ابغا مساعده بخصوص لون غرفتي الغامق

السلام عليكم ورحمة الله وبركاته...
مرحبا حبايبي انا عضوة جديدة وسعيدة بالانضمام لكم والصراحة انا زمان اقرا بمنتداكم الحلو بس دحينا اللي حصل اني اشتركت معاكم...
اتمنى اكون عند حسن ضنكم وشكرا لقبولي معكم كصديقة بالمنتدى...

ابغا اعرض عليكم مشكلتي مع لون غرفتي فـ اللون اللي انا طلبته لون موف على وردي ولكن اللي صبغ لي عنده موعمى اللوان وبس الا حول اللوان... المشكله وريته اللون كدا مره على كدا جدار ورغم كده راح صبغ لي احمر:icon33: وبعدين طمسه وصار عودي:icon33: ولون الاثاث موف متوسط مع بيج شوي فاتح فابدا مو مرتاحه لانو الموف يادوب ماشي مع العودي:icon33: وقالولي ادا بتصبغي لون فاتح لازم نقشر الجدار ونصبغ عشان ينلغي اللون القديم او نصبغ ابيض بعدين نصبغ اللي تبغيه لكن لو لصقتي اي شي وشلتيه راح يطلع اللون القديم...
فانا ابغا حل غير اعادة الصباغه كامله فادا كان عندكم لي حل فياريت تساعدوني وادا مافيه فالله يعين اعيد الصباغه مرة تانيه
فادا متلا فيه حركة ممكن اسويها عشان اكسر اللون الغامق ياريت تساعدوني..
ملاحظه... انا اعرف اصبغ بنفسي وعندي خبرة لانو على قولتهم الحاجه ام الاختراع فانا صرت احاول اسوي كل شي بنفسي عشان مااحتاج احد...