انا اسويها بطريقه مره تقليديه لحم هبر مقطع صغار اغسليه وجهزيه للطبخ او دجاج مقطع صغار ربع او نص دجاجه احمسي بصله مفرومه مع زيت وأول ماتذبل أضيفي طماطتين مخلوطه في الخلاط مع ربع كاس مويه وصبيها على البصل بعد مايذبل خليها شوي تتسبك بعدين حطي ماجي مكعبين وصلصه وبهارات مسكله وفلفل اسود وكمون وكزبره وخليها شوي تتسبك بعدين حطي ملعقتين صلصه واللحم او الدجاج وجيبي الشوفان حطي ست ملاعق وحركيها مع اللحم والبصل والطماط والبهارات بعدين زيدي مويه الين نص القدر الوسط وحطي البهارات الغير مطحونة في شاش او مشخل المخصص تلقينها في العثيم او عند المحامص قولي له ابي بهارات الشوربه اللي مو مطحونة او انتي اخلطي فلفل اسود حب دارسين اعواد مسمار حب كزبره حب هيل حب ورق غار وكركم مجفف وزنجبيل مجفف وخليهم عندك في علبه وحطي مع الشوربه حبة ليمون اسود وخليه ربع ساعه على نار وسط بعدين قصري النار صغيره ساعه وبالعافية طريقه اسهل من الطريقه الاولى خذي البصل والطماط اطحني طماطم والبصل وحطيه في القدر وشغلي النار خليه يتسبك وحطي البهارات والماجي واللحم والصلصة وصبي عليهم مويه ربع القدر جيبي مويه حاره في كاس الخلاط وحطي عليها ست ملاعق شوفان واطحنيها وحطيها فوق البصل والطماط وخطي البهارات الخشنه وحبة ليمون اسود ونفس الشي خليه ربع ساعه نار وسط وبعدها قصري عليه لمدة ساعه

شربه الشوفان حق مطعم الرومانسيه
الطريـــــــــــــــــــــــــ ــــــــــــــــــــــــــــــ ـقه
قطعي البصل والطماط تقطيع صغير جدآ 0بعدين احمسيهن بشوي زيت وبهارات وملح وحطي عليهم الدجاج وقلبيهم وصبي عليهم ماء من الحنفيه يكون ماهو حار ولا بارد بعدين جيبي شوربه كويكر وحطي نص كاس وكبيه على الشوربه وحركي بعدين حطي ملعقتين اكل صلصه وحركي وخليه تطبخ على نار عاليه بعد ماتقلب قلبتين قصري عليه النار وحطي عليه شعيريه اشوي وخليه نص ساعه تطبخ على نار هاديه وكل بعد عشر دقايق حركي الشوربه بعدين قبل ماتستوي بخمس دقايق حطي بقدونس مفروم مقدار ملعقه
منقول

نسرين فيه بملفي تطبيقى لشربة ام ريما بالصور تجنن ريحته من اول العماره تشمينها ولذيذه اعتمدتها من سنين بحاول احطلك الرابط سويها واعطيني رايك ممكن تسوينها بدجاج او لحم

http://forum.hawaaworld.com/showthread.php?t=26408...
هذا رابط الشربه مره اذيذه ومجربته

الطريقه :/ ١- نجيب قدر وسط نحط فيه بصله كبيره مفرومه مع زيت ونحمس على نار هاديه واذا بدى يذبل البصل نضيف بهارات عدله ( ليمون اسود ، اعواد دارسين ، ورق غار ) . ثمن نضيف اللحم مع العظم ويكون مقطّع وسط جربت بعظم وبدون والله فرق كبير مع العظم طعم ألذذذذ 👌🏻😋 . . ٢- بعد مانشوّح اللحم نضيف شوي فلفل اسود وفلفل احمر مطحون وشوي ثوم بودره وشوي دارسين مطحون ، وبعدين نضيف ٣ طماطم وسط مفرومه بالخلاط + ملعقتين كبيره صلصة طماطم ونخليه يتسبّك لمدة ربع ساعه . . ٣- نضيف لتر ونص ماء مخلوط معه ٥ م ك شوفان والماء يكون بارد مو ساخن ونضيفه ع اللحم ونخليه على نار عاليه لين يبدى يغلي ونحرّك بالمشبك اليدوي وبعدين نضيف ملح + بهارات الشوربه بالأعشاب تجي بظرف تجنننن طعمها أخذتها من بهارات الدار 👌🏻😍😋 عندها نوعين لبهارات للشوربه :( اعشاب وحامضه ) كلهااا عجبتني وحبيتها 😋 . . ٤- نخليها على نار هاديه لمدة ساعه الا ربع تقريباً 
الطريقة من حساب abeer_alamerah انستقرام