..
اختي عندها ماشاء الله بنتين و4 اولاد ومبسووطه ولله الحمد .. حملت قبل فتره وكانت غير راغبه في الحمل بسبب انه ولدها صغير وهي قيصري المهم .. بعدين قالت يمكن يكون خير لي وكذا..
ولما وصلت لنص الشهر السادس سوو لها تصوير وقالت لها الدكتوره ماااافي مويا ابدا ولازم تجلسين تحت الملاحظه ونمو الطفل بطيئ جدا ولازم تجلسين في المستشفى تحت الملاحظه الـــــــــــــــــــــــى الولاده او الى ان تنشأ مويا بقدرة الله...
بقدرة الله اليوم حصل عندها نزيف بسيط وعملوا لها العمليه وهي في نصف الشهر الثامن.. وخرجت ولله الحمد مافيها شي..
وجابت بنت والدكتوره قالت لأمي انه البنت تنفسها جدا بيطئ:(.. وامي ما قالت لأختي هذا الكلام لأن نفسيتها جدا سيئه من جلستها في المستشفى شهر ونصف..

وقدر الله انه البنت قبل شوي توفيت .. وما قلنا لأختي خايفين عليها والله العظيم قلبي يكاد ينفطر عليها وانا مني امها..



ابغا استشيركم في تجهيز الغرفه لأختي في البيت يعني اجتهد فيها ولا لأ؟؟
نفسي مسدوده وخااايفه عليها..وهي تقربيا بقدرة الله اخر ولاده لها لأن الرحم عندها ضعيف جدا..وكنا ناويين نزين غرفة المستشفى بس لما عرفنا تراجعنا..
(( قبل اروح الحضانه واعرف الخبر .. امي كانت تكلم خالتي تبشرها بسلامتها وكانت تسأل عن الطفله وامي قالت انها في الحضانه وحالتها مو مره كويسه ...والله العظيم اختي خنقتها العبره لما سنعت هالكلام كيف لو درت ..))


اخواااتي الله يخليكم اعطوني رايكم الله يجزاكم خير ولا يكتب لكم مكروه..نصيحتكم وتوجيهكم
ودعواتكم ان الله يربط على قلبها ويخلف عليها..