ابغى اتخلص من ازمة الخطوط في البطن ؟؟

و عليكم السلام و رحمة الله و بركاته
زيييييين دخلت الموضوع ،
شوفي لاتستمعين للي يقولون الخطوط لازم تطلع و ماترووووووح أبد ، انا كنت متحطمة من كلام اللي يقولون كذا ، بحملي الأول ماطلع لي شيء ، بحملي الثاني طلعت لي خطوط بيضاء بسيطة بالفخوذ ، و الحين هذا حملي الثالث ، من بداية حملي و أنا أرطب بكريمات بزبدة الكاكاو ، لين طحت على شيء عشقته و علمت كل اللي حولي عنه و كلهم طلبوه و شريته لهم ،

زيت بايو أويل ،
منتج بريطاني ماتلقينه إلا بصيدلية بوتس ،
لها فروع بالرياض و الشرقية ،
بالرياض لقيتها بمجمع الخيمة اللي بخريص ، ( كارفور خريص ) ، اسمها صيدلية بوتس ،
و فيه يقولون فرع لبوتس في العثيم مول بالربوة ، بس مارحت له ،
توني اليوم شارية كمية منه و عنده عرض تاخذين علبتين يعطيك وحدة مجانا ،
فيه منه علبتين
125 مل بـ 105 ريال
200 مل بــ 170 ريال ،
ماتهم الفلوس كيفها تروح بس أهم شيء النتيجة ،
الزيت طبيعي 100 % و آمن للحامل و ريحته حلوة زهرة لافندر ،

فوائده ، يقي من التشققات للحامل ، و يزيل التشققات أو يخففها بنسبة كبيرة ، على حسب استجابة الجسم ،
يزيل آثار الجروح و الحروق ،
يوحد لون الجسم ، يعني لو عندك أماكن فيها اسمرار يرجعها لونها الطبيعي ،
مفيد لبشرة الوجه يشدها و يعطيها نضارة و يقي من التجعدات ، يشد البشرة بشكل عام ،
و يزيل الهالات السوداء اللي تحت العين ،


جربته أسبوعين ، أستخدمه لكامل جسمي قبل النوم و شفت نتيجة حلوة مرة
التشققات خفت بنسبة 20%
آثار الجروح 15% كانت سوداء لان تجيني حكة ببداية الحمل و حساسية ، الآن صارت بني و كل يوم يوم تفتح أكثر
السمار في بعض الأماكن خففه بنسبة 30%

المفروض يستخدم لفترة علاجية شهرين أو طوال الحمل لحين الولادة ، و انا الحمدلله شفت نتيجة بسيطة خلال أسبوعين و بأستمر عليه إلين الولادة بإذن الله و بعد النفاس لحد ماأوصل للنتيجة المطلوبة ،

اكتبي بقوقل زيت بايو أويل و شوفي صورته و تجارب الناس معاه وفوائده ،
إن مانفع ماراح يضر لانه كله زيوت طبيعية و مامنه ضرر ،


جد نصيحتي لك مادامك بكرية الحقي على نفسك و انتبهي من التشققات لان علاجها متعب ، بس الزيت يبي له استمرار ، مو تجي وحدة و تستخدمه أسبوع أسبوعين و ماتشوف نتيجة مرة و تقول مانفع و تسب فيه ،
استمري عليه شهرين بعدين ذاك الوقت تكلمي و قولي أفادك أو لا ،


هو المفروض مرتين باليوم ، مع أنا مع الثقل أحطه مرة أدهن جسمي فيه قبل النوم و يبي له تدليك بس أنا ماأدلك ، احطه و البس لسي ،
و أستخدم مقشر بالمشمش يوم ورا يوم ، علشان يعطي نتيجة أكثر .

اي سؤال اسأليني على الخاص ، اخا ف أنسى الموضوع و ماأرجع له .

رفع

انا استعملت كريم جست بيوتيفل في حملي دا والحمدلله ما طلعتلي خطوط المره دي

انا استخدم كريم بالمرز للسترتش مارك مرسوم عليه حامل
وكمان كريم للبطن بالمرز بالكولاجين وفيتامين ها
حلوه مره

أنا في حملي الأول استخدمت بالمرز بس كنت ما احط على اعلى افخاذي وبعد الولادة بين الكارثة مرة خطوط بيض
فانتبهي لازم صدرك وبطنك وجنوبك وظهرك واردافك وافخاذك لأن كل هذي المنطقة تتأثر مع الحمل ...