اقول لك بصراحه احساسي الله يجعله غلط يارب هدا كله تمثيليه مسويها عشان يقوللك اهلها قالوا لي يا تتزوجها يا ندبحك او نسجنك بيختار لك وحده عشان تحزنين عليه وتخافين ويهون عندك انه يتزوج عن الفضايح وما اقول الا الله يربط على قلبك بس بس والله العظيم الي خلقني لو انا بمكانك من يوم يجي يكسر جوالي علشانها ولا لبس لي سوارتها ومدري وشو لا أتفل بوجهه وابلغ عليهم الهيئه واطلقه هدا انا مو اقوللك سوي كدا عشان ما ابغى اي هجوم ارض جو هدا راي ومستحيل اسمح لنفسي اني انجرح وانهان لهالدرجه

الله يكون في عونك ويصبرك ويجبر خاطرك

اقولك كلمة تريحك وتشيل كل همك بعون الله ؟
لو كان مايحبك ويبغى وحدة من كل اللي عرفهم في ذا السنة كان من زمااااان طلقك وتزوجها وخلص
تأكدي ياقلبي انك الاولى والاخيرة في قلبه لكن طيش شباب
هذا من الناحية النفسية
ومن الناحية العضوية اذا تأكدتي انه على علاقة محرمة صراحة ماانصحك تسكتين
واجهيه قولي انا ما اجلس عندك وانت تخون وتجيب لي امراض
روح افحص وذيك الساعة بيخاف من كلام الناس لو انتي زعلتي وتكلمتي

نصيحة مني لا تتركين زوجك لها كوني قوية وخليه هو الي يمشي وراك سوي زي ما قالت لك شيهانة غيري من شكلك ولا تعطينه وجه حتى اذا حاول يتقرب منك لا تعطينه وجه بس اعم شئ تكوني قوية ولا تضعفيين ....واذا فتح معك موضوع البنت الي يحبها قوليله ترضى تكون بنتك زيها وتدخل واحد للبيت زي ما سوت هالبنت معك ودخلتك بيتها حط نفسك مكان ابوها

مع احترامي الشديد للجميع
كثير اشوف مواضيع عن خيانة الأزواج و كثيره نصايح تقول لو ما يحبك
كان تزوج وحده من الي يعرفهم من البنات و تركك ,,, ناسين أو متناسين
انه الرجل يبغى يتزوج بنت ترضيه و ترضي اهله و المجتمع ,, في وقت هو يلعب مع غيرها
يعني بالعربي ليس دليل على حبه لزوجته انه لم يتركها و يتزوج بنت لعوب و في نظره
هو ان هالبنت ممكن تكون على علاقة بغيره مثل ما هي على علاقة به << مستحيل يترك زوجته و يتزوجها
زوجته لو احتاجها ما تقدر ترده لكن اللعوب لو احتاجها و ردته ما بيقدر يجبرها
و هنا يكمن السر في عدم تركهم زوجاتهم بنات الشرف و الحسب و النسب و بقائهم على علاقات محرمه
مع بنات ما يخافون الله و ما تربو ,,,
انا اشوف انها اول تكشف انه مو سالفه ملفقه عشان يسهل امر الزواج باللعوب
لأنها مثل ما عرفت انها كانت ناويه هي و هو على الزواج من اول
و هذا يخلينا نشك ان سالفة ان ابوها طاح عليهم كذبه
اما اذا ثبت انه فعلاً كشفهم ابوها هنا يبي لك موقف صارم و قولي تحمل ما صنعت يداك
انت رجل محصن متزوج و رايح للحرام و ياما حاولت معك تترك هالشي
لكنك ما عطيتني اهتمام و ذليتني عشان وحده لعابه ما تدري كم شخص تعرفه غيرك
يعني خلي كلامك يهزه و يخليه يبكي دم على سواته فيك ...
لأن السكوت يعتبر موت بطيء لك يكفي نفسيتك تسوء بسبب افعاله
هذا الي اقدر اقوله و اتمنى ماحد يزعل مني هذا رأيي بكل صراحة
والله يهدي سرك اختي العزيزه و يريح بالك