ابغى00عشبه لعلاج حساسية الصدر 00ولكم الاجر

طيب ليه ماتروحين لاستشاري فيه واحد كويس مره بالحبيب

اتذكر جاني زيك حساسيه صدر اذا ضحكت يصفر صدري وانا نايمه التنفس عندي انواع الاصوات بس الحمدلله عطاني حاجه تؤخذ عن طريق الفم

بودره تشفطينها بقووووه وروعه مفعولها

انا انصحك بالذهاب الى اخصائي والله يعافيك يارب

انا كنت مثلك .. الله يعظم الاجر سبع سنين معاناة .. قسم بالله كانت الكتمه والكحه ماتسلط علي الا بالليل لدرجة اني صرت احاول انام بوضعية ( الجلوس ) لاني اذا تمددت تزيد معاي الكحه ... واقسم بالله معاناة والحمدلله على كل حال .. وكانت وقتها ظروفي ماتسمح لي اروح استشاريين ومستشفيات كبيره .. لاني كنت عايشه برى المدينه .. المهم ياقلبي .. وبعد كم سنه اذكر اني رحت لعطار الكويت بالرياض وقلت له فيني حساسيه وكتمه .. وعطاني اعشاب وقال ربع ملعقه صغيره مع العسل .. وكنت اكثر العسل لان طعمها كان مره مر .. وكنت اكلها قبل النوم وبعد مااصحى من النوم .. المهم .. وخفت بشكل بسيط وبعدين استخرت كثير لاني كنت اروح مستوصفات صغيره ويعطوني موسعات شعب وبس المهم رحت لمستشفى ( صحارى ) تعرفينه اللي مبطي يودون له الشغالات عشان يطلعون لهم اوراق بسلامتهم .. ورب البيت كتب لي الدكتور بخاخين .. وقال لي استمري عليها بس شهرين .. والحمدلله ... بعدها انقطعت وصارت ماتجي الا وقت الغبار وصرت استخدم هالبخاخ كل ماحسيت بكتمه شديده والثاني الحمدلله استغنيت عنه ..

وقبل يومين قريت في شريط بدايه .. عشبة البردقوش + مليسا ( او ميلسا ) والله ماني متذكره بس تخلطينهم بقادير متساويه

وتآخذين منه ملعقه صغيره على كاس ماء مغلي وتغطينه خمس دقايق وتحلينه وتشربينه وتكررين هالشي ثلاث مرات باليوم وان

شاء الله ماقدامك الا العافيه

الدكتور عبد الباسط قال البردقوش مع المليسا نسويها مثل الشاي ونحليها بقليل من السكر ونشربها كذا مره فاليوم ممتازه للكحه والكتمه وحساسية الصدر كمان يا اختي لا تروحين بعيد عندك الثوم ممتاز للصدر قطعي الثومه دوائر وخذيها مثل حبة الدواء واشربي وراها ماء تعالج الصدر وجميع مشاكله مجربينها ممتازه

الله يجزاكم خير