انا فريييش تووي معلمه بنتي

عمرها سنتين ونص

كان ودي اعلمها على السنتين بس كاان شتاا وكانت حياتنا ملخبطة

فانتظرت الصيف وتوكلت على الله

أول شي اخذت لها حفاظات الكلووت بس فهمتها انهم مو حفاظ ان هذا كلوت عاادي زي ماما

وبدأنا المشوار

صرت كل عشر دقايق اخذها للحمام ساعات تعمل وساعات لا
ونجلس في الحمام قرابه خمس دقايق

يعني متفرغه كامل لها

وخلال اسبووع صارت خلاص تعرف تخرجها في الحمام وكل شي
لكن كانت ماتطلب الحمام
يعني اذا انا اخذتها عملتها هناك
واذا ماخذتها عملته في الحفاظ

وكنت لما اقول لها انك عملتي بي بي في البالون او دورا ( كان الكلوت من هاجيز مرسوم عليه بالون ومن بامبرز مرسوم عليه دورا )
تقول لي وتصير تبكي وتنحرج
طبعا هي كانت تعملها من غير ماتحس وبما ان الحفاظ يمتص ماتحس بالبلل

صبرت يومين ولسه مافي تجاوب ماتطلب الحمام ..

فـ انتقلت للخطوه الثانيه
لبستها الكلوت البلاستيك المبطن بالفوطة

وصرت اوديها الحمام كل ساعه
لكن اذكرها فيه كل عشر دقايق على أمل انها تطلبه .. ولسه ماتجااوب

فـ طنشتها كذا مره خليتها تعملها في الكلوت وهنا كان الفرق
صارت تحس بالبلل فعرفت انها عملتها
وبدأت شوي شوي تطلب الحمام

ساعات تطلبه متأخره تكون عملت شوي في الكلوت والباقي في الحمام
وساعاات وهي تلعب او تشاهد تنسى
بس صارت تنتبه ان عملتها

طبعا الكلوت اخذت لونيين وردي واصفر

وهي المفضل عندا الوردي
فلما تعملها فيه البسها الأصفر
فتصير تنتبه ان تطلب الحمام علشان ارجع البسها الوردي

في هذي المرحله في عدة نقاط :

ان كنت انتبه انها تجلس على كنبه جهزتها مغطيه بمفرش بلاستيك من تحت علشان لاتبهدل لي المكان
ولما اخرج من البيت ارجع البسها الحفاظ الكلوت علشان لاتبهدلني قدام العالم

وقبل في المرحله الأولى لما كانت تعملها كنت اقول لها اني زعلانه
بس بعد ماصارت تطلب الحمام بشكل جزئي
صرت مازعل منها لما تعملها
صرت اشجعها واقول لها شكلك نسيتي انتبهي لاتنسي مره ثانيه
وان انا عارفه انك بطله وتعرفي تروحي الحمام مثل ماما

وتدريجاُ بعدا الأنتقال لمرحله الكلوت صارت تطلب الحمام بشكل رسمي

واذا حسيتها طولت ماطلبت اذكرها بالسؤال
واذا قالت مافيي اقول انا رايحه الحمام اجل فتقوم تسبقني للحمام

والآن نحن في المرحله الأخيره ..
وهي فقط التأكد .. الحمد لله الحين 3 اياام ماعملتها خارج الحمام ابد
وصارت تطلبه كل مره حتى لما تكون تلعب او تشاهد او نكون خارج المنزل
وحتى في الملاهي والأعراس

العمليه استغرت قرابه 3 اسابيع
اسبوع مع الحفاظ
واسبوع مع الكلوت
وحاليا الأسبوع الأخير والختامي ان شاء الله

طبعا مازلت لما اخرج البسها دورا .. تحسباً لأي انتكاسه

____________________________________


نصائح اخيره :

الطفل يكوون مستعد لما يبدأ يتوقف عن التبول اثناء النوم

استخدام الجوائز في البدايه في كل عمليه اخراج ناجحه في الحمام : ( كنت اعطيها قطعه حلوه - حضن وقبله - واحياناً لعبه )

الكلام التشجيعي ودائماً قولي له انك مثل ماما

ممم كل مره تجي تستخدمي الحمام اعملي اعلان انا رايحه الحمام فالطفل يصيير يعرف انا استخدمام الحمام عمليه متكرره في اليوم مو بس مره وحده

كل ام تعرف الشياء اللي بنتها تحبها استغليها في التعليم
مثلا تحب العروسات جيبي عروسه من اللي تستخدم الحمام

تحب الأميرات مثل بنتي وعدتها اول ماتصير تطلب الحمام بشتري لها كلوتات عليهم صور الأميرات وخليتها تشوفهم في المحل

بنتي متحمسه للروضه تسمع عنها من اختي الصغيره .. فقلت لها لازم تتركي الحفاظ لأن الروضه ماتبغى اطفال يلبسون حفاظ
ووديتها زياره للروضه علشان تتحمس ووعدتها اسجلها .. وسجلتها في الحضانه

وكل شي تحسي ممكن يساعد استخدميه للتحفيز

وان شاء الله اكوون افدتك

وكان من الممكن العمليه تاخذ اقل من 3 اسابيع لكن انا عندي اختها عمرها سنه ونص ومره متعلقه فيني تبغى على طول في حظني فما تخليني اتفرغ لـ اختها بالكامل

هذي كانت تجربتي .. وان شاء الله اختها يكوون سهل تعلميها مثل اختها

اي وشغله اخيره .. لما تخرجي خارج المنزل خذيها للحمام في المولات والمستشفى في بيت اهلك وغيره
علشان تتعود وتعرف ان الحمام في كل مكاان مو بس في البيت

تجربتك روعه يانورعلي
انا بنوتي باقي صغيرونه فديتها

نورعلي ماشاءالله عليك الله يحفظ لك بناتك لو أناا مكانك اعلم الثنتين بوقت واحد يعني اذا اخذتي الكبيره خوذي الصغيره معها تشوفها وتسوي زيها بس طبعا ماتكشفين عورتهن لبعض لان الاطفال يحبوا التقليد واتوقع الكبيره راح تتحمس اكثر ويتنافسون من اللي يعمل ف الحمام اول

رااائع تجاربكم

روحي تحبك
يسلمووو قمررره ويخلي لك بنتك وتستمتعي في تعليمها

سماهر ..

انا كنت مخططه على كذا .. اعلمهم سواا
لكن الصغيره تأخرت في المشي .. مشت قبل شهر واسبوع تقريباً
ومازالت ترضع مني .. وتبلل حفاظها وهي نايمه
يعني مافي مجال للتعليم ههههه
بس انا اخذها معانا للحمام وصارت تبكي تبغى تجلس مكاان ختها فـ اجلسهاا شوي
بس مو ماخذه الموضوع بشكل جدي
بعد ما افطمها ان شاء الله .. واذا شفت علامات الإستعداد بعلمها على طووول

________________


في شغله نسيت ماذكرها في التجربه
أنا ماستخدمت النونيه اصلاً

استخدمت الإطار اللي يوضع على كرسي الحمام وانتو بكرامه

او اخليها تجلس على الحمام العربي

لأنو حسيت انوو كذا نتخلص من مرحله الإنتقال من النونيه الى حمام الكباار