ابغا منكم النصيحة و الدعااااااااااء

السلام عليكم كيفكم يا حوائيات اخباركم ايش

المهم ماابغى اطول عليكم

عندي صديقة تعز عليا مرة امس ارسلتي رسالة انه زوجها جبلها هدية بمناسبة عيد الحب (اعوذ بالله من دي الاعياد والمناسبات )
فكتبتلها رسالة فيها حاولي انتي وزوجك ماتهتمو بزي كده امور لانه كفاية الذنوب اللي البني ادم بيسويها وكتبتلها انه ادري انه عيد الحب وانا وزوجي مانهتم بدي الامور
فارسلتلي الصراحة انتي غريبة انتي وزوجك تحتفلو باللي يعجبكم واللي مايعجبكم تحرموه ياكله يا بلاش
انا من فترة جبت كيكة لولدي عشان نهاة الترم وعشان كمل 5 سنين بس كان قبلها باسبوع ولدي يحب الهدايا ولا عمره جاته هدية او مناسبة خاصة فيه فجبتله الكيكة عند اهلي -ومرة نزلنا انا وزوجي فندق كتغيير هي تقول انه احتفلنا بيوم زواجنا واصلا تاريخ زواجنا كان باقيله كم شهر يعني مو احتفال فيها شئ دي الامور لو سويتها واحتفلت فيها بس مو في وقتها

كلنا بنسوي معاصي و بنغلط فكيف الواحدة تحاول تصلح نفسها بالتدريج ولا لا لانه الشدة مرة واحدة ممكن تنفر الشخص
مثل ما حرم الله شرب الخمر بالتدريج

انا عن نفسي صح كنت اسمع اغاني وانجن عليها و لازم اشتري شريط المغني الفلاني بعدكده صرت مااسمعها غير شوي شوي و مسنتحيل اشتري شريط واحد لمغني لو ايش كان وكان عندي قنوات اغاني احطها بعد كده ولا صرت اشوفها ابدا وشوي شوي و باذن الله و بالعزيمة حاابطل اسمعها ادعولي ابطلها
باروح زواجات زمان كنا نرقص و نغني داحين صرت اروح اجلس مكاني و لا احب الرقص و الاغاني اروح واجب للناس بس
في مشكلة مو عارفة كيف اسويها لما يكون في عيد ميلاد ينعزم في ولدي من ناس قريبين مني انا اروح صراحة وانا نفسي متضايقة لانه عارفة انه غلط ولما اكون هناك اتمنى الوقت يمشي عشان ارجع لاني اتضايق ايش اسوي اخاف الناس تزعل مني

المهم طولت عليكم انا غلطانه باني نصحت صحبتي انا عن نفسي زعلت من كلمتها اني انسانة غريبة وحلفت بعدها ماانصحها ابدا
ليش الناس صارت ما تتقبل النصيحة من احد
اخ والله انه الموت المفاجئ كثر دي اليومين وانا احاول اصلح نفسي و اصلح غيري ادعولي بالهداية و الالتزام وهدايه زوجي واولادي
لانه حالي مو عاجبني و مو مرتاحة والله نازلة الحرم تدعيلي

انصحوني ايش اسوي مع صحبتي