ابغى ابعد لساني عن الغيبه وماقدرت😭😭😭😭😭

السلام عليكم ورحمة الله
ياناس اتمنى يوم من الايام اترك الناس في حالهم واحافظ على حسناتي لكن ماقدرت حسناتي تطير بسبب لساني😭
دايم اتكلم في الناس كل مره اقول خلاص ماراح اعيدها وارجع من جديد وعلى هذا المنوال
لدرجه ذي صعب الواحد مايغتاب الناس 😭
تخيلو فيه حرمه عجوز من اقاربنا معروفه انها ماتغتاب ولا تطري احد ابدا ابدا والله انه نوره ربي في وجهها والناس يحترمونها ومحبوبه من ربي ذيك الادميه

اتمنى اكون مثلها حفظت لسانها فحفظها ربي

طبعا اذا رحت ازور ام زوجي في وسط الاسبوع زياره بحكم عايشين في بيت واحد ازورها اكثر من مره
تكون الجلسه ممله فأبغى اجيب سالفه تحرك الجو او خالتي الله يعطيها العافيه بعض الاحيان هي تغتاب فامشي معها على الغيبه اذا طلعت من عندها احس بشعور الذنب طيرت حسناتي وحسناتها ليتي جلست في بيتي استر💔
ووقت اذا رحنا العزايم الحريم في المجلس كلهم يفتحون سالفه جماعيه غيبه فمااقدر اسوي شئ
واذا جلست مع زوجي واخذتنا السوالف بالغلط اغتاب احد واندم 💔

ومشكلتي عايشه مع اهل زوجي وعايشه في مدينة اقاربنا كلهم فيها فالجمعات والعزايم كثيييييييير ولازم احضرها وتعرفون انو هي اساسا تساعد على الغيبه💔
ابغى حل ابغى طرق تساعدني على ترك الغيبه الله يرضى عليكم والله حاولت حاولت كذا مره الله المستعان ادوعلي
😢💔