ابغى أستشيركم في شيب الشعر

السلام عليكم ورحمة الله
كيفكم يا اخواتي العزيزات ، واسأل الله ان يبلغنا هذه الإجازة لا فاقدين ولا مفقودين وان يسعدنا فيها ونستغلها فيما يرضي ربنا
انا ابغى أستشيركم : شعري صراحة فيه شيب لكن بس المقدمة مرة ملاحظ رغم اني باقي عمري ٣١
ما كان فيه شي ولله الحمد لكن طلع في السنتين الاخيرة نتيجة الضغوط ما فيه شغالة وبيتي كبير وانا موظفة وعندي ٣ اطفال منهم ٢ يدرسون ما شاء الله
وانا جدا جدا عصبية وبنتي في اول ابتدائي عاد تعرفون كيف تدريسهم يرفع الضغط غير اني اعصب في المدرسة لذلك انعكس الوضع على نفسيتي وصارت مقدمة شعري كله شيب حتى زميلاتي صاروا يهاوشوني يقولون إصبغيه وانا من اول أفكر في نفس الفكرة لأَنِّي كنت يوم كانت عندي الشغالة احنيه كل أسبوع بس لما راحت معد الاقي وقت لذلك قلت أصبغه وأريح نفسي رغم اني دائما أعارض الصبغة صحيح انها حلوه وتعطي لوك جديد بس شوي الا صار الشعر لونين وصار مقصف
بس حاليا أفكر اترك المانع بعد شهر او شهرين باْذن الله وانا من النوع الخواف قلت يمكن طالما ان فيه حمل قريب باْذن الله يبغى للجسم يتخلص من السموم ومن كل شي كيماوي لذلك محتارة وش اسوي بذا الشيب مره محرجني عند زوجي وعند زميلاتي بالدوام وعند قريباتي وأهل زوجي
تكفون يا اخوات يا حلوات شوروا علي
وشكر موصول لكل من تفاعلت معي
😘😘😘